Ленин ёрос (Иж)

Википедиысь материал
Та кыллэн мукет валатонъёсыз вань, учке Ленин ёрос.
Карысь ёрос
Ленин ёрос
ӟуч: Ленинский район Ижевска
Aerial photographs of Izhevsk-60.jpg
56°52′12″ с. ш. 53°07′16″ в. д.GЯO
Кун РоссияFlag of Russia.svg Россия
Пыре ИжкарFlag of Izhevsk (Udmurtia).svg Ижкар
Администрацилэн йырыз Попов Михаил Вячеславович
Историез но географиез
Кылдытэмын 23-тӥ куартолэзе 1962
Быдӟалаез
  • 130
Часовой пояс MSK+1 (UTC+4)
Улӥсез
Улӥсез

↘119 927[1] мурт (2021)

  • (карысь ёросъёс пӧлын 4-тӥ интыын)
Йӧскалыкъёс ӟучъёс, удмуртъёс, бигеръёс
Официальной луись кылъёс удмурт, ӟуч
Лыдпусо идентификаторъёс
Автом. номеръёслэн кодъёссы 18
Сайтэз
Ленин ёрос на карте
Логотип РУВИКИ.Медиа Медиафайлъёс РувикиМедиа пушкын

Ленин ёрос — (ӟуч: Ленинский район (Ижевск)) — Ижкарысь вить ёросъёс пӧлысь огез.

Интыяськемез

Ёрос Ижкарлэн уйпалаз интыяськемын. Шундыӝужан ласянь гожез Иж тымет ярдур но Иж шур кузя кошке. Али дыре 130 км² быдӟа ёросын улэ 122 883 адями[2].

Историез

Ленин ёрос Ижкарлэн лымшор но шундыпуксён палаз интыяськемын, Иж шурлэн бур палась ярдураз пуксемын. Туала Ленин ёрослэн Зарека люкетэз пырылӥз 1934-тӥ арын кылдытэм Жданов ёросэ[3].

1962-тӥ арын 23-тӥ куартолэзе РСФСР-ысь Вылӥ Кенешлэн Президиумезлэн указэныз Ленин ёрос административной единица сямен кылдытэмын вал. Но ёрослэн историез XVIII даурен герӟаськемын, ӵапак соку 1760-тӥ арын оштолэзе Елизавета Петровна  [ӟуч] (удм. императрицалэн указэзъя Иж шурлэн ярдураз корт ӵыжатон заводъёслэсь юртъёссэс но ӵыпет ӝутыны ӧдъязы. Иж тыметлэн ӵыпетэз вылын ик ӝужазы кык бадӟымесь заводъёс — «Ижмаш» но «Ижсталь». Ӵыпет вылын Ижысь пыӵалтӥрлык лэсьтон заводэз кылдытӥсьлы Андрей Фёдорович Дерябинлы сӥзем синпелет юнматэмын[4].

Заводэз пуктыны ӧдъямзы дырысен ӵыпет вуоно карлэсь кык каргуртсэ герӟаз — Зарекаез но Эмезё Гурезез (ӟуч: Малиновая Гора). Ӵапак Зарека бордысен кутске Ленин ёрослэн историез[5].

