Чарушин, Иван Аполлонович

Википедиысь материал
Иван Аполлонович Чарушин
Иван Чарушин.jpg
Огъя тодэтъёс
Кунмуртлыкез
Вордӥськем дырыз 24-тӥ тулыспалэ (8-тӥ южтолэзе) 1862
Вордӥськем интыез
Кулэм дырыз 29-тӥ пӧсьтолэзе 1945({{padleft:1945|4|0}}-{{padleft:7|2|0}}-{{padleft:29|2|0}}) (83 года)
Кулэм интыез
Ужъёсыз но вормонъёсыз
Дышетскемез
Ужан интыез С.-Петербург, Ижжар, Сарапул, Вотка, Сахалин шормуӵысь Александровск пост
Архитектурной стилез модерн
Валтӥсь лэсьтосъёс Дун-чылкыт Михаил Архангеллэн кафедральной соборез (Ижкар)[1], Ваткаысь пиосмурт гимназия, Ижысь Успенской черк, Шор гостиница (Киров), Т. Ф. Булычев купечлэн юртэз
Улонэ пыӵатымтэ проектъёс Кировысь Советъёслэн юртсылы проект
Данъетъёсыз
орден Святого Владимира 4-й степени орден Святой Анны 3-й степени орден Святого Станислава 3-й степени
Логотип РУВИКИ.Медиа Медиафайлъёс РувикиМедиа пушкын

Ива́н Аполло́нович Чару́шин (24-тӥ тулыспалэ (8-тӥ южтолэзе) 1862, Орлов[d], Ватка губерния — 29-тӥ пӧсьтолэзе 1945, Киров) — Кам котырысь но Урал азьысь каръёсты ӝутонын шӧдскымон инты басьтэм ӟуч инженер-архитектор, нырысетӥ степенё архитектор-суредась (1890)[2]. Е. И. Чарушин писательлэн но суредасьлэн атаез.

Улон сюресэз

Орлов карын 24-тӥ тулыспалэ (8-тӥ южтолэзе) 1862-тӥ арын вордӥськиз. Н. А. Чарушинлэн агаез[3].

1873-тӥ арын Орлов уездысь училищеез йылпумъяз, отӥяз, 1884-тӥ арын, Петербургысь Суредаськонъя академие  [ӟуч] (удм. пыриз, сое 1888-тӥ арын бадӟым азвесь медален йылпумъямез бере куинетӥ степенё архитектор-суредась ним басьтӥз[4]. 1890-тӥ арын кыкетӥ степенё суредасьлэсь нимзэ басьтӥз[5]. 1890-тӥ арысен 1893-тӥ арозь Сахалин шормуӵын инженер-архитектор луыса ужаз. 1893-тӥ арысен Ваткаын тыршиз: нырысь губерниысь архитекторлэсь ужзэ быдэсъяз, нош 1896-тӥ арысен (мукет ивортонъёсъя, 1894-тӥ арысен[3]) губерниысь архитектор вал. Гурт школаослы, черкъёслы проектъёс лэсьтылӥз[6][7][2][3].

1896-тӥ—1907-тӥ аръёсы Ижын Дун-чылкыт Михаил Архангеллэсь соборзэ лэсьтӥз, отын пасьтана кӧня ке пумо планъёсъя ужпумъёсты огазеяз, соборез со отӥяз устоез быдэстэм уженыз лыдъялляз[6].

Совето власть вакытэ Ватка губерниысь совнархозлэн лэсьтӥськонъя ёзэзлэн архитекторез — кивалтӥсез луыса ужаз, Ватка губерниысь музей ужпумъёсъя но искусствоысь, вашкалаысь но инкуазьысь синпелетъёсты утёнъя комитетлэн тӧроез вал, губерниысь лэсьтӥськонэз эскеронъя кивалтӥсьлэн воштӥсез луиз, Кировысь горсоветлэн проектъя мастерскоеныз кивалтӥз. 1922-тӥ арысен 1930-тӥ арозь губерниысь кулэсь арбериос лэсьтон заводъёсты тупатонъя но выльдонъя Ваткаысь куосын вырись трестын архитектор луыса тыршиз[3].

