Смагин, Николай Васильевич
| Николай Васильевич Смагин | |
|---|---|
 Смагин Николай Васильевичлэн туспуктэмез | |
|
| |
|
Сарапул карлэн йырыз
|
|
| 1912[1]. | |
|
|
|
| Вордӥськемын | 14-тӥ толсуре 1850 |
| Кулэмын | 1918 |
| Ужез | купеч, ужбергатӥсь, благотворитель но кун деятель, коммерцияя советник |
| Данъетъёсыз |
 |
Николай Васильевич Смагин (14-тӥ толсуре 1850 — 1918) — 1-тӥ гильдиысь купеч[2] (мукет ивортонъёсъя — 2-тӥ гильдиысь)[3], ужбергатӥсь, коммерцияя советник, Сарапул карлэн йырыз, мерлыко ужась. «Н. В. Смагинлэн пиосыз» вузкарон юртлэн кузёез[4].
Улон сюресэз
Камско-Вятское палан выль вузкарон юртъёс усьяськизы, соос ӵемысь кулэсь арбериос но пыдкутчан поттон удыслы тыршизы. Сарапул уездын вузаськонъя юртъёслэн лыдзыя нырысетӥ интыын Сарапул вал. Ӵапак та карын «Смагин Николай Васильевич Пиосыз. Вузкарон юрт. Ку поттон завод но пыдкутчан лэсьтон» вузкаронъя но промышленностья предприятие кылдытэмын вал[4].
Фирмаез Николай Васильевич Смагин кылдытӥсь вал шуыса лыдъялляло. Со 1850-тӥ арын 4-тӥ толсуре В. И. Смагинлэн но М. М. Смагиналэн семьяяз вордӥськемын. Николай Васильевич ӟеч образование басьтӥз, мумиз-бубиз сое умой нодъяса будэтӥзы. Атаезлэсь солы ваньбурлы кӧня ке купеч векчи ужъёсыз кылизы. Николай Смагин купеч нылэз Анна Васильевна Мощевитинаез кышно вайиз, вань улытозяз та пумысен огпол но ӧз жаля[4][2].
Бадӟым уж, ӟеч кивалтон но удысэз понна кылкутыса тыршон Смагинлэн Вузкарон юртэзлы Сарапулын тужгес бадӟым завод луыны луонлык сётӥз. Поттэм арбериосыз Ирбит но Нижний Новгород губерниосысь тужгес бадӟымесь ярмаркаосын вузаськылӥзы. Предприятиез быгатыса тыршемез понна пӧртэм данъетъёсын пусйылӥзы: «Тыршемез но искусство понна» медаль (Коньдонъя министерстволэсь), 1896-тӥ арын ортчем Россиысь промышленностья адӟытонысь медаль, озьы ик Николай II императорлэсь кӧня ке данъетъёс но Нижний Новгородысь адӟытонъёсысь данъетъёс[4].
Ужбергатонэн вырон сяна, Николай Васильевич озьы ик купеч ужен но выриз. Со 1-тӥ гильдиысь купечъёслэн радазы пырылӥз, карлэн йырыз, коммерцияя советник но выжыезъя дано мурт вал. Н. Смагин тырмыт уно коньдон люкамез бере, уксёзэ благотворительносте висъялляз[4].
1910-тӥ арын 27-тӥ толсуре карлэн кенешаз Н. В. Смагинлы Сарапуллэн дано муртэз ним сётон пумысен ужпумез эскеризы. Купечлэн благотворительной ужен выремез понна та дано ним сётэмын вал. Кылсярысь, Николай Васильевич 15 арзэ Покров черклы юрттыса тыршиз. Аслэсьтыз из юртсэ со начаръёслы сётӥз, солэсь приют мед лэсьтозы шуыса[4].
Смагинлэн семьяяз уноез муртэ жалян мылкыдын улӥзы. Озьы 1915-тӥ арын «Прикамская Жизнь» газет гожтӥз, Н. В. но А. В. Смагинъёс карлы кивалтон вылысь таӵе благотворительной учреждениосты сётӥзы шуыса: нылпиослы приют, дырын-дырын пуромылӥсь черъёслэсь курадӟисьёслы богадельня. Та юртъёс котыр улосысь устоосыз вал[4].
Югдытон ужлы сяна, Н. В. Смагин черклы но саклыксэ висъялляз. 1913-тӥ арын 13-тӥ гудырикошконэ дано кунмурт, ужбергатӥсь но купеч Николай Васильевич дун-чылкыт Мефодий Сарапул епископез куриз арлыдо адямиослы, ужаны быгатӥсьтэмъёслы но соослэн матысь ӵыжы-выжыоссылы азьло кылдытэм богадельняяз вӧсяськон корка лэсьтыны[4].