Завод кылдэм дырысен Иж шур сьӧры палэнысь лыктэмъёс выжыяськыны ӧдъязы. Завод каргуртлэн 1764-тӥ арын кутэм нырысетӥ планаз сизьым юртъёс пусъемын вал. Соос бордысен ик Зарека азинскыны кутскиз: ӝыны даур ортчыса, татын куать ульча вал ни. Гурезь ужпумъёсъя ведомствоысь ожгар ведомствое выжемез бере завод карлэн ожгар тусыз кылдӥз, та сярысь Зарекаысь со дырысен утиськем ульча нимъёс но верало: Дас ньылетӥ, Дас витетӥ, Дас куатетӥ, Дас сизьыметӥ. Таӵе сямъя ик ёрослэн Нагорной люкетаз урамъёсты нимазы, отӥяз — Колтомаын но. Зарека улон-вылонын бадӟым инты басьтылӥз. Та адӟиське Иж завод каргуртэз 1812-тӥ арын куиньлы люкемысь но: огез люкетэз Заречной вал. Крепостной праволы пум понэмзы бере ижъёсты заводын ужась гуртын улӥсьёс пӧлы пыртӥзы. Соку ик Нагорной но Заречной волостьёс кылдӥзы, азьвыл сямен Гурезьлы но Зарекалы люкиськыса. Зарекаын улӥсьёс инженеръёс но, офицеръёс но, мастеровойёс но ӧй вал — огшоры ужасьёс[3]. Та палъёс пуктӥськон понна данын ӧй вал: музъем нюр, нёжало, ялан мускыт возиське, таин валче висёнъёс ӵем пуромо, кулӥсьёслэн лыдзы бадӟым. Со сярысь пусйылӥз баӵко В. Успенский но: «…Заводлэн Заречной люкетысьтыз калык, нагорнойёсын ӵошатыса, трослы начаргес уло. Пӧлысьтызы уксё люканы быгатӥсьёсыз Гурезе выжыны тыршо».

Заречной волостьысь потэмын Иж каргуртысь тросэз дано адямиос. Озьы Ижкарысь тужгес тодмоез фабрикант И. Ф. Петров  [ӟуч] (удм. но Зарекаысь вал. Ижын пӧртэм выжыосысь калыкъёс кемалась дырысен тупаса уло. Зарекаын валче улӥзы христианство но ислам. 1859-тӥ арын азьвыл Казань (али — Азин) ульчаын заводысь архитекторлэн И. Т. Коковихинлэн  [ӟуч] (удм. проектэзъя Никольской черк пуктэмын вал, сое 1932-тӥ арын куашкатӥзы.

1911-тӥ арын 7-тӥ куартолэзе Успенской черкез пуктон вылысь нырысетӥ изэз сиё-дано понӥзы. Сое оскисьёслэн но иж фабрикантлэн И. Ф. Петровлэн коньдонэныз ӝутӥзы. Со али но Дас витетӥ заречной ульчаын сылэ[4] . Аслаз быдӟалаезъя но лэсьтэмезъя Успенской черк аспӧртэм луэ. Революцилэсь азьвыл пуктэм зодчествоысь со огназ кылем синпелет луэ, тодэ вайытэ И. А. Чарушин архитекторлэсь валтӥсь пуктэм черксэ — куашкатэм Михайловской соборез.

1856-тӥ арын Ижысь Ньылетӥ ульчаысь бигер слободаын нырысетӥез мечеть кылдӥз. Татын ик мусульман шайвыл вал. Зарекаын улӥсь бигеръёс понна мечеть духовной но дышетонъя центр вал. 1930-тӥ арын мечетьлэсь интызэ воштӥзы, Азин ульчаысь туала интыяз пуктӥзы. 1997-тӥ арын вуж юртэн артэ мечетьлэсь выль юртсэ ӝутӥзы[6].

Калыклэн вераськоназ историысь кылдэм ульча но микрорайон нимъёс кылизы: Эгыр капка (ӟуч: Угольные ворота) но Эмезё Гурезь. Карын улӥсьёс огзэ микрорайонэз Татарбазар нимазы. Социалистической вакытысь пуктӥськон сярысь тодэ уськыто Рабочий каргурт, Строитель, Машиностроитель. Алигес кылдӥз Заречной шоссе. Ленин ёрослэн революция но ож вакытысь историез узыр. Ёросысь тросэз ульчаослэн нимъёссы дано муртъёслы сӥземын: Дерябин, Азин, Чкалов, Гагарин, Драгунов оружейник, В. Зайцев нимо, Муса Джалиль, Кузебай Герд ульчаос[4].

