П. Ф. Корешёвлэн юртэз
| П. Ф. Корешёвлэн юртэз | |
|---|---|
 | |
| Юрт сярысь ивортон | |
| Кун | |
| Архитекторез | Чарушин Иван Аполлонович |
| Заказчикез | Корешёв Павел Тимофеевич |
| Лэсьтӥськон йылпумъямын | 1907 |
 |
|
П. Ф. Корешёвлэн юртэз (ӟуч: Дом П. Ф. Корешёва) — Удмуртиысь Сарапуллэн шораз интыяськем историысь юрт. 1907-тӥ арын пуктэмын. Федерал инлыкен утёно лэсьтосъёс пӧлы пыртэмын.
2011-тӥ арысен юртын карысь ЗАГС интыяське.
Историез
1907-тӥ арын Сарапуллэн шораз Кам шурлэн ярдураз дано нюлэс промышленниклы Павел Тимофеевич Корешёвлы юрт ӝужаз[1]. Лэсьтӥськон ужъёсты Пермьысь подрядчикъёс быдэстӥзы[2].
Корешёвъёслэн семьязы юртлэн кыкетӥ этажаз интыяськиз. Отын вӧл-вӧл зал но кык артэ висъетъёс лэсьтэмын вал[3]. Нырысетӥ этажаз магазинъёс но контораос усьтӥськизы. Азбараз юртъер котырысь пуктӥськемъёс кылдӥзы: сиён пӧран висъет, ужасьёслы комнатаос, складъёс[2][3][4].
Революция бере юрт асэстэмын вал. 1945-тӥ арозь, умой интыяськеменыз, татын горисполком, отӥяз Пионеръёслэн дворецсы но аптека ужаллязы[1][5][4].
1995-тӥ арын Россиысь Президентлэн указэныз Корещёвлэн юртэз архитектураысь федерал инлыкен утёно синпелетъёс пӧлы пыртэмын[3].
2002-тӥ арысен 2010-тӥ арозь юрт выльдэмын, 2011-тӥ арын, тупатъян ужъёс йылпумъяськем бере, татын кузпалъяськисьёслы Дворец усьтэмын. Сарапул карысь ЗАГС Россиысь огез чеберез лыдъяське[2][5][3][6].
Архитектураез
Корешёвлэн юртэзлы проект Ваткаысь дано архитектор Иван Чарушин лэсьтӥз[5]. Пуктэмзы бере ик юрт ас бордаз кыскиз: вылтусызъя со пӧртэм пужыосын но урдэсъёсысьтыз кык йылсо эркеръёсын, дурем флюгеръёсын, сьӧмо куполъёсын чеберъям узыр дворецлы укшаз. Укноос волютаосын котыртэмын, колоннаосыз гирляндаосын бинемын, картушъёс гербъёсын чеберъямын, кутонъёсыз — пужыятэмын[2].
Куд-ог ивортонъёсъя, юрт эклектика амалъя барокко, готика но византийской стильысь люкетъёсын пуктэмын[2]. Мукет ивортонъёсъя, необарокко амалъя ӝутэмъёс пӧлы пыртэмын[5].
Корешёвлэн юртаз, Сарапулысь ӧжытаз утиськем юртъёсын сямен ик, пушкысьтыз чеберъямъёсыз ӟеч утиськемын: вӧлдэтысьтыз лякылэмъёсыз, изразцовой каминэз но гурез[2][7].
Валэктонъёс
- ↑ 1 2 Корешев Павел Тимофеевич [ӟуч] Централизованная библиотечная система г. Сарапул.
- ↑ 1 2 3 4 5 6 Дом П.Ф. Корешева, UDM.travel. Эскеремын: 5 пӧсьтолэзе 2025 арын.
- ↑ 1 2 3 4 Дом Корешева [рус.] Удмуртская республиканская библиотека для слепых.
- ↑ 1 2 Сарапул: достопримечательности, Культурный туризм. Эскеремын: 5 пӧсьтолэзе 2025 арын.
- ↑ 1 2 3 4 Дом купца П.Ф. Корешева [ӟуч] Центр развития туризма Удмуртской Республики.
- ↑ Топ-10 интересных достопримечательностей Сарапула ИА "Удмуртия".
- ↑ Дом купца П.Ф. Корешева [ӟуч] #ПроУдмуртию - карта достопримечательностей.
Литература
- Розова, Мария. Дом купца Корешева / М. Розова // Красное Прикамье. — 2015. — 4 июня. — С. 3.
- Сарапул. Жемчужина камского берега / составитель Г. Г. Грязев; фотографы: П. В. Бухарин [и др.]. — Ижевск: Удмуртия, 2017. — 63 с.