Ижысь пыӵалтӥрлык поттон заводлэн валтӥсь корпусэз

Википедиысь материал
Пыӵалтӥрлык поттон завод
Ижысь пыӵалтӥрлык поттон заводлэн валтӥсь корпусэз
Валтӥсь корпус 2007-тӥ арын
Валтӥсь корпус 2007-тӥ арын
56°50′41″ с. ш. 53°11′09″ в. д.GЯO
Кун РоссияFlag of Russia.svg Россия
Город Ижкарысь Дерябинлэн проездэз, 3[1]
Архитектурной стиль Ампир[1]
Проектлэн авторез Дудин С. Е.[1][2]
Архитекторез
Дудин С. Е.[1][2]
Кылдытэмын 1808
Юртэз пуктэмын 1808—1843 аръёс
Валтӥсь датаос
  • 1807 ар — заводэз пуктон сярысь указ
  • 1807—1808 аръёс — план но проект лэсьтон
  • 1815 ар — заводлэсь юртсэ ӝутон
  • 1834 ар — пуромем тылпу завод юртлэсь оглюкетсэ куашкатӥз
  • 1843 ар — тылпу бере завод юртэз выльдон
  • 1966 ар — заводлэсь башнязэ тупатон
Инлыкез Логотип конкурса «Вики любит памятники» ОКН № 1810003001№ 1810003001
Ӝуждалаез 50 метров
Югдурез Умойтэм[3]
ИжевскВоткинскГлазовМожгаСарапулАлнашский районБалезинский районВавожский районВоткинский районГлазовский районГраховский районДебёсский районЗавьяловский районИгринский районКамбарский районКаракулинский районКезский районКизнерский районКиясовский районКрасногорский районМалопургинский районМожгинский районСарапульский районСелтинский районСюмсинский районУвинский районШарканский районЮкаменский районЯкшур-Бодьинский районЯрский районИжысь пыӵалтӥрлык поттон заводлэн валтӥсь корпусэз (Удмуртия)
Описание изображения
Точка
Логотип РУВИКИ.Медиа Медиафайлъёс РувикиМедиа пушкын

 Архитектурая синпелет (федеральный)

Ижысь пыӵалтӥрлык поттон заводлэн валтӥсь корпусэз — XIX даурысь промышленной юрт, Ижысь ожтӥрлык поттон завод комплекслэн валтӥсь (шор) юртэз, интыяськемын таӵе адресъя: Ижкар, Дерябинлэн проездэз, 3. Россиысь Президентлэн 1995-тӥ арын 20-тӥ тулыспалэ юнматэм 176 номеро Указэныз пыӵалтӥрлык поттон заводлэн валтӥсь корпусэз кар лэсьтон удысысь но архитектураысь федерал инлыкен утёно синпелетъёс пӧлы пыртэмын[3][4]. Валтӥсь корпуслэн быдэс ансамблез куать юртъерлэсь кылдытэмын,[5] солэн огъя площадез 21 045 м²[6]. Шер пумиськылӥсь адмиралтейской амалъя лэсьтэм завод юртъёс пӧлы пыре. Россиын сыӵеосыз ньыль гинэ: Вотка заводлэн корпусэз, Петербургысь Адмиралтейство  [ӟуч] (удм. но Ижор завод, Ижысь пыӵалтӥрлык поттон заводлэн валтӥсь корпусэз[7] (проектлэн авторез С. Е. Дудин — А. Д. Захаровлэн дышетскисез[8], Адмиралтействолэсь комплекссэ кылдытӥсь).

Валтӥсь корпус Ижкарлэн тодметэз луэ. Кылсярысь, совето вакытэ Ижкарлэн юнматымтэ кунпусаз возьматэмын луэ вал.

