Башенин, Павел Андреевич
РАН экспертиза
Экспертиза РАН
Россиысь Тодосъёсъя Академия
| Башенин Павел Андреевич | |
|---|---|
 | |
| Вордӥськем нуналыз | 13-тӥ пӧсьтолэзе 1868 |
| Вордӥськем интыез | |
| Кулон нуналыз | 4-тӥ южтолэзе 1910 (41 арес) |
| Кулэм интыез | |
| Кун | |
| Ужудысэз | I гильдиысь купец, нюлэс дасясь-вузась, Сарапул карлэн кивалтӥсез, мер ужчи |
| Атаез | Башенин Андрей Анисимович |
| Анаез | Башенина Александра Лукинична |
| Кузпалыз | Башенина Людмила Николаевна |
Баше́нин Па́вел Андре́евич (13‑тӥ (25-тӥ) пӧсьтолэзе 1868, Сарапул, Ватка губерния — 4‑тӥ (17-тӥ) южтолэзе 1910, Сарапул, Ватка губерния) — I гильдиысь купец, Сарапул карлэн карйырыз, мер ужчи, 1911-тӥ арысен карлэн дано муртэз.
Улон сюресэз
Егит дырыз
Вордӥськиз 1868-тӥ арын 13-тӥ пӧсьтолэзе купец семьяын. Атаез Андрей Анисимович Башенин (1832-1889) — 3-тӥ гильдиысь купец, пуэн вузкариз, анаез Александра Лукинична (ныл фамилиез Зылёва). Павол сизьым нылпи пӧлысь самой бадӟымез вал (ньылез пичи дыръязы кулӥзы)[1].
Дышетскиз Алексеевской реальной училищеын, 4-тӥ класс бере дышетсконзэ куштӥз[2]. Собере Петыр нимо покчи выныныз кыкназэс «Чердынысь узыр муртъёс» доры нюлэс ужлы дышетскыны келязы. Берлогес со атаезлэн компаньонэз луиз, соин ӵош вузкарон ужъёсъя пӧртэм каръёсы вуылӥз. Верамъёсъя, со вузкарон ужын атайзэ шӧдскымон ортчиз.
Атайзы кулэм бере (1889-тӥ арын толсуре) ужбергатон удысэз Александра Лукинична азьланьтӥз, сое 1-тӥ гильдиысь асэрико купец кышно шуыса ялӥзы. Анаез кулэм бере Павел Башенин нырысетӥ гильдиысь асэрико купец луиз, вынзэ Петырез кыкетӥ купец гильдие пыртӥзы. Соос валчеяськыса «Александр Башенин и сыновья» вузкарон юрт кылдытӥзы[3].
Сарапулэн кивалтон аръёсыз
1904-тӥ арысен 1909-тӥ арозь Павел Башенин Сарапул карлэн йырыз луиз, сое та интые огкылысь сямен бырйизы (куара сётэмъёс пӧлысь 98-эз дурбасьтӥз но 5-ез гинэ пумит луиз). Карен кивалтон аръёсаз, Башенин трос дырзэ висъяз Сарапулэз умоятонлы но азинтонлы.
- Со вакытэ карысь шор урамъёсты ӵошкытатыса из вӧлдэмын вал, нош валтӥсь сюрес выжонниосы керосинэн югдытӥсь 50 лампа пуктэмын (аслаз но солэсь адӟем карем адямиослэн коньдонэнызы).
- Пуктэмын капитальной водопровод но электростанция.
- Чугун сюрес пуктонлы лэзет сётэмын[2].
Мерлыко удысын
Павел Башенин дышетон учреждениослы, кылсярысь, Алексеевской училищелы, Сарапулысь крезьгуро дэменлыклы коньдонэн юрттылӥз. Трос пол благотворительной спектакльёс но ёлкаос радъяны юрттӥськылӥз, быгатӥсь студентъёслы стипендиос но льготаос кылдытӥз[2].
1909-тӥ арын Сарапулысь Кар дума огъя дышетон сярысь решение кутӥз, дышетонэз кутскемлэсь азьпал тупась интыос дасяны кулэ вал; Башенин аслаз коньдонэныз дышетон юртъёс пуктӥз. Карысь шаертодонъя музей кылдытонэ пыриськиз.
Со сяна, «со калык лыдӟиськоннилэн комитетэзлэн ёзчиез, нылкышно гимназилэн попечительской кенешезлэн тӧроез, Устин Саввович Курбатов нимо дунтэк эмъяськоннилэн попечителез вал, мировой судьялэсь ужоскетсэ быдэсъяз. «Сарапулысь гонӟыртыса бызьылонъёсъя дэменлыклэн» дано ёзчиез вал.
Карез азинтонъя трос малпанъёс кылдытӥз. 1910-тӥ арын потэм «Прикамская жизнь» интыысь газетын карлэн тӧроезлэн Выль ар сӥзёназ тазьы гожтэмын вал: «… с честью и славой для себя, и безубыточно для города, закончить два предприятия, приняться за новое: построить театр, народный университет и т. д.»
Башенин наука, техника но устолык удысъёсысь выль тодон-валанъёсын тунсыкъяськылӥз. Кунсьӧр кылъёсты тодылӥз, литературатураез но театрез яратылӥз[2].
Быронэз
1910-тӥ арын 4-тӥ южтолэзе Павел Башенин малпамтэ шорысь вир кисьтӥськонлэсь кулӥз. Сое ватон нуналэ коркаез азьын быдэс ульча калыкен тырмиз. Кулэм муртлы сӥё-дано чирдон Вознесенской кафедральной соборын ортчиз. Службаез ортчытӥзы Сарапулысь епископ Амвросий (Гудко) но 19 священник но диаконъёс. Павел Башенинэн люкиськон ужрад быдэс калык мынэтлы пӧрмиз. Интыысь газетъёс со нуналъёсы «Ни один гражданин Сарапула не вызывал столько сожаления и горя, как Павел Андреевич Башенин. Он занимал первое место среди сограждан и превзошёл всех их по дарованию, усердию и своей службе общему благу…» шуыса гожъязы.