Дворян выжыысь потэмез но революцилэсь азьвыл вылӥ пуконъёсты басьтэмез И. А. Чарушинлы ӧз люкеты 1917-тӥ ар бере но сыӵе ик кулэ луыны. Озьы 1919-тӥ арын ини солы бырем революционеръёслы Вяткаын нырысетӥ синпелет-обелискез кылдытыны оскизы, нош 1923-тӥ арлэн кутсконаз со калыклэсь мылкыдзэ вӧлмытӥсь С. Халтуринлы сӥзем синпелетлэсь постаментэзлы губернилэн шораз ик пуктыны проект лэсьтӥз. 1930-тӥ аръёсы Иван Аполлонович «Вяткомстрой» трестлэн проектъя сектореныз кивалтӥз, бератаз горсоветлэн проектъя контораяз архитекторъёслэсь группазэс валтӥз, Ваткаын валтӥсь архитектурая проектъёсты быдэстонэ пыриськиз: С. Н. Халтурин нимо паркын гужем театрлы проект лэсьтӥз (1934), Шор гостиницаез (1937) но Кировысь НКВД-ын  [ӟуч] (удм. ужасьёслы дуно коркаез (1937) малпаз. 1935-тӥ арын Чарушин Кировысь Советъёслэн юртсылы конкурсъя проектэз лэсьтӥз, со понна кыкетӥ премия сётэмын вал, но улонэ та проект ӧз пыӵа[3].

1936-тӥ арын куарусёнэ Чарушин СССР-ысь Архитекторъёслэн огазеяськонзылэн  [ӟуч] (удм. ёзчиез луиз, солэн нырысетӥ ӧтчамаз пыриськиз[3].

Архитектура удысын оглом ӝыны даур ӵоже тыршытозяз, И. А. Чарушин азьвыл Ватка губернилэн интывылаз 500-лэсь трос юртъёс но сооружениос малпаз, со пӧлысь куиньмос люкетэз туала Удмуртилэн музъем вылаз интыяськемын. Чарушин (куддыр мукет архитекторъёсын ӵош) 67 из но 98 пу черкъёс пуктӥз, соос пӧлысь 53-ез — Удмуртиын[6][8][2].

Быдӟым Атыкай ож азьын со архитектурая ужезлэсь палэнскизгес но 1940-тӥ арын весяклы улон вылысь Ленинградэ выжиз, ӵапак татын солэн пиосыз уло вал. Но тылож кутскем бере Чарушинъёслэн семьязы Кирове берытскиз, татын Иван Аполлонович берпуметӥ аръёссэ ортчытӥз. Та дыр ӵоже И. А. Чарушин СССР-ысь Архитекторъёслэн огазеяськонзылэн интыысь ёзаз мыло-кыдо пыриськиз, ужъюлтошъёсыз пӧлын но кивалтӥсьёс азьын данын вал.

Иван Аполлонович десятникъёслэн школаязы но мелиорацияя техникумын дышетӥз. «Лэсьтӥськон искусство» курсъёсты лыдӟиз, та курслы «Части зданий» учебник поттӥз. Архитектуралы но лэсьтӥськонлы сӥзем статьяоссэ «Вятская правда», «Строительная газета» но «Правда» газетъёсын печатлаз[3].

1945-тӥ арын 29-тӥ пӧсьтолэзе Кировын 83 аресказ улонысь кошкиз. Кулэмез бере «Кировская правда» газетын бадӟым некролог печатламын вал. Архитекторез берпум сюресаз Киров улосысь суредаськонъя музейын келязы, отӥяз со Кировысь Лобановской шайвылын сиё-дано ватэмын вал[3]. Бератаз шайгу вылаз буре ваён пул юнматӥзы, сое скульптор М. М. Кошкин лэсьтӥз[9].

Данъетъёсыз но дано нимъёсыз

  • 1890-тӥ арын — нырысетӥ степенё архитектор-суредась луиз;
  • 1903-тӥ арын — коллежский советниклэсь чинзэ басьтӥз[10];
  • Вӧсьлыко Анналэн куинетӥ степенё орденэныз пусъемын;
  • Вӧсьлыко Владимирлэн ньылетӥ степенё орденэныз пусъемын;
  • 1894-тӥ арын — Вӧсьлыко Станиславлэн куинетӥ степенё орденэныз пусъемын[11].
  • Россиысь почта конверт, 2012-тӥ ар

    Россиысь почта конверт, 2012-тӥ ар

  • И. А. Чарушинлэн Кировысь Лобановской шайвылысь гуэз

    И. А. Чарушинлэн Кировысь Лобановской шайвылысь гуэз

  • Шайгу вылаз юнматэм буре ваён пул

    Шайгу вылаз юнматэм буре ваён пул

Архитекторлэн ужъёсыз

  • Дун-чылкыт_Михаил_Архангеллэн_кафедральной_соборез(туспуктэм вылын куашкатэмзы бере выльысь ӝутэм черк)

    Дун-чылкыт_Михаил_Архангеллэн_кафедральной_соборез(туспуктэм вылын куашкатэмзы бере выльысь ӝутэм черк)

  • Воткаысь Спасо-Преображенской черк

    Воткаысь Спасо-Преображенской черк

  • Серафим Саровский нимо черк (Киров)

