Бабин, Михаил Павлович
| Михаил Павлович Бабин | |||||||
|---|---|---|---|---|---|---|---|
 | |||||||
| Вордӥськем дырыз | 14-тӥ шуркынмонэ 1909 | ||||||
| Вордӥськем интыез | |||||||
| Кулэм дырыз | 3-тӥ куартолэзе 1978 (68 лет) | ||||||
| Кулэм интыез | |||||||
| Тодос удысэз | педагогика | ||||||
| Ужан интыез | |||||||
| Учёной званиез | доцент | ||||||
| Данъетъёсыз |
|
||||||
Бабин Михаил Павлович (14-тӥ шуркынмонэ 1909, Ватка губерния — 3-тӥ куартолэзе 1978, Иж) — дышетӥсь, вылӥ школаез радъясь, доцент (1967), РСФСР школаысь дано дышетӥсь.
Улон сюресэз
1932-тӥ арын Пермьысь индустриально-педагогической институтэз йылпумъяз. 1936-тӥ—1939-тӥ аръёсы Педагогикая удмурт кун институтысь физикая кафедраын бадӟымез дышетӥсь луыса ужаз, 1939-тӥ—1942-тӥ аръёсы — физикая но математикая факультетысь декан, 1942-тӥ—1945-тӥ аръёсы — «Ижмаш» заводысь наукая но эскеронъя лабораториысь бадӟымез инженер. Быдӟым Атыкай ож вакытэ пыриськиз анданлэсь нимысьтыз сортъёссэ эскерон комплексэ, кылсярысь, юнлыклэн быдэс гаммаезъя термической обработка пыр поттэм сортъёслэн радазы магнит параметръёсты пусъёнэ[1][2].
1942-тӥ—1948-тӥ аръёсы — физикая но математикая факультетысь бадӟымез дышетӥсь, нош 1948-тӥ—1972-тӥ аръёсы — директор, ужинтылэн нимыз воштӥськем бере — Педагогикая удмурт кун институтлэн ректорез. Пединститутын 1959-тӥ арын суреданъя но графикая факультетэз усьтон понна трос лэсьтӥз[3]. Пединститутын потӥсь «Научные запискилэн» редакторез вал.
Институтэз Удмурт кун университетлы пӧрмытэмзы бере, 1972-тӥ—1978-тӥ аръёсы, огъя физикая кафедраын доцент луыса ужаз[3].
Тодосчи сямен Бабин эскериз андалэсь физической луонлыкъёссэ но термической обработкалэсь ӟечлыксэ чакланъя амалъёсты[4].
Калыкез дышетон удысысь отличник. Удмурт АССР-ысь Вылӥ Кенешлэн 4-тӥ—6-тӥ ӧтчамъёсысьтыз депутат (1956—1963)[3].
Данъетъёсыз
- РСФСР школаысь дано дышетӥсь;
- Калыкез дышетон удысысь отличник;
- Ленин нимо орден (1971);
- Ужысь Горд Знамя орден (1958);
- «Данъян пус» орден (1966);
- «За трудовую доблесть» но мукет медальёс[2].
Валэктонъёс
- ↑ Александров А. А., Шейман, Л. Е. Развитие науки в Удмуртии / Гусев В. Г.. — Ижевск: Удмуртия, 1977. — С. 155. — 397 с.
- ↑ 1 2 Бабин Михаил Павлович [ӟуч] ruspanteon.ru accessdate=22.09.2025.
- ↑ 1 2 3 Ректоры [ӟуч] 80let.udsu.ru. Эскеремын 22.09.2025 арын
- ↑ Развитие науки в Удмуртии / К. И. Куликов. — Ижевск: УИИЯЛ УрО РАН, 2005. — С. 383. — 542 с. — ISBN 5-7691-1649-8.
Литература
- Удмуртская Республика: энциклопедия / В. В. Туганаев. — Ижевск: Удмуртия, 2008. — С. 192. — 767 с. — ISBN 978-5-7659-0486-2.
- Петровский В. И. Призвание. — Ижевск: УдГУ, 1997. — 234 с.
Чӧлсконъёс
- Ректоры [ӟуч]
- 14-тӥ шуркынмонэ вордӥськемъёс
- 1909-тӥ арын вордӥськемъёс
- Ватка губерниын вордӥськемъёс
- 3-тӥ куартолэзе кулэмъёс
- 1978-тӥ арын кулэмъёс
- Ижкарын кулэмъёс
- Удмурт кун университетысь дышетӥсьёс
- Ленин орденлэн кавалеръёсыз
- Ужысь Горд Знамя нимо орденлэн кавалеръёсыз
- «Знак Почёта» орденлэн кавалеръёсыз
- «За трудовую доблесть» медален пусъемъёс
- РСФСР школаысь дано дышетӥсьёс
- РСФСР-ысь калыкез югдытон удысысь отличникъёс
- Тодосчиос алфавитъя
- Тодмо муртъёс алфавитъя
- Удмурт АССР-ысь Вылӥ Кенешлэн депутатъёсыз
- Ижысь вузъёслэн ректоръёссы