Фомин, Пётр Матвеевич

Пётр Матвеевич Фомин
Россиысь МЧС-лэн Удмурт Элькунъя Валтӥсь управлениезлэн кивалтӥсез
2008-тӥ арын 14-тӥ тулыспалысен — 2022-тӥ арын куарусёнозь
Бӧрысьчиез	Пряженцев Сергей Борисович
Вордӥськемын	1-тӥ куарусёнэ 1959({{padleft:1959|4|0}}-{{padleft:9|2|0}}-{{padleft:1|2|0}}) (66 лет) Курчум, Пичи Пурга гурт поселение[d], Пичи Пурга ёрос, Удмурт Автономной Советской Социалистической Республика, РСФСР, СССР
Дышетскемез	Пермьысь ракетной войскоосъя ожгар институт[d] Пётр Великий нимо РВСН ожгар академия[d]
Учёной степенез	техника наукаосъя кандидат
Военной службаез
Званиез	генерал-майор

Фоми́н Пётр Матве́евич (ворд. 1-тӥ куарусёнэ 1959, Курчум, Удмурт Автономной Советской Социалистической Республика) — росси кун ужась но политик, генерал-майор. Россиысь МЧС-лэн Удмурт Элькунъя Валтӥсь управлениезлэн кивалтӥсез (2008—2020). Удмурт Элькунысь Кун Кенешысь депутат. Техника наукаосъя кандидат, Удмуртиысь аварийно-спасательной службаысь дано ужась.

Улон сюресэз

Вордӥськиз 1959-тӥ арын 1-тӥ куарусёнэ Удмурт АССР-ысь Пичи Пурга ёросысь Курчум-Норъя гуртын.

Лётной училищее пырыны турттэ вал, но медкомиссия пыр ӧз поты. Пермьысь вылӥ ожгар командной училищелэн курсантэз луиз, сое йылпумъямез бере Эстон ССР-ын но Псков улосын интыяськем ракетной частьёсын службазэ нуиз.

1981-тӥ арысен 1983-тӥ арозь 33847 номеро ожгар частьысь ёзэтлэн кивалтӥсез вал, отӥяз 1983-тӥ арозь та ожгар частьын ик батареялэн командирезлэн воштӥсез — бадӟымез инженер вал. 1983-тӥ арын коньывуонысен — 33847 номеро ожгар частьысь ёзэтлэн кивалтӥсез, 1985-тӥ арысен — батареялэн командирез. 1988-тӥ арысен 1989-тӥ арозь штабен кивалтӥз, со дыре ик дивизионлэн командирезлэн 35600 номеро ожгар частьын дышетонэз радъянъя воштӥсез вал. Майор нимын пусъемын.

1992-тӥ арын Дзержинский нимо ракетной войскоосъя ожгар академиысь командной факультетэз отличиен йылпумъяз, собере сое Ижысь Ленин ёросысь штаблы кивалтӥсе — граждан обороная кивалтӥсьлы воштӥсе юнматӥзы. 1994-тӥ арысен 1996-тӥ арозь Удмурт Элькунысь граждан обороная но шуэрес учыръёсъя штаблэн боевой подготовкая ёзэтэзлэн кивалтӥсез вал.

1996-тӥ арын Пётр Фомин «Инкуазез утён но инкуазь узырлыкез валаса кутон» ӧнеръя кандидат диссертацизэ утиз но инженерияя калыккуспо академилэн корреспондент ёзчиез луиз. Со аре ик полковник нимын пусъемын.

1997-тӥ арысен 1999-тӥ арозь Удмурт Элькунысь Граждан обороная но кышкыт учыръёсъя комитетлэн тӧроезлэн воштӥсез вал, 1999-тӥ—2001-тӥ аръёсы огдыре ик тӧролэн воштӥсезлэсь но, югдурысь потон вылысь ӝог план лэсьтонъя ёзлэн кивалтӥсезлэсь но ужъёссэ быдэсъяз. 2001-тӥ арын Удмурт Элькунысь Граждан обороная но кышкыт учыръёсъя комитетлэн тӧроезлэн нырысетӥ воштӥсез луиз. 2001-тӥ арын толсуре комитетэз Удмурт Элькунысь Граждан обороная но кышкыт учыръёсъя министерство каризы. Пётр Фоминэз министрлы воштӥсе юнматӥзы.

2004-тӥ арын толсурысен МЧС-лэн Удмурт Элькунъя Валтӥсь управлениезлэн кивалтӥсезлэн воштӥсез луыса тыршиз, нош 2006-тӥ арын куарусёнэ Россиысь МЧС-лэн Самара улосъя Валтӥсь управлениезлы кивалтӥсе пуктэмын вал.

