Загребин, Алексей Егорович

Рувикиын таӵе фамилиен мукет муртъёс сярысь гожтосъёс вань. Учке: Загребин.

Загребин Алексей Егорович
Вордӥськем нуналыз	5-тӥ пӧсьтолэзе 1972(1972-07-05) (54 арес)
Вордӥськем интыез	Ижкар
Кунмуртлыкез	Россия Россия
Ужудысэз	Россиысь Кун Думалэн VII ӧтчамысьтыз депутат, тодосчи
Атаез	Загребин Егор Егорович
Медиафайлъёс РувикиМедиа пушкын

Алексе́й Его́рович Загре́бин (ворд. 5-тӥ пӧсьтолэзе 1972, Иж) — росси историк, этнолог, Россиысь Кун Думалэн VII ӧтчамысьтыз депутат, Россиысь «Единая Россия» партиысь фракциезлэн ёзчиез, Россиысь наукаосъя академилэн Урал ёзысьтыз Историяя, кылъя но литературая Удмурт институтысь дышетонъя но наукая комитетлэн ёзчиез, наукая кивалтӥсь. РАН-ысь профессор, Удмурт Элькунысь наука удысысь дано ужась. РАН-ысь Этнологияя но антропологияя институтлэн директорез.

Улон сюресэз

Алексей Егорович Загребин 1972-тӥ арын Ижкарын совето но росси писательлэн, прозаиклэн, драматурглэн, публицистлэн Егор Егорович Загребинлэн семьяяз вордӥськиз.

1994-тӥ арын Удмурт кун университетысь (УдГУ) историяя факультетсэ отличиен йылпумъяз но УдГУ-лэн аспирантураяз («этнография, этнология, антропология» специальность) пыриз. Университетын дышетскон висказ Ижысь 49 номеро шор ёзо школаын изобразительной искусство но история предметъёсты нуиз. Аспирантурае пыремез бере, стажёр дышетӥсь сямен УдГУ-лэн историяя факультетаз кутэмын вал, 1995-тӥ арысен — вашкала дуннелэн историезъя кафедраысь ассистент.

1997-тӥ арын история наукаосъя кандидат луон вылысь «Удмуртъёслэн этнографияя ужпумъёссы финн тодосчиослэн XIX—XX дауръёсысь эскеронъёсазы» темая диссертацизэ утӥз (наукая кивалтӥсез история наукаосъя доктор, профессор В. Е. Владыкин). Отӥяз УдГУ-ысь историяя факультетысь этнологияя но шаертодонъя кафедраын дышетӥсьлэсь ужзэ мытӥз (1997-тӥ—2004-тӥ аръёсы — ассистент, бадӟымез дышетӥсь, доцент). 1997-тӥ арысен 2003-тӥ арозь — УдГУ-ысь историяя факультетысь деканлэн социальной ужпумъёсъя воштӥсез.

2003-тӥ арын УдГУ-ысь Правоя, улон-вылонын кивалтонъя но кышкытлыклэсь утиськонъя институтэз «юриспруденция» специальностья йылпумъяз.

2004-тӥ—2005-тӥ аръёсы Удмуртиысь Дышетонъя но наукая министерствоын вылӥ профобразованиея секторын валтӥсь специалист луыса ужаз.

2005-тӥ арын Россиысь наукаосъя академилэн Урал ёзысьтыз Историяя, кылъя но литературая Удмурт институтэ (УИИЯЛ УрО РАН) этнологияя но социологияя ёзэтлы кивалтӥсе кутэмын. 2007-тӥ арысен — историяя эскеронъёсъя ёзэтэн кивалтӥсь луиз. 2008-тӥ арын Историяя, кылъя но литературая институтлы директоре быръемын.

2009-тӥ арын история наукаосъя доктор луон вылысь «XVIII—XX дауръёсы Россиысь финн-угор калыкъёсты этнография ласянь эскерон» темая диссертацизэ утӥз.

2010-тӥ арын — УдГУ-ысь Удмуртиысь этнология но история кафедраен кивалтӥсь, профессор.

2013-тӥ арын Историяя, кылъя но литературая институтлы директоре выль вакытлы быръемын.

2016-тӥ арын 29-тӥ тулыспалэ «Единая Россия» партилэн улосысь азьвыл ик быръёнъёс ортчытонъя оргкомитетэз Алексей Егорович Загребинэз одӥг мандатъем 33 номеро Удмурт округъя РФ-ысь Кун Думае кандидатэ регистрация пыр поттӥз. «Единая Россия» партилэн пуш партийной азьвыл ик радъям быръёнъёсын 2016-тӥ арын 22-тӥ куартолэзе А. Е. Загребин 45,36 % куара люказ.