Улӥсез

Численность населения
1970[7]1979[8]1989[9]2002[10]2009[11]2010[12]2012[13]
111 033↘103 584↘102 760↗115 222↘110 094↗121 773↗121 997
2013[14]2014[15]2015[16]2016[17]2017[18]2018[19]2019[20]
↗122 883↗123 851↗124 653↗125 534↗126 023↗126 986↗127 196
2020[21]2021[1]
↗127 826↘119 927

Улоно микрорайонъёс

Ленин ёросысь улоно микрорайонъёс[3]

Улоно ёрос Валэктонъёс
Берёзово
Самолёт Бригада
Вараксино
Воложка
Выемка
Беризё куш
Эмезё Гурезь
Машиностроитель
Нагорной
Выль Парники
Пероггурт
Полигон
Вокзал котыр 8 микрорайонъёслэсь кылдэмын. Вокзаллы матэ интыяськеменыз озьы нимамын.
Радужной
Строитель
Ужась Муш
Шунды
Лымшор но Шундыпуксён Лапег юртъёс интые трос этажъем коркаосын пуктыны чаклам Александровской улоно ёрос[22].

Дышетон

Ленин ёросын 28 дышетон ужъюрт ужа, соос пӧлын 2 ӝыт школа, сирота нылпиослы интернат, VII но VIII типъем 2 ужъюрт (23-тӥ СКОУ, 4-тӥ школа-интернат) но ватсаса тодон-валан сётонъя 7 ужъюрт[23].

Экономика

Промышленной предприятиос

Ленин ёросын 4585 предприятиос ужало, соос пӧлысь 46-ез — бадӟымесь, 86-ез — шоро-куспо но 4453 — пичи предприятиос. Тужгес бадӟымъёсыз луо «Ижмаш» ОАО, «Ижсталь» ОАО, ТЭЦ-1, керамикалэсь арбериос поттӥсь завод, бетон лэсьтӥсь завод, минерал но емышо вуос лэсьтӥсь завод[24].

Вузкарон но услугаос сётон

Ленин ёросын вузкарон но пӧртэм услугаос сётон 550-лэсь ятыр предприятиос ужало[25].

Транспорт

Ленин ёросэтӥ ветлӥсь калык транспорт

Транспорт Маршрут номер Валтӥсь магистральёс
Трамвай № 1, 3, 5, 9, 12. Гагарин нимо ульча, Колхозной, Братской, Автономной ульчаос.
Троллейбус № 9, 10, 14. Новоажимов ульча, Клубной ульча, Олег Кошевой ульча, Баранов ульча Машиностроитель ульча, Кузебай Герд ульча.
Автобус № 2, 6, 7, 8, 8к, 9, 10, 11, 12, 15, 21, 22, 25, 26, 27, 34, 36, 41, 45, 49, 50, 53, 71, 73. Дерябин проезд, Новоажимов ульча, Клубной ульча, Новошестнадцатой ульча, 15-тӥ ульча, Заречной шоссе, Шаберды тракт, Новостроительной ульча, Кузебай Герд ульча, Олег Кошевой ульча, Баранов ульча, Машиностроитель, Живсовхоз ульча, Азин ульча, Кирпич ульча, Трактор ульча, Областной ульча, Гагарин нимо ульча, Маяковский ульча, Московской ульча.

