Савицкая, Светлана Евгеньевна

Википедиысь материал
Эскерем гожтос
Светлана Евгеньевна Савицкая
Svetlana Savitskaya, 7 December 2018.jpg
Флаг
Росси Федерациысь Кун Думаысь Федерал Собраниезлэн депутатэз
Флаг
17-тӥ толсурысен 1995-тӥ арысен
Ужудысэз бортинженер
Данъетъёсыз
Военной службаез
Служить карон аръёсыз 1976 — 1993
Кытысь луэмез СССРFlag of the Soviet Union.svg СССР → Шаблон:Rus
Званиез Майор
Майор ВВС СССР

Светла́на Евге́ньевна Сави́цкая — Совето Союзысь космонавт, лётчик-испытатель, дышетӥсь но мерлыко ужен вырись, техника наукаосъя кандидат, СССР-ысь омыр-ожгар кужымъёсъя майор[lower-alpha 1] . Валентина Терешкова бере, дунне вылысь кыкетӥез кышномурт-инсьӧрчи. Нырысетӥез кышномурт, кудӥз усьтэм инсьӧры потаз.

Совето Союзлэн кык полэс Героез (1982-тӥ, 1984-тӥ аръёс). СССР-ысь лётчик-космонавт (1982-тӥ ар). СССР-ысь спортъя сӥё-дано мастер (1970-тӥ ар). 1975-тӥ арысен КПСС/КПРФ-лэн ёзчиез.

СССР-ысь Вылӥ Кенешлэн ёзчиез (1989—1991-тӥ аръёс). КПРФ-лэн II, III, IV, V, VI, VII, VIII ӧтчамъёсын Росси Федерациысь Федерал Собранилэн депупутатэз (17-тӥ толсурысен 1995-тӥ арысен[3]).

Одӥгназ кышномурт — Совето Союзлэн кык полэс Героез[4].

Улон сюресэз

Светлана Евгеньевна Савицкая вордӥськиз 1948-тӥ арын 8-тӥ гудырикошконэ Москваын. Атаез — Совето Союзысь лётчик но ожйыр, авиацилэн маршалэз Евгений Яковлевич Савицкий (1910-тӥ—1990-тӥ аръёс)[5]. Анаез — Лидия Павловна Савицкая (1924-тӥ—1986-тӥ аръёс), Быдӟым Отечественной Ож вакытэ служить кариз со корпусын ик, кудӥныз командовать кариз атаез; берло школаын дышетӥсь луыса ужаз[6]. Атаез, беспризорникъёс пӧлын будэм адями, нылзэ будэтонын неординарной амалъёс кутӥз — пичи дырысеныз солы быдэсак эрик сётӥз. Школае Светлана факультатив амалэн гинэ ветлӥз ке но, «витьёслы» гинэ дышетскиз. Инбамез профессия интые но ачиз ик бырйиз[7].

1966- тӥ арын 1465-тӥ номеро Николай Кузнецов адмирал нимо школаез йылпумъяз. Собере дышетскыны пыриз Москваысь Авиация Институтэ. Студент дыръяз ик, 1971-тӥ арын Калугаысь авиациая лётно-технической училищеез быдтӥз, «Летчик-инструктор» квалификация басьтӥз. 1972-тӥ арын вылӥ образование басьтӥз, Москваысь Авиация Институтэз усто отметкаосын йылпумъяз.

1969-тӥ арысен 1977-тӥ арозь Светлана Савицкая пилотажной спортъя СССР-ысь сборной командае пыриськиз. 1970-тӥ арын Великобританиын ортчем поршневой самолетъёсын пилотажной спортъя дунневыл первенстволэн вормисез луиз.

1970-тӥ арын Светлана Евгеньевналы СССР-ысь спортъя сӥё-дано мастер ним сётэмын[6][8].Стратосфераысь групповой амалэн парашютэн тэтчанъя спортын 3 дунневыл рекорд пуктӥз. Реактивной самолётъёсын лобанъя — 18 дунневыл рекорд:

  • 1974-тӥ арын — скороподъёмностья МиГ-211 но МиГ-21УС самолётъёсын 8 рекорд пуктӥз,
  • 1975-тӥ арын — Миг-25ПУ самолётэн ӝоглыкъя рекорд,
  • 1977-тӥ арын — ӝоглыкъя но вылэ ӝутсконъя МиГ-25ПУ самолётэн,
  • 1978-тӥ арын МиГ-25ПУ самолётэн ӝоглыкъя рекорд,
  • 1979-тӥ арын — Як-50 самолётэн ӝоглыкъя кык рекорд,
  • 1981-тӥ арын — Як-40 самолётэн грузоподъёмностья 4 рекорд.