    Серафим Саровский нимо черк (Киров)

  • Александровской костёл (И. А. Чарушин кивалтэм улсын пуктэмын, 1903-тӥ ар)

    Александровской костёл (И. А. Чарушин кивалтэм улсын пуктэмын, 1903-тӥ ар)

  • Т. Ф. Булычев купечлэн юртэз (1911, Киров)

    Т. Ф. Булычев купечлэн юртэз (1911, Киров)

  • Вахрушев купечлэн юртэз (Киров улосысь Вахруши)

    Вахрушев купечлэн юртэз (Киров улосысь Вахруши)

Буре ваён

Архитекторлы 160 ар тырмонэн валче Кировысь «Центральная» гостиница нимзэ воштӥз но «CHARUSHIN HOTEL» луиз[12].

Валэктонъёс

  1. ↑ Алексей Чулков Дорога к храму Известия Удмуртской Республики. Izvestiaur.ru. Эскеремын 07.07.2025 арын
  2. ↑ 1 2 3 Чарушин Иван Аполлонович / Звагельская В. Е. // Уральская историческая энциклопедия : [арх. 20 коньывуонэ 2021] / глав. ред. В. В. Алексеев. — 2-е изд., перераб. и доп. — Екатеринбург : Издательство Академкнига; УрО РАН, 2000. — С. 593. — 640 с. — 2000 экз. — ISBN 5-93472-019-8.
  3. ↑ 1 2 3 4 5 6 7 8 Архитектор-художник И. А. Чарушин / Б. В. Зырин // Энциклопедия земли Вятской : в 10 т. / председатель ред. комиссии В. А. Ситников. — Киров : Государственное издательско-полиграфическое предприятие «Вятка», 1996. — Т. 5: Архитектура / сост. А. Г. Тинский. — С. 274—276. — 385 с. — 15 000 экз. — ISBN 5-86645-012-7.
  4. ↑ Акт в Императорской Академии художеств // Неделя строителя. — СПб., 1888. — № 45. — С. 233.
  5. ↑ Кондаков С. Н. Юбилейный справочник Императорской Академии художеств. 1764—1914. — СПб.: Товарищество Р. Голике и А. Вильборг, 1915. — Т. 2 (Часть биографическая). — С. 407. — 454 с.
  6. ↑ 1 2 3 Туганаев, 2008, с. 709.
  7. ↑ Шумилов, 2001, с. 306.
  8. ↑ Шумилов, 2001, с. 307.
  9. ↑ П. А. Чемоданов. И. А. Чарушин И Большевики: Проблемы Взаимоотношений Архитектора С Советской Властью // Актуальные проблемы гуманитарных и экономических наук: сб. материалов XVIII Межрегиональной научно-практической конференции 30 марта 2018 г. Киров. — 2018. — С. 58—66.
  10. ↑ Правительственные распоряжения // Зодчий. — СПб., 1904. — № 41. — С. 465.
  11. ↑ Высочайшие награды // Неделя строителя. — СПб., 1894. — № 3. — С. 14.
  12. ↑ Центральная гостиница сменила название

Литература

  • Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — 768 с. — 2200 экз. — ISBN 978-5-7659-0486-2.
  • Шумилов Е. Ф. Христианство в Удмуртии : Цивилизационные процессы и христианское искусство. XVI — начало XX века / науч. ред. Щапов, Ярослав Николаевич. — Ижевск : Издательский дом «Удмуртский университет», 2001. — 434 с. — 1000 экз. — ISBN 5-7029-0306-4.
  • Андреева Е. А. Архитектор Иван Чарушин. — Ижевск, 2007. — 172 с. — 1000 экз. — ISBN 5898060936.
  • Барановский Г. В. Архитектурная энциклопедия второй половины XIX в. — СПб.: Строитель, 1902. — Т. I. — ISBN 5-9561-0162-8.
  • Зырин Б. В. Архитектор Чарушин. — Киров: Волго-Вятское кн. изд-во, 1989. — 96 с.
  • Тинский А. Г. Планировка и застройка г. Вятки в XVII—XIX вв. — Киров: Волго-Вятское кн. изд-во, 1976. — 228 с.
  • Шумилов Е. Ф. Архитектура Ижевска (ӟуч): история развития и перспективы архитектуры, градостроительства и монументального искусства / под ред. А. С. Терёхин, В. П. Орлов — Ижевск: Удмуртия, 1978. — 116 с. — 3000 экз.

Чӧлсконъёс

«https://udm.ruwiki.ru/w/index.php?title=Чарушин,_Иван_Аполлонович&oldid=506770»-ысь басьтэмын