Валэктонъёс

  1. ↑ 1 2 Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более [ӟуч] (XLSX) Эскеремын 2022-09-01 арын
  2. ↑ Численность постоянного населения Российской Федерации по городам, поселкам городского типа и районам на 1 января 2013 года [ӟуч] Росстат. Эскеремын 23-10-2025 арын
  3. ↑ 1 2 3 Ленинский Административно-территориальный район г. Ижевска [ӟуч] iz-article.ru. Эскеремын 23-10-2025 арын
  4. ↑ 1 2 3 Анжела Поздеева (07-07-2022) Город за рекой: о прошлом и будущем района, с которого началась история столицы Удмуртии [ӟуч] Удмуртская правда. Эскеремын 23-10-2025 арын
  5. ↑ Ленинский район [ӟуч] Библиотека им. Некрасова. Эскеремын 23-10-2025 арын
  6. ↑ Ксения Аксенова (15-03-2023) Перенесли по досочке: о прошлом и настоящем самой старой Соборной мечети Ижевска [ӟуч] izh.kp.ru. Эскеремын 23-10-2025 арын
  7. ↑ Всесоюзная перепись населения 1970 года Численность городского населения РСФСР, ее территориальных единиц, городских поселений и городских районов по полу. [ӟуч] Демоскоп Weekly. Эскеремын 2013-09-25 арын
  8. ↑ Всесоюзная перепись населения 1979 года Численность городского населения РСФСР, ее территориальных единиц, городских поселений и городских районов по полу. [ӟуч] Демоскоп Weekly. Эскеремын 2013-09-25 арын
  9. ↑ Всесоюзная перепись населения 1989 г. Численность городского населения РСФСР, ее территориальных единиц, городских поселений и городских районов по полу [ӟуч]
  10. ↑ Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более [ӟуч]
  11. ↑ Численность постоянного населения Российской Федерации по городам, посёлкам городского типа и районам на 1 января 2009 года [ӟуч] Эскеремын 2014-01-02 арын
  12. ↑ Итоги Всероссийская перепись населения 2010 года. 5. Численность населения России, федеральных округов, субъектов Российской Федерации, районов, городских населённых пунктов, сельских населённых пунктов – районных центров и сельских населённых пунктов с населением 3 тысячи человек и более [ӟуч] Эскеремын 2013-11-14 арын
  13. ↑ Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года [ӟуч] Эскеремын 2014-05-31 арын
  14. ↑ Численность населения Российской Федерации по муниципальным образованиям на 1 января 2013 года. — М.: Федеральная служба государственной статистики Росстат, 2013. — 528 с. (Табл. 33. Численность населения городских округов, муниципальных районов, городских и сельских поселений, городских населённых пунктов, сельских населённых пунктов) [ӟуч] Эскеремын 2013-11-16 арын
  15. ↑ Таблица 33. Численность населения Российской Федерации по муниципальным образованиям на 1 января 2014 года [ӟуч] Эскеремын 2014-08-02 арын
  16. ↑ Численность населения Российской Федерации по муниципальным образованиям на 1 января 2015 года [ӟуч] Эскеремын 2015-08-06 арын
  17. ↑ Численность населения Российской Федерации по муниципальным образованиям на 1 января 2016 года [ӟуч] Эскеремын 2021-05-15 арын
  18. ↑ Численность населения Российской Федерации по муниципальным образованиям на 1 января 2017 года [ӟуч] Эскеремын 2025-08-28 арын
  19. ↑ Численность населения Российской Федерации по муниципальным образованиям на 1 января 2018 года [ӟуч] Эскеремын 2018-07-25 арын
  20. ↑ Численность населения Российской Федерации по муниципальным образованиям на 1 января 2019 года [ӟуч] Эскеремын 2019-07-31 арын
  21. ↑ Численность населения Российской Федерации по муниципальным образованиям на 1 января 2020 года [ӟуч] Эскеремын 2020-10-17 арын
  22. ↑ Александровский район Ижевска будет рассчитан на 80 тыс. жителей [ӟуч] udm-info.ru. Эскеремын 23-10-2025 арын
  23. ↑ Характеристика Ленинского района [ӟуч] izh.ru. Эскеремын 23-10-2025 арын
  24. ↑ Промышленность [ӟуч] izh.ru. Эскеремын 23-10-2025 арын
  25. ↑ Развитие инфраструктуры рынка [ӟуч] izh.ru. Эскеремын 23-10-2025 арын
«https://udm.ruwiki.ru/w/index.php?title=Ленин_ёрос_(Иж)&oldid=507364»-ысь басьтэмын