Валентина Терешкова лобам бере, 19 ар ортчыса, инсьӧры нош ик вуылӥз нылыкышно-космонавт — Светлана Савицкая. 1982-тӥ арын 19-тӥ-27-тӥ гудырикошконэ Л. И. Леоновен но А. А. Серебровен ӵош «Союз Т-7» кораблез эскерись-космонавт чотын 7 уй-нунал но 21 час 52 минут ӵоже инсьӧрын улӥз. Со вал кыктэтӥез «Салют-7» научно-орбитальной станциез эскерон-чаклан экспедиция. Л.Леонов, А.Серебров но С.Савицкая Музъем вылэ «Союз Т-5» кораблен берытскизы. Инсьӧрез эскерон экспедициын ӟеч тыршемез но геройлыко луэмез понна Вылӥ Кенешлэн Президиумезлэн Косэтэзъя, Светлана Евгеньевна Ленин нимо орденэн но «Зарни Кизили» медален пусъемын, Совето Союзлэн Героез дано ним сётэмын.

1984-тӥ арын 17-тӥ-19-тӥ пӧсьтолэзе В. А. Джанибековен но И. П. Волковен ӵош, «Союз Т-12» кораблен бортинженер чотын кыкетӥ лобанзэ быдэстӥз. Таяз радэ инсьӧр лобанэз 11 уй-нунал 19 час но 15 минут кыстӥськиз. Со арын ик 25-тӥ пӧсьтолэзе С.Савицкая В.Джанибековен ӵош инсьӧр вӧлметэ потыса, 3 час 35 минут ӵоже арбериосты, кораблез тупатон инструментъёсты, киын ужан луонлыкез эскеризы. Та вал ньылетӥез «Салют-7» орбитальной станциез эскерон-чаклан экспедиция. Азинлыко тыршемез понна, Светлана Савицкая кыкетсэ пусъемын Ленин нимо орденэн но «Зарни Кизили» медален.

1975—1978-тӥ аръёсы МиГ-25ПУ учебно-боевой самолётэн ӝоглыко но ӝужытын лобанъя 4 нылкышно рекорд пуктӥз[9]:

  • ӝоглыкъя дунневыл рекорд (2683,44 км/ч, 1975-ти арын 22-ти инвожое);
  • ӝужытын лобонъя рекорд (21 209,9 м, 1977-тӥ арын 31-тӥ гудырикошконэ);
  • 500 километръем дистанциын ӝоглыкъя рекорд (2466,1 км/ч, 1977-тӥ арын 21-тӥ коньывуонэ);
  • 1000 километръем валче вуттэм (замкнутой) маршрутъя ӝоглыкъя рекорд (2333 км/ч, 1978-тӥ арын 12-тӥ оштолэзе).

1978-тӥ арысен куартолэзьысен 1981-тӥ арозь ивожо толэзёзь Москваысь «Скорость» машина лэсьтон заводын лётчик-испытатель луыса ужаз.

1980-тӥ арын гудырикошконэ лётчик-космонавтъёслэн отрядазы лэземын вал. 1981-тӥ арын инвожо толэзе «Скорость» заводлэн нимысьтыз космонавт-исследователе пуктэмын. Огъя лобам дырыз 2000 час люкаськемын.

1982-тӥ арын космонавт-исследователь луыса лобаз «Союз Т-5», «Союз Т-7» корабльёсын но «Салют-7» орбитальной станциын.

1984-тӥ арын бортинженер луыса «Союз Т-12» корабльын «Салют-7» орбитальной станциын лобаз. Лобон дыръяз нырысьсэ кышномуртъёс полысь усьтэм инсьӧры потӥз.

«Союз Т-15C» кораблен «Салют-7» станцие дунне вылысь нырысьсэ быдэсак кышномурт экипаж пӧлын командир луыса лобыны дасяське вал, но лобыны ӧз кылды.

1993-тӥ арын Савицкая космонавтъёслэн отрядысьтызы, майор звание басьтыса, пенсие кошкиз.

