Журавлёв, Виталий Анатольевич

Виталий Анатольевич Журавлёв
Виталий Анатольевич Журавлёв
Вордӥськем дырыз	1-тӥ тулыспалэ 1941
Вордӥськем интыез	Ленинград, СССР
Кулэм дырыз	27-тӥ толшоре 2007 (65 арес)
Кулэм интыез	Ижкар, Удмуртия, Россия
Кун	СССР → Россия
Тодос удысэз	физика, металловедение
Ужан интыез	«Красное Сормово» завод (1965–1969),; Горьковской университет (1968–1976),; Удмурт кун университет(1976–2007)
Дышетскемез	Санкт-Пертербургысь Пётр Великий нимо политехникая университет[d];
Учёной степенез	Физика но математика тодосъёсъя доктор[d]
Учёной званиез	профессор[d]

Вита́лий Анато́льевич Журавлёв (1941-тӥ арын 1-тӥ тулыспалэ Ленинградын, СССР — 2007-тӥ арын 27-тӥ толшоре Ижкарын) — совето но росси тодосчи. Физика но математика тодосъёсъя доктор, профессор, РАЕН-ысь академик. 1986-тӥ — 2007-тӥ аръёсы — Удмурт кун университетлэн ректорез. СССР-ысь Кун премилэн наука но техника удысысь лауреатэз. Россиысь Вылӥ аттестационной комиссилэн дунъет сётонъя кенешысьтыз ёзчиез. Удмуртиысь наука удысысь дано ужась, Росси Федерациысь вылӥ тодон-валан сётон удысысь дано ужась.

Улон сюресэз

Виталий Анатольевич Ленинградысь военнослужащийёслэн семьяязы вордӥськиз. Татын ик шор ёзо школаез ӟеч йылпумъяз.

1959-тӥ арын Ленинградысь политехнической институтэ^[ru] пыриз. Сюлэмызъя физика но металлъёсты химия ласянь эскерон вал. 1962-тӥ арын Горькийысь «Красное Сормово» заводэ распределениен келямын вал, магнитной металлодинамикая валтӥсь конструктор бюроын инженер-технолог луыса мед ужалоз шуыса^[1].

1968-тӥ арысен Виталий Анатольевич Горькийысь университетын^[ru] нырысь ассистент, отӥяз дышетӥсь, металлъёслэн физиказыя кафедраысь доцент луыса ужаз. 1969-тӥ арын татын ик кандидат диссертацизэ утӥз^[2].

1976-тӥ арын сое Удмурт кун университетысь физикалэн теориезъя кафедраен кивалтыны ӧтизы. 1985-тӥ арозь быгатыса кивалтӥз. 1981-тӥ арын СССР-ысь Наукая академилэн^[ru] Металлъёслэн физиказыя институтэзлэн урал ёзаз доктор ужзэ утӥз. 1985-тӥ арын физикая но математикая факультетлы деканэ юнматӥзы. Ар ортчыса, Удмурт кун университетлы ректоре бырйизы^[1].

Удмурт кун университетэз Журавлёв валтытозь, вуз Россиысь огез кужмоосыз пӧлы пыриз. Факультетъёс 9-сен 22-озь йылӥзы, отӥяз тросэз соос пӧлысь институтъёслы пӧрмизы. Ректор дыръяз пуктӥськон зол радъяськиз: Спортъя дворец ӝутэмын, 6-тӥ дышетскон корпус йылаз-пумаз вуттэмын, 1-тӥ но 2-тӥ корпусъёс вискы Удмуртской ульчаысь музъем вылтӥ выжон лэсьтэмын, библиотека но 7-тӥ корпус пуктыны кутскемын^[2].

Виталий Анатольевич Журавлёв — 150-лэсь ятыр публикациослэн, уно монографиослэн, ӟуч но англи кылъёсъя дышетон пособиослэн авторзы луэ. 1991-тӥ арын физикаын выль усьтонъёсыз понна сое СССР-лэн Кун премиеныз пусйизы. 2000-тӥ арын «Росси Федерациысь вылӥ тодон-валан сётон удысысь дано ужась» ним сётӥзы, в 2001-тӥ арын Эшъяськон орденэн сӥлы каризы, 2004-тӥ арын «Арлэн ректорез 2004» гадьпусэн дунъязы^[2].

2007-тӥ арын толшоре Виталий Анатольевич 1-тӥ элькун больницае сюриз. 27-тӥ толшое, йырсазяз лыктылытэк ик улонысь кошкиз^[3].

Библиография

Теплофизика формирования непрерывного слитка / В. А. Журавлёв, Е. М. Китаев. — Москва : Металлургия, 1974. — 215 с. : черт.; 20 см.
Вычислительная физика в примерах и задачах / В. А. Журавлёв.: (Учеб. пособие). — Ижевск : Удмурт. гос. ун-т, 1979. — 67 с. : ил.; 20 см.
Термодинамика необратимых процессов в задачах и решениях / В. А. Журавлёв. — Москва : Наука, 1979. — 135 с.; 20 см.
- Термодинамика необратимых процессов в задачах и решениях. — Москва ; Ижевск : Удмуртский университет, 1998. — [153] с.; ISBN 5-7029-0292-0
Шудегов В. Е., Журавлёв В. А., Самойлович С. С., Сипайлов В. А. «Структура и свойства аморфных сплавов»: сборник статей / Министерство высшего и среднего специального образования РСФСР, Удмуртский государственный университет им. 50-летия СССР. — г. Устинов : Удмуртский государственный университет, 1985 год.
Шудегов В. Е., Журавлёв В. А., Лихачёв В. А., Ермолаева Н. А., Самойлович С. С. «Металлоаморфные материалы: межвузовский сборник научных трудов», Министерство высшего и среднего специального образования РСФСР, Удмуртский государственный университет им. 50-летия СССР. — Ижевск : Удмуртский госуниверситет, 1988 год.
Лекции по квантовой теории металлов / В. А. Журавлёв. — Москва : Институт компьютерных исследований, 2002. — [241] с.; ISBN 5-93972-124-9
Затвердевание и кристаллизация сплавов с гетеропереходами. / В. А. Журавлёв. — Москва ; Ижевск : Институт компьютерных исследований; Удмуртский университет, 2006. — [560] с.; ISBN 5-93972-554-6.

Валэктонъёс

↑ ¹ ² Журавлёв Виталий Анатольевич Эскеремын 2019-12-02 аре
↑ ¹ ² ³ Журавлев Виталий Анатольевич - доктор физико-математических наук, профессор, ректор Удмуртского государственного университета, лауреат Государственной премии СССР (1 февраля 1941 г. - 27 января 2007 г.) Эскеремын 2019-12-02 аре
↑ Умер ректор Удмуртского госуниверситета, Udm-info (28 толшоре 2007). Архивировано 28 коньывуонэ 2021 года. Дата обращения: 2 толсуре 2019.

Чӧлсконъёс

Список трудов

Архивная копия от 26 шуркынмонэ 2019 на Wayback Machine в каталоге РГБ.

[85let-1] ¹ ² Журавлёв Виталий Анатольевич Эскеремын 2019-12-02 аре

[gasur-2] ¹ ² ³ Журавлев Виталий Анатольевич - доктор физико-математических наук, профессор, ректор Удмуртского государственного университета, лауреат Государственной премии СССР (1 февраля 1941 г. - 27 января 2007 г.) Эскеремын 2019-12-02 аре

[3] Умер ректор Удмуртского госуниверситета, Udm-info (28 толшоре 2007). Архивировано 28 коньывуонэ 2021 года. Дата обращения: 2 толсуре 2019.

[1]

[2]

[3]