Башенинлэн кулэмез бере Сарапулэ кема дыр ӵоже мур куректэмзэс вераса гожтэм телеграммаос но гожтэтъёс вуылӥзы, газетъёсы сое буре ваён статьяос но некрологъёс печатлазы[4].
Павел Башенинлэн шӧйыз Воскресенской черк азьысь выжы шае ватэмын.
Семьяез
1899-тӥ арын Павел Башенин Людмила Николаевна Дельвиген (1872 г.р.) —Саратовысь музъем кузёлэн, мировой судьялэн но дворянинлэн нылыныз кузпалъяськиз. Людмила Башенина карысь благотворительной огазеяськонэн кивалтӥз но кулэяськисьёс понна уксё бичан ужрадъёс ортчытъяз[5].
Буре ваён
1910-тӥ арын П. А. Башенинэз буре вайыса, Сарапулысь Кар дума таӵе решение кутӥз:
- Кар кивалтонние Павел Андреевичлэсь туспуктэмзэ ошоно;
- Водопровод, электростанци юртъёсы но нылкышно гимназие та ужъюртъёсты лэсьтӥсьлэн П.Башенинлэн нимыныз ыргон пулъёс юнматоно;
- Одӥгаз дышетсконниын солы сӥзем стипендия юнматоно.
Башенинъёслэн Пермь шаерысь нюлэсо дачазы берло черкогуртлы пӧрмиз но Башенино шуыса нимаськыны кутскиз[4].
2008-тӥ арын Сарапулын «Башенин — это Имя!» выль проект кылдытэмын но быдэстэмын[4].
2014-тӥ арын отын ик «Дороги Павла Башенина» шаертодонъя кар ӵошатскон ортчиз[4].
2015-тӥ арын П. А. Башенинлэн нимыз «100 великих предпринимателей и меценатов России» каталоге пыртэмын[4].
2017-тӥ арын «Сарапульские Системы» компания П. А. Башенин нимо премия кылдытӥз[6].
2018-тӥ арын Сарапуллэсь истори, лулчеберет но вӧсьбуро сям-йылолоъёссэ утёнъя Павел Башенин нимо инвестиционной фонд кылдытэмын. Талэн кичӧлтӥсьёсыз луизы Удмуртилэн тӧроез Александр Бречалов но Сарапуллэн тӧроез Александр Ессен[1].
Архитектура кельтос
- Сарапулысь нылкышно гимназия / МОУ Сарапулысь 15-тӥ номеро шоръёзо школа
- Башенинлэн юртъерез / МАЗСУОД «Огонёк» "Нылпи лагерь (Пермь шаер, Чайковск ёрос, Башенино гурт)
- Павел Андреевич Башенинлэн кар сьӧрысь улон юртэз/ «Башенинлэн юртъерез» Чеберлыко адӟытон комплекс (Удмурт Элькун, Сарапул кар, Достоевский нимо урам (Благовещенская) 60-тӥ номеро юрт)
- Павел Андреевич Башенинлэн юртэз / ООО «Лечебно-диагностической центр „Камский доктор“» (Удмурт Элькун, Сарапул кар, Труда урам (Бадӟым Пукро урам) 15-тӥ номеро юрт)
- Кар электростанция / «Гостиный двор» вузкарон центр (Удмурт Элькун, Сарапул кар, Горд Арми урам (Благовещенской урам) 60-тӥ номеро юрт)
- Водонасосной станция / «Старая башня» ресторанно-гостиничной комплекс (Удмурт Элькун, Сарапул кар, Оползин нимо урам 1-тӥ номеро юрт)
- Водонапорной башня (Удмурт Элькун, Сарапул кар, Некрасов нимо урам (Смоленской урам, 24-тӥ номеро юрт)
Валэктонъёс
- ↑ 1 2 Светлана Сидорова Сарапульские купцы Башенины Известия Удмуртской Республики.
- ↑ 1 2 3 4 Башенин Павел Андреевич (1868 - 1910) – купец, общественный деятель [ӟуч] Централизованная библиотечная система г. Сарапул.
- ↑ Башенин Павел Андреевич [ӟуч] История Российского Предпринимательства.
- ↑ 1 2 3 4 5 Конюхова В. С. Первый среди сограждан: о деятельности городского головы Павла Башенина МО "Город Сарапул".
- ↑ К Дню Святого Валентина: история любви Башениных, Сарапульский историко-архитектурный и художественный музей-заповедник (14.02.2018). Эскеремын: 8 пӧсьтолэзе 2024 арын.
- ↑ Павел Андреевич Башенин Исторический багаж.
Литература
- Ерастов В.С. Православное предпринимательство. — Сарапул: Сарапульская типография, 2012. — 102 с. — ISBN 978-5-901304-45-7.
- Конюхова, В. С. Павел Андреевич Башенин. Семья. Дела. Город: [к 150-летию Почётного гражданина Сарапула П. А. Башенина] / В. С. Конюхова. — Сарапул: Алмаз-Принт, 2018. — 236
- Конюхова В. С. Род сарапульских купцов Башениных / В. С. Конюхова // Региональная история, локальная история, историческое краеведение в предметных полях современного исторического знания: сб. ст./сост., ред. А. Е. Загребин, О. М. Мельникова. — Ижевск: Издательство «Удмуртский университет», 2012. — С.440-449.