Статистика[10]

# Стартовой

корабль

UTC Экспедиция Пуксён корабль Пуксён, UTC Лобам дыр Усьтэм инсьӧре лобамъёс Усьтэм инсьӧрын дыр
1 Союз Т-7 19|08|1982, 17:12 Салют-7 Союз Т-5 27|08|1982, 15:04 07 уй-нунал 21 час 52 минут 0 0
2 Союз Т-12 17|07|1984, 17:41 Салют-7 Союз Т-12 29|07|1984, 12:55 11 уй-нунал 19 час 14 минут 1 0 уй-нунал 3 час 33 минут
19 уй-нунал 17 час 06 минут 1 0 уй-нунал 3 час 33 минут

1993-тӥ арысен дышетӥсь луыса ужаз Московской авиационной институтын, доцент, техника наукаосъя кандидат[11].

Владимир Джанибеков, Светлана Савицкая но Игорь Волк («Союз Т-12») СССР-сь Почта маркаын, 1985-тӥ ар
«Салют-7» орбитальной станциялэн экипажез: Л. И. Попов, С. Е. Савицкая, А. А. Серебров

2014-тӥ арын 7-тӥ тулыспалэ Сочиын Олимпийской Тол шудонъёсты усьтонъя церемониын, Сергей Крикалевлэн кивалтэмез улсын, Совето Союзысь но Россиысь инсьӧрчиослэн группазы пӧлын Светлана Евгеньевналы Росси Федерацилэсь флагзэ ӝутыны дан сётэмын вал[12].

Кат кылдытонъя ужан удысэз

1996-тӥ арысен 2019-тӥ арозь Кун Думаысь II, III, IV, V, VI но VII отчамъёслэн депутатэз луиз. 43 законодательной инициативаослэн но федерал катъёсы ватсанъёслэн соавторзы[13].

Семьяез

Кузпалыз Виктор Станиславович Хатковский (вордскемын 1944-тӥ арын), лётчик, Москваысь Ильюшин нимо машина лэсьтон заводысь инженер-конструктор .

Пиез — Константин (ворскемын 08.10.1986-тӥ арын).

Выныз — Евгений Савицкий (вордскемын 1958-тӥ арын).

Ӟеч ужъёсыз

Данъетъёсыз

  • Совето Союзлэн кык полэс Героез (1982-тӥ ар, 1984-тӥ ар), одӥгназ кышномурт — Совето Союзлэн кык полэс Героез;
  • «За заслуги перед Отечеством» III степенё орден (29-тӥ оштолэзь 2019-тӥ ар)
  • «За заслуги перед Отечеством» IV степенё орден (25-тӥ южтолэзь 2014-тӥ ар) — ужын азинсконъёсыз понна, Росси Федерацилэн социально-экономической будонэзлы шӧдскымон бадӟым ватсэт лэсьтэмез понна, инсьӧрез тодэм-валамез понна, катлыкез но катъя улонэз юнматэмез понна, трос аръёс ӵоже сюлмо ужамез понна, мерлыко но катъёсты кылдытонъя уже мыло-кыдо пыриськемез понна [14];
  • кык Ленин орден (1982-тӥ ар, 1984-тӥ ар);
  • «Знак Почёта» орден (1976-тӥ ар);
  • «За заслуги в освоении космоса» медаль (12-тӥ оштолэзь 2011-тӥ ар) — инсьӧр вӧлметэз эскерон удысын азинсконъёсыз понна, кема аръёс ӵоже сюлмо ужамез понна;
  • Алексей Леонов медаль (Кемеров улосвыл, 2015-тӥ ар) — 1984-тӥ  арын усьтэм инсьӧре лобемез понна[15];
  • «За заслуги перед Партией» орден (КПРФ, 2016-тӥ ар)[16]
  • зарни медаль но Аэронавтикая дунневыл федерацилэсь 18 диплом;
  • 16 спортъя СССР-ысь медаль;
  • нимысьтыз медаль усьтэм космосын кышномуртъёс пӧлысь дунневыл рекорд пуктэмез понна;
  • Светлана Савицкая нимын кык пичи планетаос (астероидъёс) нимамын : № 4118 (Света) но № 4303 (Савицкая).
Светлана Савицкаялы сӥзем сквер но Миг-17 (Вязьма)

Званиосыз

  • СССР-сь спортъя сӥё-дано мастер (1970-тӥ ар).
  • СССР-ысь лётчик-космонавт (1982-тӥ ар).
  • Калуга карлэн дано адямиез (1983-тӥ ар).
  • Вязьма карлэн дано адямиез (1997-тӥ ар).
  • Москва карысь Останкино ёрослэн дано улӥсез (2008-тӥ ар).

