Черношур
| Гурт | |
| Зури | |
|---|---|
| ӟуч: Черношур | |
 | |
| 56°32′27″ с. ш. 52°34′14″ в. д.GЯO | |
| Кун |
 Россия |
| Федерацилэн асмосэз | Удмурт Элькун |
| Муниципал ёрос | Пичи Пурга |
| Улӥсез | |
| Улӥсез | |
| Цифровой идентификаторъёс | |
| Почта индекс | 427825 |
| Код ОКАТО | 94233810003 |
| Код ОКТМО | 94533000176 |
|
|
|
Зури (ӟуч: Черношур) — Удмурт Элькунысь Пичи Пурга ёросын интыяськем гурт.
Интыяськемез
Интыяськемын элькунлэн лымшор палаз, лысо но куаро нюлэсо интыосын[2], Черношур нимо шур дурын, М7 сюрэслэсь уйпалангес, Пичи Пурга черкогуртлэсь 24 иськемын.
- Куазь
Куазез шоро-куспо континентальной, толалтэ кезьыт но трос лымыё луэ, кема кыстӥське, гужем вакчи но пӧсь. Пӧсьтолэзе омырлэн шорлыко температураз — 18,9 °C-озь ӝутӥське; тужгес кезьытэз толэзь — толшор, соку омырлэн температураез −14,3 °C-озь лэзьке. Будон-пушъён вакыт 160—170 нунал кыстӥське[2].
- Часовой пояс
Зури гурт, быдэс Удмурт Элькун сямен ик, МСК+1 часовой зонаын интыяськемын. UTC-ъя кутӥськись дырлэн висъяськемез +4:00 луэ[3].
Историез
Гуртын улӥсьёслэн верамзыя, нырысетӥосыз улӥсьёс-удмуртъёс татчы Эгра ёросысь Зури черкогуртысь вуиллям[4]. 1930-тӥ аръёсы кунын сютэм вакыт кутскемен, тросэз ас улон интызэс воштоно луиллям. Карамбай станцилы матэгес интыяськиллям. Нырысь-валысь, коркаос пуктэмлэсь азьпал, землянкаосын улӥллям. Берлогес татын Тупал но Зури ульчаос кылдӥллям, ваньмыз-ӧвӧлыз 40 корка люкаськем.
Коллективизация вакытэ татын «Десятилетка» нимо колхоз кылдэм. Озьы ке но, котькуд семьялэн аслаз 40 соткаем бакчаез но пудоез вылэм. Берлогес фельдшерской пункт но клуб усьтӥськиз. Школа пуктыны кутскизы но, Быдӟым тылож кутскемен, лэсьтӥськонэз йылаз-пумаз вуттыны ӧз кылды. Покчи классъёсын нылпиос Камбаркаын дышетскылӥзы, отӥяз — Пычас но Эдэйгурт гуртъёсысь школаосы ветлылӥзы.
Берло вакытэ Зури бырон калэ вуэмын. Газ но ву гумыос кыскымтэен, татын улӥсьёс пуэн эстӥськоно, но вулы матысь ошмесэ ветлоно луо. Солы луыса, тросэз улон интызэс вошто. Матысез вузкаронни Пычасын интыяськемын, со понна сиён-юон но кулэ арбериос басьтон понна, 3 иськемез Карамбай станциозь потыса, Пычасэ ветлоно луо.
Улӥсьёс
1959-тӥ арын ортчытэм калыкез лыдъян-чотанъя, татын тросгес удмуртъёс вылӥллям, ялан улӥсез пӧлын 144 мурт пусъемын. 1979-тӥ арын ортчытэм переписья — 70 адями пусъемын[5]. 2002-тӥ арын 23 пусъем мурт пӧлысь ваньмыз удмуртъёс вылӥллям[6].2012-тӥ арын 1-тӥ толшоре гуртын 12 адями пусъемын.
| 2002[7] | 2010[8] | 2012[9] | 2020[10] |
|---|---|---|---|
| 23 | ↘14 | ↘12 | ↘8 |
2024-тӥ арын гуртын 5 корка сяна кылемын ӧвӧл[4].
Валэктонъёс
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
- ↑ 1 2 Схема территориального планирования Малопургинского района Удмуртской Республики [ӟуч] Федеральная государственная информационная система территориального планирования (ФГИС ТП). Эскеремын 10-10-2025 арын
- ↑ Федеральный закон от 03.06.2011 № 107-ФЗ «Об исчислении времени», статья 5 [ӟуч]
- ↑ 1 2 Из истории населённых пунктов Малопургинского района. Деревня Черношур [ӟуч] Малопургинский краеведческий музей. Эскеремын 10-10-2025 арын
- ↑ Всесоюзная перепись населения 1959 года [ӟуч] Родная Вятка. Эскеремын 10-10-2025 арын
- ↑ Коряков Ю. Б. База данных «Этно-языковой состав населённых пунктов России» [ӟуч] lingvarium.org. Эскеремын 10-10-2025 арын
- ↑ http://www.perepis2002.ru/content.html?id=11&docid=10715289081460
- ↑ https://rosstat.gov.ru/free_doc/new_site/perepis2010/croc/perepis_itogi1612.htm
- ↑ https://web.archive.org/web/20151225182600/http://18.rkn.gov.ru/docs/18/Udmurtstat_Katalog_np_UR_2012.xls
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
.svg)
.svg)