Быдӟым Вормонлы 80 ар тырмонэз пусъён

Википедиысь материал
Быдӟым Вормонлы 80 ар тырмонэз пусъён
Лого 80 лет Победы.jpg
Ар нуналыз 2024 - 2025 аръёс
Интыез Флаг России Россия
Сайтэз may9.ru

Быдӟым Вормонлы 80 ар тырмонэз пусъён — быдэс Россиын но кунгож сьӧрын Быдӟым Вормонлэн 80 ар тырмонэзлы сӥзем бадӟым программа. Соя 2024-тӥ–2025-тӥ аръёсы 170-лэсь трос ужрадъёс чакламын[1].

Дасяськон ужрадъёс

2023-тӥ арын 31-тӥ пӧсьтолэзе Россилэн азьмуртэз Владимир Путин Быдӟым Атыкай ожын Вормонлы 80 ар тырмонэз радъян но пусъён сярысь косэт гожтӥз. Кивалтэтлы «Победа» оргкомитетэн ӵош валтӥсь ожъёслы сӥзем ужрадъёсын план кылдытыны но юнматыны косэмын вал, озьы ик ужаны ужрадъёс бордын, кудъёсаз кунгожсьӧр азьветлӥсьёс пыриськозы. Россиысь кунгожсьӧр ужъёсъя министерстволы праздникез ортчытонын политика но дипломатия ласянь юрттэт сётыны косэмын, нош федерал но улосвыл кивалтӥсьёслы — дасяськонэ пыриськыны, ветеранъёслы юрттэт сётыны, интыысь кивалтӥсьёслы ожгар шайвылъёсты утялтонын юрттыны[2].

2023-тӥ арын гудырикошконэ президент Вормонлы 80 ар тырмонлы сӥзем ужрадъёсыз дасян но ортчытон понна радъясь комитет кылдытон сярысь косэт гожтӥз[3].

2024-тӥ арын 18-тӥ куартолэзе Россиысь кивалтэт Вормонлы 80 ар тырмонлы сӥзем ужрадъёсын планэз юнматӥз[4].

2024-тӥ арын 19-тӥ шуркынмонэ актёр но мерлыко ужчи Владимир Машков Москваысь Вормон музейын Вормонлэн 80 ар тырмонэзлы сӥзем логотипен тодматӥз. «1942-тӥ арын 19-тӥ шуркынмонэ, 82 ар талэсь азьло, сизьым часын ӵукна, артиллериен но «Катюшаен» ыбылыса, Горд армия «Уран» операцизэ мытӥз. Со Сталинград ожын немец войскоосты вормонлэн кутсконэз луиз», — презентациын тодэ вайытӥз Машков[5]. Логотип вылын Евгений Вучетичлэн «Родина-мать зовёт!» скульптураез возьматэмын, со Волгоградысь Мамаев курганысь «Сталинград ожысь геройёслы» синпелет ансамбльлэн валтӥсь элементэз луэ[6].

Программа

Быдӟым Вормонлы 80 ар тырмонлы сӥзем клип

Быдӟым Вормонлы 80 ар тырмонэз радъянъя но пусъёнъя планэ 171 ужрад пыртэмын. Соос пӧлын сяме пыӵам огъяросси ужрадъёс:

  • «Буре ваён сюсьтыл»
  • «Георгиевской лента»
  • «Вормон лыдӟонъёс»
  • «Вормон ваньмызлы одӥг»
  • «Медициная полк»
  • «Буре ваён поезд».

Озьы ик концертъёс, театръёсын адӟытонъёс но мукет ужрадъёс ортчозы.

Акциос быдэс Россиын радъяськозы[7].

Ужрадъёсты дасянэ но ортчытонэ пырисько волонтёръёслэн но ветеранъёслэн огазеяськонъёссы: «Волонтёры Победы», Росмолодёжь, «Движение первых», «Знание» общество но трос мукетъёсыз. 2025-тӥ ар ӵоже соос нылпиослы но егитъёслы пӧртэм пумо ужрадъёс радъялозы[8].

Кунгожсьӧр куноос

Валтӥсь статья: Парадэ ӧтем куноос (2025)

Москваысь Вормонлы 80 ар тырмонлы сӥзем Парадэ ог 20 кунъёслэн но кивалтэтъёслэн тӧрооссы вуыны кулэ[9]. Официальноё ӧтёнъёс басьтӥзы Белоруссилэн азьмуртэз Александр Лукашенко, КНР-лэн тӧроез Си Цзиньпин, Словакилэн премьер-министрез Роберт Фицо, Сербилэн азьмуртэз Александр Вучич, Бразилилэн азьмуртэз Луис Инасиу Лула да Силва, Босния но Герцеговиналэн пӧлэсаз пырись Сербской Республикалэн тӧроез Милорад Додик но мукетъёс[10].

