Шульга, Борис Николаевич

Борис Николаевич Шульга
Вордӥськем дырыз	23-тӥ толшоре 1926({{padleft:1926|4|0}}-{{padleft:1|2|0}}-{{padleft:23|2|0}})
Вордӥськем интыез	Ичня[d], Нежинский округ[d], Украин ССР, СССР
Кулэм дырыз	18-тӥ коньывуонэ 2002({{padleft:2002|4|0}}-{{padleft:10|2|0}}-{{padleft:18|2|0}}) (76 лет)
Кулэм интыез	Иж, Россия
Кун	СССР
Тодос удысэз	инженериысь механика (кортъёслэн юнлыксы)
Дышетскемез	Самараысь техникая кун университет[d]
Учёной степенез	техника наукаосъя кандидат
Учёной званиез	профессор
Данъетъёсыз

Борис Николаевич Шульга (23-тӥ толшоре 1926, Ичня^[d], Нежинский округ^[d] — 18-тӥ коньывуонэ 2002, Иж) — украин выжыысь потэм совето но росси тодосчи (инженер-механик), мерлыко ужась но политик. Удмурт кун университетлэн нырысетӥ ректорез (1972—1986), УАССР-ысь наука удысысь дано ужась, Россиысь вылӥ школаысь дано ужась, Ижкарлэн дано муртэз.

Улон сюресэз

Вордӥськиз 1926-тӥ арын 23-тӥ толшоре Ичня украин черкогуртын. Быдӟым Атыкай ож кутскытозь, Киевын улӥз. 1941-тӥ арын пӧсьтолэзе, эвакуациен валче, семьяеныз ӵош Удмурт АССР-ысь Воткае шедиз, отӥяз со аре ик Куйбышеве выжыяськиз.

1943-тӥ арын экстерн амалэн шор ёзо ӝыт школаысь 10 классэз йылпумъяз, собере Куйбышевысь авиацияя институтэ дышетскыны пыриз. Сое 1949-тӥ арын «Самолёт лэсьтон» специальностья йылпумъяз, инженер-механиклэсь квалификацизэ басьтӥз, Куйбышевысь Сталин нимо авиацияя заводын инженер-конструктор луыса ужаны ӧдъяз. 1952—1955-тӥ аръёсы Куйбышевысь индустри институтысь «Материалъёслэн пумитъяськемзы» кафедраын аспирантураын дышетскиз.

1956-тӥ арын гудырикошконэ СССР-ысь вылӥ но шоро-куспо ӧнер дышетонъя министерство сое Ижкарысь механикая институтэ ыстӥз, татын «Материалъёслэн пумитъяськемзы» кафедраын нырысь ассистент луыса, бератаз бадӟымез дышетӥсь луыса ужаз, 1958—1964-тӥ аръёсы огдыре ик ИМИ-ысь ӝыт факультетлэн деканэз вал. 1961-тӥ арын «Стряжение дыръя юн концентрация условиосын пластичной металлъёслэсь куашкан сямзэс эскерон» темая кандидат диссертацизэ утӥз. 1964-тӥ арын гудырикошконысен 1972-тӥ арын тулыспалозь Ижкарысь механикая институтлэн дышетон ужъёсъя проректорез лыдъяськиз.

1972-тӥ арын Педагогикая удмурт кун институт Удмурт кун университетлы пӧрмиз, солы ректоре юнматэмын вал Борис Николаевич Шульга. Та ужинтыяз со 1986-тӥ арозь тыршиз, со дыре ик УАССР-ысь вузъёслэн ректоръёссылэсь кенешсэс валтӥз. 1986-тӥ арысен УдГУ-ысь огъя техникая дисциплинаосъя кафедраен кивалтӥз. 1995-тӥ арын профессор ним сётӥзы.

1996—2002-тӥ аръёсы УдГУ-ысь старейшинаослэн кенешсылэн тӧроез вал. 2000—2002-тӥ аръёсы психологияя но педагогикая факультетысь профессиональной технологиосъя дышетон но методикая центрлэн директорез луыса ужаз. Наукая эскеронъёсыз 35 печатлам ужаз адӟытэмын; 3 автор свидетельствоосыз вань.

Наукаен но радъян ужен вырем сяна, мерлыко ужъёсы но политикае пыриськиз: УАССР-ысь Вылӥ Кенеше депутатэ (1975), Ижысь ужась депутатъёслэн кар кенешазы (1969, 1971), Ижысь калык депутатъёслэн кар кенешазы (1980, 1985) бырйиськылӥз.

Данъетъёсыз но премиосыз

Ужан куспаз Борис Шульга пӧртэм пумо данъетъёсын, премиосын но дано нимъёсын пусъемын:

• «Данъян пус» орден — кык пол (1971, 1981);
• Калык Эшъяськон орден (1986);
• «В. И. Ленинлэн вордскемез дырысен 100 арез пусъён» медаль (1970);
• УАССР-ысь Вылӥ Кенешлэн Президиумезлэн грамотаез (1986);
• УАССР-ысь наука удысысь дано ужась (1992);
• Россиысь вылӥ школаысь дано ужась;
• Ижкарлэн дано муртэз.

Буре ваён

2003-тӥ арын, УдГУ-лэн нырысетӥ ректорез сярысь буре вайыса, университетлэн нырысетӥ корпусэз борды мемориал пул юнматэмын.

Валэктонъёс

Чӧлсконъёс

• Шульга Борис Николаевич [ӟуч]