Урал гурезь (Сарапул)
| Урал гурезь | |
|---|---|
 | |
| Тужгес ӝужыт азьыз | |
| Оглом ӝуждалаез | 200 |
| Интыяськемез | |
| 56°29′41″ с. ш. 53°48′44″ в. д.GЯO | |
| Кун | |
Урал гурезь, озьы ик Старцева Гора — Сарапулысь тужгес ӝужыт инты. Пӧртэм ивортодэтъя, солы 240-сен 280-зь миллион арес.
География
Урал гурезь Сарапул карлэн уйпал люкетаз интыяськемын, со доры Нагорной ульча поттэ. Гурезь городлэн тужгес ӝужыт интыез луэ: Кам вадьсын 50-70 метрын, нош зарезь вадьсын 200 метрын интыяське[1].
Геология
Л. Богоявленский, натуралист но Орнитологъёслэн урал огазеяськонзылэн дано ёзчиез, «Как нашлась прабабушка Камы» ужаз гожтэ, Сарапулысь Старцева Гора Урал гурезьёсын огбыдӟа шуыса, со 240—280 млн ар талэсь азьло кылдэмын. Сарапулысь вырйыл пермь толщаослэсь пӧрмемын — палеозойской эраысь зарезь но континент зор-котъёслэсь. Со зор-котъёс Ӟуч зарезь бере кылиллям; зарезь соку быдэс Ӟуч платформа вадесын тулкымъяське вал. 1930-тӥ аръёсы пермь толщаос быризы, изъяр лазеггес луиз, куакъёсын шобырскиз[2][3].
Ву вадьсын 10-12 метрын адӟиське терраса, азьвыл со шурлэн пыдэсыз вал. Ленгидроэнергопроектысь тодосчиослэн ивортэмзыя, терраса берпум йӧ вакытэ кылдэмын — 70-110 сюрс ар талэсь азьло. Нырысетӥ террасалэсь 5-6 метрлы вылынгес кыкетӥ терраса возиськемын. Озьыен, Камлэн мурдалаез та интыын азьвыл 15-20 метрлы вылынгес вал[2][3].
Историез
«Урал гурезь» нимлэн кылдэмез тодмо ӧвӧл. Нош Старцева Гора сое ниманы кутскизы 16-тӥ даур бере, отчыозь сое «Старческая Гора»[3] шуизы, малы ке шуоно отчы калгись пересьёс интыясько вылэм. Уно аръёс ӵоже тодосчиос лыдъязы, Сарапул ӵапак та гурезь йылын кылдӥз шуыса, отын ик пуктэмын вал Сарапул крепость[1].
Революцилэсь азьвыл потэм сарапул газетъёсын гожъямын, гурезь вылын азьло нюлэс биржа интыяськемын вал шуыса. Отын возизы но вузазы корам нюлэсэз. Нюлэс вузасьёс пӧлын вал Сарапулысь Башенин, Корешев, Татаринов, Полстовалов купецъёс[3].
Озьы ик гурезь вылын сылӥз Ефим Герасимович Девятов купецлэн дачаез, 1982-тӥ арын солэн интыяз вуэз чылкытатонъя тӥрлыкъёс пуктэмын вал[3].
Революция бере гурезь Сарапулын улӥсьёслэн яратоно шутэтскон интызы луиз[3].
Туризм
Туала вакытэ Урал гурезь Сарапулын улӥсьёслэн, уката ик кузпалъяськисьёслэн, одӥгез яратоно шутэтскон интызы луэ но уно туристъёсты бордаз кыске. Гурезь вылын пуктэмын кык учкон площадкаос, отысен чебер интыос усьтӥсько, озьы ик карлэн йырызлы А. В. Дуровлы сӥзем из пуктэмын. Озьы ик городэ лыктэмъёсты бордазы кыско 40 метр ӝуждалаё но 200 аръем кык лиственницаос[3]. Одӥгзэ соос пӧлысь ньыль кузя гинэ ӟыгыртыны луэ — сокем со паськыт[4]. Кытысь потӥзы та писпуос Сарапулын, али ке но тодмо ӧвӧл, угось, ботаникъёс верамъя, сибирь лиственницаос та интыосын асьсэ коже уг будо[5].
Валэктонъёс
- ↑ 1 2 Смотровая площадка на горе «Урал» (Старцева гора), Удмуртия 360 (12 куарусёнэ 2023). Эскеремын: 25 тулыспалэ 2025 арын.
- ↑ 1 2 Богоявленский, Л. Как нашлась прабабушка Камы. » Прикамский край Красное Прикамье.
- ↑ 1 2 3 4 5 6 7 Шилова, И. Поедем на «Урал?» Красное Прикамье.
- ↑ Как отдохнуть в Сарапуле и Сарапульском районе [ӟуч] Visit Udmurtia.
- ↑ Обзорная площадка «Гора Урал» [ӟуч] pro-sarapul.ru.