Загуляева, Валентина Александровна

Валентина Александровна Загуляева
Вордӥськем дырыз	2-тӥ куарусёнэ 1937({{padleft:1937|4|0}}-{{padleft:9|2|0}}-{{padleft:2|2|0}})
Вордӥськем интыез	Усо, Алнаш ёрос, Удмурт Автономной Советской Социалистической Республика, РСФСР, СССР
Кулэм дырыз	12-тӥ тулыспалэ 2025({{padleft:2025|4|0}}-{{padleft:2|2|0}}-{{padleft:12|2|0}}) (87 лет)
Кулэм интыез	Удмурт Элькун, Россия
Кунмуртлыкез	СССР  Россия
Ужудысэз	актёр, кырӟась
Ужан аръёсыз	1961 — 2015
Театр	Удмурт Элькунысь йӧскалык кун театр
Данъетъёсыз

Валентина Александровна Загуляева (2-тӥ куарусёнэ 1937, Усо, Удмурт Автономной Советской Социалистической Республика — 12-тӥ тулыспалэ 2025, Удмурт Элькун) — удмурт актриса. Удмурт АССР-ысь дано артистка (1970) но Удмурт АССР-ысь калык артистка (1987). Росси Федерациысь дано артистка (1997).

Улон сюресэз

Вордӥськиз 1937-тӥ арын 2-тӥ куарусёнэ Удмуртиысь Алнаш ёросысь Усо (ӟуч: Муважи) гуртысь крестьян семьяын. Атаез Быдӟым Атыкай ожын быриз. Пичиысен колхозын тыршиз. Ӟатча (ӟуч: Варзи-Ятчи) шор ёзо школаын дышетскиз. Удмурт пединститутэ пырыны медэ вал. Но экзаменъёссэ сётыны ӧз быгаты, озьы техучилищеын фрезеровщикъёсты дасянъя группаын дышетсконзэ азинтӥз. «Ижмаш» ДК-ысь драмая кружоке ветлӥз.

Училищеез йылпумъямез бере 1956-тӥ арын Ленинградысь А. Н. Островский нимо театральной институтэ пыриз. 1961-тӥ арын Ижкаре профессиональной артисткалэн дипломеныз берытскиз, Удмурт драмая театрын ужаны ӧдъяз.

Нырысетӥ дас арзэ В. Загуляева театрын ворекъяз, рольёссэ быгатыса быдэстэмез понна 1970-тӥ арын солы Удмурт АССР-ысь дано артистка ним сётӥзы. Озьы ке но пинал дырысеныз йыраз пырем кырӟась луон сярысь малпанэз Валентина Загуляевалы маза ӧз сёты. 1971-тӥ арын куарусёнэ со театрысь кошкиз но Удмурт радиолэн хорез борды итӥськиз. Со дыре ик Ижысь крезьгуръя училищелэн вокалъя ёзэтаз дышетскиз.

1984-тӥ арын толшоре Валентина Загуляева театре берытскиз. Актриса огкадь ӟеч быгатыса шудӥз секыт драмая рольёсты но, серекъятӥсь но лирикая рольёсты но. 1985-тӥ арын «Лысву сямен уг тӧлӟы синкыли» спектакльын Педоралэсь рользэ быдэстэмзэ УАССР-ысь Лулчеберетъя министерство арлэн тужгес усто роленыз лыдъяз.

Сцена вылын шудэм сяна, Загуляева чеберлыко киноосты удмурт кылэ гожтонэ пыриськиз.

2015-тӥ арын тазалыкез лябӟемен Удмурт театрысь кошкиз.

2025-тӥ арын 12-тӥ тулыспалэ 87 аресказ улонысь кошкиз.

Быръем спектакльёсыз но рольёсыз

1961—1971

• «Стряпуха» А. Софроновлэн — Наталья;
• «Тулыс зор» Е. Загребинлэн — Тоня;
• «Ленинградский проспект» И. Штоклэн — Вася;
• «Жингрес сӥзьыл» И. Гавриловлэн — Тимофеевна;
• «Тӧдьы юсь» Е. Загребинлэн — Онись;
• «Ӟардон азьын» (ӟуч: «На рассвете») О. Сандлерлэн — Петрик;
• «Васса Железнова» М. Горькийлэн — Наталья;
• «Пиштэ, но уг шунты» (ӟуч: «Светит, да не греет») А. Островскийлэн — Оля;
• «Ой, чебер нылъёс» С. Широбоковлэн — Соня;
• «Лыз зоръёс» (ӟуч: «Синие дожди») Ю. Петуховлэн — Серафима Ивановна;
• «Дуно салам» Л. Перевощиковлэн — Марфа.

1984—2015

• «Йыромен тури» А. Дударевлэн — Марья;
• «Лысву сямен уг тӧлӟы синкыли» А. Григорьевлэн — Педора;
• «Атас Гири» А. Григорьевлэн — Дарья;
• «Вунэтэм шундыберган» Н. Самсоновлэн — Окыльна;
• «Кезьыт ошмес» И. Гавриловлэн — Сьӧд Сандӥ.

Валэктонъёс

Литература

• Удмуртская Республика: Энциклопедия / В. В. Туганаев. — Ижевск: Удмуртия, 2008. — С. 324. — 768 с. — 2200 экз. — ISBN 978-5-7659-0486-2.
• Удмуртская Республика: Культура и искусство: Энциклопедия / А. Е. Загребин. — Ижевск: Удмуртский институт истории, языка и литературы УрО РАН, 2012. — С. 189. — 540 с. — 300 экз. — ISBN 978-5-901304-62-4.
• Христолюбова Л. С. Удмуртские женщины. XX век. — Ижевск: Удмуртский институт истории, языка и литературы УрО РАН, 2002. — С. 233—235. — 448 с. — 600 экз. — ISBN 5-7691-1149-6.
• Женщины Удмуртии. Портреты времени / А. А. Артамонов и др. — Ижевск: Спактр-Медиа, 2007. — С. 105. — 210 с. — 3000 экз.