Историез

А. Ф. Дерябин — корпусэз пуктон понна кылкутӥсь

Ижын ожтӥрлык поттон завод пуктон сярысь указ 1807-тӥ арын 6-тӥ тулыспалэ Александр I  [ӟуч] (удм. поттӥз[8], нош 1807-тӥ арын 10-тӥ инвожое Ижын пыӵалтӥрлык поттонъя контора усьтӥськиз ни (та нуналэз Ижысь пыӵалтӥрлык поттон заводлэн вордӥськем нуналэныз пусъё[8]). Бератаз ни ожтӥрлык поттыны кутскон ласянь кенешо, со понна выль завод ӝуто, сое ужась корт ӵыжатон заводэн огазеяло, со ик ожтӥрлык лэсьтыны валтӥсь корт вуттӥсь но луэ. Выль завод ӝутонэз горной инженерлы, Пермь заводъёслэн кивалтӥсьсылы Андрей Фёдорович Дерябинлы оско (бератаз — Инкуазь узырлык но сылал поттон ужпумъёсъя департаментэз кылдытӥсь но солэн нырысетӥ директорез)[4].

Огкылысь кенешемын вал: заводлэн юртэз ньыль этажъем луыны кулэ. 1807-тӥ—1808-тӥ аръёсы заводлы проект малпаны 14 классысь художниклы[9], А. Д. Захаров[8] дано архитекторлэн усто дышетскисезлы, Суредаськонъя академиез йылпумъям Семён Емельянович Дудинлы оскизы, угось Италиын ожтӥрлык заводлы проект лэсьтылӥз ни вал.

1811-тӥ арысен 1815-тӥ арозь заводлэсь валтӥсь корпуссэ пуктӥзы[10]. Отӥяз шундыӝужан палаз куинь этажъем флигель ӝутӥзы, отысен валтӥсь корпусэ сюрыны луэ вал. Пуш ужъёссэ лэсьтон, тӥрлык вуттон 1820-тӥ арозь кыстӥськиз на. Ижысь пыӵалтӥрлык поттон завод Россиын нырысетӥез трос этажъем производствоя юрт луиз[1].

1833-тӥ арын башня йылэ гырлыен жугись часъёсты юнматӥзы. 1834-тӥ арын 18-тӥ южтолэзе выжон уе валтӥсь корпусын тылпу кенжиз, башняез куашказ. Сое выльысь ӝутон борды 1834-тӥ арын куартолэзе кутскизы. Та ужъёсы кыскемын вал: лэсьтӥськон отрядысь полковник, корпусэз выльдонлы проект гожтӥсь А. Б. Андреев, архитекторъёс Д. И. Висконти, И. И. Шарлемань, А. Д. Брыкин, инженер А. П. Семёнов, живописец но скульптор А. И. Самотохин, скульптор-чеканщик П. С. Трубенков. Вань ужъёсын кивалтӥз инженер А. Б. Елфимов[4][11].

1836-тӥ арын тупатъян ужъёс дыръя Иж ӵыпетэз но куинетӥ этажез арка выллем выжен герӟазы, выльдӥськон ужъёс ар ортчыса йылпумъяськизы. 1838-тӥ арын башня йылэ юнматэм часъёс нош ужаны, дырез вераса, куара сётыны ӧдъязы (со часъёсты нош ик ас мылкыд каремезъя Р. Глушков юрттӥсеныз ӵош лэсьтӥз 74 аресъем «отставной галантерейной но штамповой мастер» Шнотц)[4].

1843-тӥ арын валтӥсь корпусэз лэсьтон йылпумъяськиз, кунлы со 1,7 миллион манет тыр усиз[4].

1907-тӥ арын 10-тӥ инвожое, заводлы 100 ар тырмон ужрадъёс дыръя, Иж ӵыпет вылэ валтӥсь корпус азе ожтӥрлык поттон заводэз кылдытӥсьлы А. Ф. Дерябинлы синпелет[2].

