Курчум
| Гурт | |
| Курчум | |
|---|---|
 | |
| 56°36′05″ с. ш. 52°58′42″ в. д.GЯO | |
| Кун | |
| Часовой поясэз | UTC+4:00 |
| Улӥсез | |
| Улӥсез |
|
| Цифровой идентификаторъёс | |
| Почта индекс | 427820 |
|
|
|
Курчум (ӟуч: Курчум-Норья[1]) — Пичи Пурга ёросысь гурт, пыре Пичи Пурга гурт поселение[2].
Интыяськемез
Интыяськемын Ижкарлэсь 45 иськемлы палэнын, ёрос центрлэсь — Пичи Пургалэсь 5 иськемын, Постолка шуре усись Курчумка шур дурын. Гуртлэн лымшор но шундыпуксён палаз — бусыос, уйпалан но шундыӝужан палаз Яган лесхозлэн суро нюлэсъёсыз кыстӥсько.
Историез
Ватка губернилэн статистикая материалъёсаз 1884—1893-тӥ аръёсы ортчытэм подворной описьын Курчум сярысь тазьы гожтэмын[3]:
Улӥсьёсыз удмуртъёс но ӟучъёс (кык юртъер), крестьянъёс, православнойёс. Пересьёслэн верамзыя, куке но кемалась татӥ 12 кузя йыр вандӥсьёс ортчиллям но гурт сьӧры 12 000 азвесь коньдонзэс но кӧня ке пистолетъёссэс музъеме согыса кельтӥллям. Постолка шур сьӧрын, Сретенской казенной дачаын удмуртъёслэн вашкала языческой шайзы кылемын. Музем корка кузёосъя люкемын, но наделъёс семьяын улӥсьлэсь тросгес луыны кулэ ӧвӧл. Пудо возён понна котькуд юртъерлэсь 30 копейка октӥське. Гуртын кык тӧлӥськон машиназы но пызь изон вукозы вань.
Гуртэ 4 пал ласянь пырыны луэ, одӥгез сюрес 1984-тӥ арысен асфальтэн шобыртэмын. Ужа шор ёзо школа. 2006-тӥ арын, нылпиос ӧжытгес луэмен, со юртэ ик нылпи сад но медпункт выжтэмын. Озьы ик вань клуб, библиотека, магазин. 2019-тӥ арын «Культура малой Родины» партийной проект улсын выль клуб пуктэмын[4].
Гуртын 5 ульча: Керемет, Нарядной, Школьной, Шор ульча, Шор пролка[5].
Улӥсез
2002-тӥ арын ортчытэм лыдъян-чотанъя гуртын 268 мурт пусъемын[6].
2010-тӥ арын гуртын 273 мурт улӥсез вал[7].
2025-тӥ арын 1-тӥ шуркынмонэ Курчумын 301 мурт улӥсез вал. Соос пӧлын 6 аресозь нылпиос — 30 мурт, 7 аресысен 17 аресозь — 36 мурт, 18 аресысен 29 аресозь — 36 мурт, 30 аресысен 60 аресозь — 130 мурт, 60 ареслэсь мӧйыгес — 66 мурт, 80 ареслэсь мӧйыгес — 4 мурт[8].
Гуртысь тодмо муртъёс
- Пётр Фомин — росси кун ужась но политик, генерал-майор. Россиысь МЧС-лэн Удмурт Элькунъя Валтӥсь управлениезлэн кивалтӥсез (2008—2020). Удмурт Элькунысь Кун Кенешысь депутат. Техника наукаосъя кандидат, Удмуртиысь аварийно-спасательной службаысь дано ужась.
Валэктонъёс
- ↑ Малопургинский Районный Совет депутатов О наименованиях населенных пунктов и рек Малопургинского района на удмуртском языке bestpravo.com. Эскеремын 26-11-2025 арын
- ↑ Администрация МО Малопургинское – Удмуртия [ӟуч], Администрация МО Малопургинское. Эскеремын: 25 шуркынмонэ 2025 арын.
- ↑ Курчум-Норья [ӟуч], Родная Вятка. Эскеремын: 25 шуркынмонэ 2025 арын.
- ↑ В деревне Курчум-Норья Малопургинского района состоялось открытие нового сельского клуба. [ӟуч], udmurt.er.ru (6-08-2019). Эскеремын: 25 шуркынмонэ 2025 арын.
- ↑ Курчум-Норья деревня на карте [ӟуч], mapdata. Эскеремын: 25 шуркынмонэ 2025 арын.
- ↑ Всероссийская перепись населения 2002 года [ӟуч] Родная Вятка. Эскеремын 26-11-2025 арын
- ↑ Всероссийская перепись населения 2010 года [ӟуч] Родная Вятка. Эскеремын 26-11-2025 арын
- ↑ Население деревни Курчум-Норья Малопургинского района Удмуртской Республики [ӟуч], bdex. Эскеремын: 25 шуркынмонэ 2025 арын.
.svg)
.svg)