…Гырлы жугон юрт … рос-прос тупатъямез кулэ каре. Покров черклэн старостаез, Сарапул купеч Н. В. Смагин та юртэз аслаз коньдонэныз выльдыны мылкыд кариз...[4][2]
1916-тӥ ар понна ужкагазъёсы священник Пётр Утробин Николай Васильевичлэсь вань дано ужъёссэ радэн-радэн гожтӥз. Со бумагаосъя адӟиське: Н. В. Смагин аслэсьтыз 10 сюрс манет тыр лавкаосын из корказэ Покров черклы сётӥз, нош солэсь азьвыл черк понна со тани ма лэсьтӥз:
- 1909-тӥ арын Петров черклэсь Петропавловской храмысьтыз приделысьтыз борддорзэ суредаз. Ваньзэ-ӧвӧлзэ со ас кисыысьтыз 3 200 манет висъяз;
- 1909-тӥ арын Николай Васильевич аслаз уксёеныз тупатъян ужъёсты радъяз. Электро кыскемын, сад выльдэмын, борддоръёс тӧдьмамын, липетэз буямын. Ваньзэ-ӧвӧлзэ со 3 450 манет висъяз;
- 1909-тӥ арын 1 600 манет сылӥсь азьвесь хоругви сётӥз, 1 400 манет тыр выж вылэ плитка тыриз;
- 1910-тӥ арын Николай Васильевич черкысь кык приделъёсысь иконостасэз зарнивуан вылысь ас кисыысьтыз 1 000 манет сётӥз;
- 1910-тӥ арын электро кыскон но борддоръёсты орнаментъёсын но суредъёсын чеберъян вылысь 3 850 манет быдтӥз;
- 1911-тӥ арын электровинтеляторъёс вуттӥз но 200 манет тыр дӥськут вайиз;
- 1909-тӥ арысен 1913-тӥ арозь хорысь кырӟасьёсты возён понна 6 000 манет висъялляз[4].
Николай Васильевич Смагин быгатыса тыршемез понна таӵе данъетъёсын ялан пусйылэмын (1909-тӥ арозь ивортонъёсъя)[4]:
- 1884-тӥ арын 24-тӥ коньывуонэ Святой Синодлэсь бакельзэ но Покров черкез выльдон понна грамота басьтӥз;
- 1895-тӥ арын 9-тӥ инвожое калыкез югдытэмез понна Станиславской лентаен азьвесь медален сӥлы каремын;
- 1899-тӥ арын 6-тӥ куартолэзе Владимирской лентаен зарни медален сӥлы каремын, сое со чыртыяз нуллӥз;
- 1905-тӥ арын 6-тӥ толсуре чыртыын нуллыны чаклам Андреевской лентаен зарни медален сӥлы каремын;
- 1909-тӥ арын 3-тӥ тулыспалэ Тушка черкогуртын аслаз коньдонэныз черк пуктэмез понна Вӧсьлыко Анналэн 3-тӥ степенё орденэныз пусъемын.
Пётр Утробин, вань дано ужъёссэ лыдэ басьтыса, Николай Васильевич Смагинэз Вӧсьлыко Станиславлэн 2-тӥ степенё орденэныз сӥлы карыны куре вал.
Галерея
Н. В. Смагинлэн сертификатэз
Н. В. Смагинлэн ку поттон заводэз
Н. В. Смагинлэн ку поттон заводэз
.png)
Валэктонъёс
- ↑ Покровская церковь к Покрову дню [ӟуч], svdelo.ru. Эскеремын: 1 гудырикошконэ 2025 арын.
- ↑ 1 2 3 Лигенко Н. П. Купечество Удмуртии: Вторая половина XIX — начало XX века: Монография / под ред. Ю. И. Смыков, М. В. Гришкина. — Ижевск: УИИЯЛ УрО РАН, 2001. — 432 с. — 500 экз. — ISBN ISBN 5-7691-1205-0.
- ↑ Смагин Николай Васильевич [ӟуч], iz-article.ru. Эскеремын: 1 гудырикошконэ 2025 арын.
- ↑ 1 2 3 4 5 6 7 8 9 10 11 Смагин Николай Васильевич [ӟуч], historybiz.ru. Эскеремын: 1 гудырикошконэ 2025 арын.
Литература
- Лигенко Н. П. Купечество Удмуртии: Вторая половина XIX — начало XX века: Монография / под ред. Ю. И. Смыков, М. В. Гришкина. — Ижевск: УИИЯЛ УрО РАН, 2001. — 432 с. — 500 экз. — ISBN ISBN 5-7691-1205-0.