С. Е. Савицкаяез данъяса:

  • С. Е. Савицкаялы портрет-барельеф пуктэмын Юрий Гагарин нимо инсьӧре потам муртъёслы сӥзем паркын, кудӥз усьтэмын вал 9-тӥ оштолэзе 2021-тӥ арын Саратов улосвылын.
  • 1984-тӥ арысен — Вязьма карын Савицкаялы сӥзем сквер усьтэмын (25 Октябрь но Репина нимо ульча вожъёсын) мемориальной «МиГ-17»-ен ӵош.

Санкциос

2022-тӥ арын 25-тӥ тулыспалэ Евросоюзлэн санкционной списоказ пыртэмын вал. 2022-тӥ арын 11-тӥ южтолэзе Великобританилэн санкционной списоказ пыртэмын. 2022-тӥ арын 30-тӥ куарусёнэ США-лэн санкционной списоказ пыртэмын[17].

2023-тӥ арын 24-тӥ тулыспалэ Канадалэн санкционной списоказ пыртэмын. Озьы ик Швейцарилэн, Австралилэн, Японилэн, Украиналэн но Выль Зеландилэн санкционной списокъёсазы сюремын.

Киноын

  • Салют-7 (фильм)

Библиография

  • Савицкая, Светлана. Вчера и всегда. — М. : Издательство Агентства печати Новости, 1988. — 448 с. — 100 000 экз. — ISBN 5-7020-0035-8.

Валэктонъёс

Комментариос
  1. ↑ В некоторых источниках указывается полковником[1][2].
Источникъёс
  1. ↑ Светлана Савицкая [ӟуч] «Свободная пресса». Эскеремын 2022-08-13 арын
  2. ↑ Савицкая Светлана Евгеньевна [ӟуч] КПРФ. Эскеремын 2022-08-13 арын
  3. ↑ Савицкая Светлана Евгеньевна - Депутат Государственной Думы VII созыва - Биография [ӟуч]
  4. ↑ Первая женщина в открытом космосе. Светлана Савицкая 25 лет спустя РИА Новости. Эскеремын 2017-04-15 арын
  5. ↑ Савицкий Евгений Яковлевич Архивная копия от 5 тулыспалэ 2014 на Wayback Machine.
  6. ↑ 1 2 Верую (Москва). Беседа с дважды Героем Советского Союза, космонавтом Светланой Евгеньевной Савицкой Tv-soyuz.ru. Эскеремын 2015-09-27 арын
  7. ↑ Светлана Савицкая. Покорительница открытого космоса Женщины в науке. Эскеремын 2017-04-15 арын
  8. ↑ Савицкая Светлана Евгеньевна Энциклопедия испытателей. Эскеремын 2015-09-27 арын
  9. ↑ Рекорды МиГ-25 (Е-133, Е-266, Е-266М) Архивная копия от 27 куарусёнэ 2015 на Wayback Machine.
  10. ↑ Statistics - Savitskaya Svetlana Yevgeniyena spacefacts.de. Эскеремын 2020-03-13 арын
  11. ↑ Биография Светланы Савицкой РИА Новости. Эскеремын 2015-09-27 арын
  12. ↑ В Сочи началась церемония открытия XXII зимних Олимпийских игр
  13. ↑ Официальный сайт Государственной Думы Федерального Собрания Российской Федерации old.duma.gov.ru. Эскеремын 2019-08-23 арын
  14. ↑ Указ Президента Российской Федерации от 25 марта 2014 года № 176 «О награждении государственными наградами Российской Федерации» Архивировано 26 южтолэзе 2014 года..
  15. ↑ Первые космонавты получили медали имени Алексея Леонова в Звездном городке
  16. ↑ Геннадий Зюганов наградил группу космонавтов и ветеранов первого космического старта
  17. ↑ Russia-related Designations and Designations Updates; Publication of Russia-related Frequently Asked Question [англи]

Литература

  • И. А. Маринин, С. Х. Шамсутдинов, А. В. Глушко (составители). Советские и российские космонавты. 1960—2000 / Под редакцией Ю. М. Батурина. — М.: ООО Информационно-издательский дом «Новости космонавтики», 2001. — ISBN 5-93345-003-0.

Чӧлсконъёс

«https://udm.ruwiki.ru/w/index.php?title=Савицкая,_Светлана_Евгеньевна&oldid=471079»-ысь басьтэмын