Кунгож сьӧрын ужрадъёс

СНГ-ысь тросаз кунъёсын Вормонлэсь 80 арессэ паськыт пусйыны чакламын. 2023-тӥ арын толсуре СНГ-е пырись кунъёсысь кивалтэтъёслэн йыръёссылэн кенешазы Росси Федерацилэн азьмуртэз видеовазиськоназ вераз, Россия «огъя историмес утёнын, сое фальсифицировать каронэн но нацизмез данъянэн нюръяськонын юн кусыпъёсты азьланьтыны тырше шуыса»[11].

Кызьы пусйиз Россиысь кивалтэтлэн тӧроез Михаил Мишустин, нимысьтыз инты басьто «Бессмертный полк» калыккуспо движенилэн эгидаез улсын ортчись акциос но шествиос[12].

Юбилеез пусъён аре ожгар шайвылъёсты тупатъян ужъёс чакламын — Россиын гинэ ӧвӧл, кунгож сьӧрын но[13].

Удмуртиын ужрадъёс

Удмуртиын Быдӟым Вормонлы 80 ар тырмонэз пусъён улсын 64 ужрад чакламын. Нимысьтыз саклык висъяське буре ваён интыосты — монументъёсты, обелискъёсты, синпелетъёсты, бюстъёсты, буре ваён пулъёсты — утялтонлы но выльдонлы[14][15]. 2024-тӥ арын гинэ Быдӟым Вормонлы сӥзем 197 синпелет тупатъямын ни[16]. Ижын бадӟым лэсьтӥськон ужъёс мытэмын Вормон скверын но Ожгар но уж данлыклы сӥзем монумент котырын[14][15].

Озьы ик Быдӟым Вормонлэн юбилеезлы вуттыны чакламын «Удмуртилэсь Буре ваён книгаез»-лэсь электрон версизэ. Отчы 200 сюрслэсь уно ожгарчиос сярысь ивор пыртэмын луоз[14].

Буре ваён пусъёс

Россилэн азьмуртэзлэн косэтэзъя «1941-тӥ-1945-тӥ аръёсы Быдӟым Атыкай ожын Вормонлы 80 ар» юбилейной медаль юнматэмын.

Быдӟым ожысь ветеранъёслы тыронъёс

2025-тӥ арын 15-тӥ толшоре «Победа» оргкомитетлэн кенешоназ Россилэн президентэз Владимир Путин Быдӟым Атыкай ожысь вань ветеранъёслы, палкышнооссылы, концлагерьёсысь быдэ вуымтэ узникъёссылы одӥг пол 80 сюрс манет тырон сярысь косэт гожтэмез сярысь ивортӥз. Быдӟым Вормонлы 80 ар тырмонлы сӥзьыса, фронт мышкын тыршемъёс, котыртэм Ленинградын улэмъёс, концлагерьёсысь узникъёс, утиськон сооружениосты лэсьтэмъёс но ПВО объектъёсын, флотын но авиабазаосын ужамъёс быдэн 55 сюрс манет басьтозы[17].

Ватсам тодэтъёс

2025-тӥ арын 12-тӥ тулыспалэ Кун думаысь КПРФ-лэн депутатъёсыз, Геннадий Зюганов кивалтэм улсын, Быдӟым Вормонлы 80 ар тырмонэн валче, Думае амнистия сярысь катӵектоз пыртӥзы. Отын локальной ожъёсы пыриськем нырысьсэ йыруж лэсьтӥсьёсты мозмытыны дэмламын[18].

2025-тӥ арын 6-тӥ оштолэзе Мускоын ортчись Парадын белорусс армия возьматэмын луоз шуыса тодмо луиз. Нимысьтыз военной операциосысь ожгарчиос понна выль форма вуремын (китель, дэрем но галстук, брюки)[19].

2025-тӥ арын 17-тӥ оштолэзе Росавиация ивортӥз, диспетчеръёслэн Санкт-Петербург но Волгоград воздушной судноослэн экипажъёсынызы 8-тӥ куартолэзьысен 10-тӥ куартолэзёзь Ленинград но Сталинград шуыса герӟаськылозы[20].