2011-тӥ арын юрт начар югдуре вуиз, южтолэзе Ижын улӥсьёс пӧлысь мыло-кыдо адямиос «субботник» радъяны дэмлазы, куашкан калэ вуэм липет йылысьтыз лымыез куяны ӧтьыса[12]. 2-тӥ оштолэзе Шор площадьын митинг ортчиз, люкаськемъёс Ижысь но Удмуртиысь кивалтӥсьёслы вазиськизы, пыӵалтӥрлык лэсьтон заводлэсь валтӥсь корпуссэ утьыны курыса[13]. 2011-тӥ гудырикошконэ тупен-тупен тупатъян ужъёс борды басьтӥськизы: нырысь липетэзлэсь коръёссэ но карниззэ выльдӥзы, отӥяз липетсэ воштӥзы. Юртын историяя но лулчеберетъя центр усьтыны медо вал[5][14].

2014-тӥ арын оштолэзе чакламъёсъя, заводлэн юртэз уродмемын, но со федерал ваньбуре пыре бере, интыысь кивалтӥсьёслы тупатъян ужъёс борды кутскыны алэмын[7].

2018-тӥ арын 3-тӥ пӧсьтолэзе валтӥсь корпуслэн башняез кенжиз, таин валче шпилез куашказ но усиз[15][16].

Вылтусыз

Завод нюр интые, Иж тыметлэн ярдураз пуктэмын вал бере, фундаментсэ ӝутонлы но юнматонлы бадӟым саклык висъяськиз. Ньыль этажъем юртлы 8 миллион кирпич кошкиз[4].

Пушкысьтыз висъетъёсаз — сводъёслэсь тямыс бадӟым залъёсыз.

Юртлэн кузьдалаез — 350 метр[13]. Шор люкетаз 10 котырес выллем пилястраослэсь колоннада пуктэмын, со антаблементэз но кык ярусэн лэсьтэм аттикез кутэ, башнялы таос инъет луизы (оглом ӝуждалаез 50[1] яке 51 метр[13]). Башня йылэ ӝужыт дорической колонна выллем ӝужыт шпиль юнматэмын, сяме пыӵам шпиль туйлэсь кисьтэм кык йыро ӧрӟиен колонналы воштэмын, со ӧрӟи пыкъялляз трофей луэм пушкаосты, латаосты но одӥг йыро француз ӧрӟиосты (1812-тӥ арын Атыкай ожын вормеммес данъясь ӧрӟиосты). Но 1919-тӥ арын ӧрӟи куштэмын но тыметэ выйытэмын вал[4]. Башнялэн улысяз йӧн-йӧн ярусаз завод часъёсты герӟась но куара сётыны юрттӥсь дас гырлыосты юнматон вылысь укноос вандэмын вал (часъёсты Шнотц усточи Р. Глушков юрттӥсеныз ӵош лэсьтӥз)[4].

Синпелетлэн оглом югдурез умойтэм[3], колонналэн йылыз одӥг метрлэсь ятыр кырыжамын[4][17].