2008-тӥ арын 14-тӥ тулыспалысен — Россиысь МЧС-лэн Удмурт Элькунъя Валтӥсь управлениезлэн кивалтӥсез. Та интыяз со Россиын утчан но утён операциосын нырысь ик квадрокоптеръёсты но тепловизоръёсты уже кутӥз. Озьы ик Ижкарысь МЧС-ын ужасьёслы 100 квартираем корка пуктон понна трос лэсьтӥз.

Пётр Фомин уно шуэрес учыръёслэсь, авариослэсь бервылзэс утялтонэ, тылпуосты кысонэ пыриськиз. Со кивалтӥз Самара улосысь гомак кенжем мувӧй возён хранилищеез кысонэн (2007), Курумоч калыккуспо аэропортын луэм авиакатастрофалэсь бервылъёссэ утялтонэн (2007), Удмуртиысь Пичи Пурга ёросысь Пугачёво черкогурьт котырысь ожгар частьёсысь боеприпасъёсын складъёс пуштылыны кутскемен тылпуэз кысонэн (2011) но мукет, озьы ик Самараын (2007), Новокуйбышевскын (2008), Ижын (2017) улоно коркаосын пуштэм газ бервылъёсты утялтон ужъёсты валтӥз.

2010-тӥ арын Россиысь Президентлэн указэныз Пётр Фоминлы генерал-майор ним сётэмын.

2022-тӥ арын Удмуртиысь Кун Кенеше депутатэ быръемын вал, таин валче службаысь ас мылкыд каремезъя кошкиз. 2022-тӥ арын куарусёнысен Удмуртиысь Кун Кенешысь кышкытлыклэсь утиськонъя, Кун Кенешлэсь ужзэ радъянъя ялан ужась комиссилэн тӧроез луиз «Единая Россия» фракцилэн ёзчиез.

Семьяез

Кышнояськемын. Кузпалыз — Светлана Васильевна, дышетӥсь. Кык пиосыз, куинь нуныкаез. Бадӟымез пиез ожгарчилэсь ужзэ бырйиз, пичиез мувӧй поттон удысын тырше. 2019-тӥ арын ивортонъёсъя, Фоминлэн бадӟымез нуныкаез Мускоысь суворовской ожгар училищелэн курсантэз вал.

Данъетъёсыз но дано нимъёсыз

• «Ожгар заслугаос понна» орден (2000);
• «Атыкай музъеммы азьын ӟеч тыршемез понна» II степенё орденлэн медалез (2011);
• «СССР-ысь Ожгар кужымъёслы 70 ар» медаль (1988);
• «Ожгар службаез умой нуэм понна» III ст. (1988), II ст. (1991) медаль;
• «Ожгар службаез умой нуэм понна» I ст. медаль (1997)
• «Тылпуэз кысонын дӥсьтӥсь луэм понна» медаль (2005);
• «Умой служба понна» медаль (2005);
• «Россиысь МЧС-лы ХV ар» медаль (2005);
• «Утён уж сярысь калык пӧлын вӧлмытэм понна» медаль (2009)
• «Шуэрес учырлэсь бервылзэ утялтонын висъяськемез понна» медаль (2010)
• «Россиысь МЧС-лы ХХ ар» медаль (2010);
• «2010-тӥ арын тылпуэз кысонэ пыриськисьлы» медаль (2010);
• «Утиськон понна калык эшъяськон» медаль (2012);
• «Маршал Василий Чуйков» нимо синпель медаль (2012);
• «Чрезвычайной гуманитарной операцие пыриськисьлы» медаль (1999);
• «Гражданъёсты утён. Вормонъёс понна» гадьпус (1996);
• «Заслугаос понна» гадьпус (1998);
• «Шуэрес учырлэсь бервылзэ утялтонэ пыриськисьлы» гадьпус (2000);
• «Россиысь МЧС-лэн дано пусэз» гадьпус (2001);
• Удмурт Элькунлэн Данъян грамотаез (2005);
• Самара улосысь губернаторлэн данъян грамотаез (2008);
• Удмурт Элькунысь аварийно-спасательной службаысь дано ужась (2008);
• М. Т. Калашников нимо премилэн лауреатэз (2008);
• Удмурт Элькунысь Кун премилэн лауреатэз (2011);
• Россиысь МЧС-лэн кык данъян грамотаез (2012)
• Россиысь МЧС-лэн данъян грамотаез (2013).

Валэктонъёс

Чӧлсконъёс

• Почти полвека на службе России, жизнь ради спасения других [ӟуч]

• Начальник ГУ МЧС России по Удмуртии Пётр Фомин принял участие в митинге в с. Малая Пурга, посвящённом Дню памяти и скорби [ӟуч]

• В Удмуртии торжественно проводили в отставку бывшего главу МЧС Петра Фомина [ӟуч]