Перемирие

2025-тӥ арын 28-тӥ оштолэзе Россилэн президентэз Владимир Путин Вормонлы 80 ар тырмонэз пусъён нуналъёсы перемирие ялӥз. Росси армилэн 00:00 мск 7-тӥ куартолэзьысен 8-тӥ куартолэзёзь но 00:00 10-тӥ куартолэзьысен 11-тӥ куартолэзёзь боевой действиосыз дугдытэмын луозы [21].

Валэктонъёс

  1. ↑ Правительство утвердило план мероприятий по подготовке и проведению празднования 80-й годовщины Победы в Великой Отечественной войне 1941–1945 годов [ӟуч] Правительство России.
  2. ↑ Путин подписал указ о создании оргкомитета по подготовке празднования 80-летия Победы, Ведомости (9 гудырикошконэ 2023). Эскеремын: 19 шуркынмонэ 2024 арын.
  3. ↑ Указ Президента Российской Федерации от 09.08.2023 № 602 ∙ Официальное опубликование правовых актов [ӟуч]
  4. ↑ Распоряжение от 17 мая 2024 г. № 1174-р Правительство России.
  5. ↑ В Музее Победы представили логотип 80-летия Победы | Победа РФ | Новость от 19.11.2024, Победа РФ | Новости, история, патриотизм (19 шуркынмонэ 2024). Эскеремын: 19 шуркынмонэ 2024 арын.
  6. ↑ Богдан Герцен. В "Музее Победы" представили логотип празднования 80-летия победы в Великой Отечественной войне, Профиль (19 шуркынмонэ 2024). Эскеремын: 20 шуркынмонэ 2024 арын.
  7. ↑ 80-летие Победы отметят масштабно | Победа РФ | Новость от 19.11.2024, Победа РФ | Новости, история, патриотизм (19 шуркынмонэ 2024). Эскеремын: 19 шуркынмонэ 2024 арын.
  8. ↑ Мероприятия к 80-летию Победы стартуют уже с января | Победа РФ | Новость от 19.11.2024, Победа РФ | Новости, история, патриотизм (19 шуркынмонэ 2024). Эскеремын: 19 шуркынмонэ 2024 арын.
  9. ↑ Кто приедет в Москву на Парад Победы в 2025 году, ВЗГЛЯД.РУ (02.04.2025). Эскеремын: 9 оштолэзе 2025 арын.
  10. ↑ На параде Победы в Москве ожидают более 20 глав государств и правительств, Регнум (15.04.2025). Эскеремын: 16 оштолэзе 2025 арын.
  11. ↑ Россия продолжит борьбу с фальсификацией истории | Победа РФ | Новость от 18.12.2023, Победа РФ | Новости, история, патриотизм (18 толсуре 2023). Эскеремын: 19 шуркынмонэ 2024 арын.
  12. ↑ Победу над нацизмом отметят с размахом | Победа РФ | Новость от 19.12.2023, Победа РФ | Новости, история, патриотизм (19 толсуре 2023). Эскеремын: 19 шуркынмонэ 2024 арын.
  13. ↑ Правительство утвердило план мероприятий по подготовке и проведению празднования 80-й годовщины Победы в Великой Отечественной войне 1941–1945 годов [ӟуч]
  14. ↑ 1 2 3 80-летие Победы в Великой Отечественной войне 1941–1945 гг. в Удмуртской Республике Архивы Удмуртии
  15. ↑ 1 2 В Удмуртии 2025 год будет посвящён Защитникам Отечества Официальный сайт Постоянного представителя Главы Удмуртской Республики при Президенте Российской Федерации
  16. ↑ В Удмуртии к 80-летию Победы в Великой Отечественной войне обновляют памятники, обелиски и монументы Единая Россия в Удмуртии
  17. ↑ Ветераны Великой Отечественной войны получат по 80 тыс. рублей | Эксперт [ӟуч]
  18. ↑ В Госдуму внесли проект амнистии в связи с 80-летием Победы, AiF (12.02.2025). Эскеремын: 12 тулыспалэ 2025 арын.
  19. ↑ Белорусские военные примут участие в параде 9 мая в Москве, РИА Новости (06.04.2025). Эскеремын: 6 оштолэзе 2025 арын.
  20. ↑ Петербург и Волгоград переименуют для авиации с 8 по 10 мая, РИА Новости (17.04.2025). Эскеремын: 17 оштолэзе 2025 арын.
  21. ↑ Путин объявил перемирие в дни 80-летия Победы, Коммерсантъ (28 оштолэзе 2025). Эскеремын: 28 оштолэзе 2025 арын.
«https://udm.ruwiki.ru/w/index.php?title=Быдӟым_Вормонлы_80_ар_тырмонэз_пусъён&oldid=503399»-ысь басьтэмын