Галерея

  • Валтӥсь корпус 2007-тӥ арын

    Валтӥсь корпус 2007-тӥ арын

  • Валтӥсь корпус 2018-тӥ арын пӧсьтолэзе тылпу пуромем бере

    Валтӥсь корпус 2018-тӥ арын пӧсьтолэзе тылпу пуромем бере

  • Юртлэн тусыз

    Юртлэн тусыз

  • Валтӥсь корпуслэн колоннаосыз

    Валтӥсь корпуслэн колоннаосыз

  • Валтӥсь корпуслэн колоннаосыз

    Валтӥсь корпуслэн колоннаосыз

  • Корпуслэн юрт бордаз юнматэм мемориал пул

    Корпуслэн юрт бордаз юнматэм мемориал пул

  • Корпуслэн юрт бордаз юнматэм мемориал пул

    Корпуслэн юрт бордаз юнматэм мемориал пул

  • Пыӵалтӥрлык заводлэн валтӥсь корпусэзлэн макетэз «Ижмаш» музейын утиське

    Пыӵалтӥрлык заводлэн валтӥсь корпусэзлэн макетэз «Ижмаш» музейын утиське

Валэктонъёс

  1. ↑ 1 2 3 4 5 6 Главный корпус Ижевского оружейного завода [ӟуч] Эскеремын 2014-12-02 арын
  2. ↑ 1 2 3 Туганаев, 2008, с. 525.
  3. ↑ 1 2 3 Главный корпус оружейного завода [ӟуч] Оф. сайт ФГУП ГИВЦ Минкультуры России. Эскеремын 2014-12-02 арын
  4. ↑ 1 2 3 4 5 6 7 8 9 Главный корпус Ижевского оружейного завода [ӟуч] Сайт "Музей Ижевска". Эскеремын 2014-12-02 арын
  5. ↑ 1 2 Фёдор Антонов. Главный корпус ижевского оружейного завода станет историко-культурным центром // Известия Удмуртской Республики : Газета. — 24 мая 2011. Архивировано 4 южтолэзе 2016 арын.
  6. ↑ Памятник архитектуры «Главный корпус Ижевского оружейного завода» — собственность Российской Федерации [ӟуч] Оф. сайт Главы Удмуртской Республики и Правительства Удмуртской Республики. Эскеремын 2014-12-02 арын
  7. ↑ 1 2 Ирина Бурцева. Возможно ли восстановить корпус Оружейного завода в Ижевске за три года? // Комсомольская правда (Ижевск). — 29 апреля 2014. Архивировано 4 южтолэзе 2016 арын.
  8. ↑ 1 2 3 4 Ижевский завод [ӟуч] Сайт "Археология и краеведение Урала". Эскеремын 2014-12-02 арын
  9. ↑ Семен Емельянович Дудин — профессиональный ижевский архитектор [ӟуч] Эскеремын 2014-12-02 арын
  10. ↑ Сперанский, 2015, с. 79.
  11. ↑ Игорь Бобров Шпиль башни «Ижмаша» обрушился во время пожара в Ижевске [ӟуч] ООО «Радио - Инвест». Эскеремын 2018-08-29 арын
  12. ↑ Очистить чердак главного корпуса Ижевского оружейного завода от снега просят ижевчане [ӟуч] ИА «Аргументы в Ижевске». Эскеремын 2014-12-02 арын
  13. ↑ 1 2 3 Митинг в Ижевске по спасению Главного Корпуса Оружейного завода [ӟуч] Эскеремын 2014-12-02 арын
  14. ↑ Реконструкция главного корпуса Ижевского оружейного завода началась в столице Удмуртии [ӟуч] ГТРК Удмуртии. Эскеремын 2014-12-02 арын
  15. ↑ Бобров, Игорь. Шпиль башни «Ижмаша» обрушился во время пожара в Ижевске, IZHLIFE (4 пӧсьтолэзе 2018). Архивировано 4 пӧсьтолэзе 2018 года. Эскеремын: 4 пӧсьтолэзе 2018 арын.
  16. ↑ Андрей Андреев В Ижевске в результате пожара рухнул шпиль старинной башни [ӟуч] ФГБУ «Редакция «Российской газеты». Эскеремын 2018-08-29 арын
  17. ↑ Архитектура и зодчество [ӟуч] ГУК «Республиканская библиотека для детей и юношества». Эскеремын 2014-12-02 арын  [недоступная ссылка]

Литература

  • Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — 768 с. — 2200 экз. — ISBN 978-5-7659-0486-2.
  • Болховитинов Е. А. Описание Ижевского железоделательного оружейного завода // Вестник Европы. — 1817. — № 15—16.
  • Шумилов Е. Ф. Города-заводы на Иже и Вотке // Памятники Отечества. Полное описание России. Удмуртия: Альманах ВООПИиК. — 1995. — № 1—2.
  • Памятники Отечества. Полное описание России. Удмуртия. 1995.
  • Военная история Урала: События и люди / под общ. ред. А. В. Сперанского. — Екатеринбург: Издательский дом «Сократ», 2015. — 320 с. — ISBN 978-5-88664-321-3.
«https://udm.ruwiki.ru/w/index.php?title=Ижысь_пыӵалтӥрлык_поттон_заводлэн_валтӥсь_корпусэз&oldid=507733»-ысь басьтэмын