2016-тӥ арын 18-тӥ куарусёнэ быръёнъёсын А. Е. Загребин Росси Федерациысь Кун Думалэн VII ӧтчамысьтыз 33 номеро Удмурт быръён округъя депутатэ быръемын вал, 43,47 % куараосты люказ.

2016-тӥ арын 18-тӥ куарусёнэ — Росси Федерациысь Кун Думалэн VII ӧтчамысьтыз депутат. Россиысь «Единая Россия» партилэн фракциысьтыз ёзчиез, дышетонъя но наукая комитетлэн ёзчиез.

2016-тӥ ар пумысен — Историяя, кылъя но литературая институтысь наукая кивалтӥсь.

Закон кылдытъян ужез

2016-тӥ арысен 2019-тӥ арозь, Росси Федерациысь Кун Думалэн VII ӧтчамысьтыз депутатлэсь ужзэ быдэсъятозяз, 59 федерал законлы проектъёслэн огез авторез луиз.

Наукая но дышетон ужез

А. Е. Загребинлэн наукая тунсыкъяськонэз XIX—XX дауръёсы финн-угор калыкъёслэн этнографизылэн историезлы, удмурт лулчеберетлэн выльдӥськемезлы, карысь этносоциологилы, этнографияя ужпумъёсты бусыын практика ласянь эскеронлы но теорилы сӥземын.

Стажировказэ Хельсинки университетысь этнологияя (1996) но фольклористикая (1999) кафедраосын ортчиз. Манчестер Метрополитэн университетысь прикладной мер эскеронъёсъя кафедра но Хельсинки университетысь мерлыко политикая кафедра бордын стажировкаос ортчиз (2003—2005).

Загребин А. Е.:

• Россиысь финн-угор калыкъёсты этнография ласянь эскеронлэсь кутсконъёссэ, теория но методология ласянь разработкаосты но визьлыко инъетъёссэ чаклаз;
• «Вакытъёс — малпанъёс — геройёс» концепция кылдытӥз, со пыр Россиысь финн-угор калыкъёслэсь этнографизылэсь наукая феномензэс учкиз;
• Россиысь финн-угроведенилэн этнография ласянь хронологиезъя ужпумъёсты сэрттӥз-пертчиз, финн-угроведенилэн историысьтыз валтӥсь ужпумъёссэ, темая сюжетъёссэ эскериз, тодонлыкез возьматонъя-вӧлмытонъя механизмъёсты но наукая сям-йылолъёсты выжыысь выжые сётонъя фактъёсын тодматӥз.

А. Е. Загребин Удмурт кун университетын 20 арлэсь кема ни дышетэ, ВПО-лэн вань уровеньёсаз пыриськыса. Ӧтем лектор сямен Венгриысь но Финляндиысь университетъёсын лекциос лыдӟылэ. Россиысь но мукет кунъёсысь наукая бадӟым форумъёсты радъянэ пыриськиз.

Алексей Егорович Загребин «Финн-угор эскеронъёсын ежегодник» журналэз кылдытонлы ӵектонэн потӥз, солэн наукая редакторез луэ, журнал али РФ-ысь ВАК-ен дэмлам изданиос пӧлы но RSCI платформае пыре. Наукая валтӥсь журналъёслэн редколлегизылэн ёзчиез луэ, РНФ-лэн, РГНФ-лэн эскеронъя проектъёсаз, РАН-лэн Президиумезлэн но УрО РАН-лэн УрО-езлэн валтӥсь эскеронъя программаосазы, TEMPUS, EAP-Arcadia, IRSES нимо программаосы пыриськиз. «Удмурт кун университет» ФГБОУ ВО бордын кылдытэм диссертацияя ДМ 212.275.01 кенешлэн ёзчиез луэ.

2013-тӥ арын РАН-лэн Урал ёзэзлэн Президиумезлэн ёзчиез, РАН-лэн УрО-езлэн гуманитария наукаосъя тодосчиослэн огазеям кенешсылэн тӧроезлэн воштӥсез но РАН-лэн Урал ёзысьтыз Удмурт наукая центрлэн Президиумезлэн тӧроезлэн воштӥсез луиз.

Мерлыко ужез

• 2012-тӥ арысен — Ижысь но Удмурт епархиысь святойёсты канонизировать каронъя комиссилэн ёзчиез;
• 2013-тӥ арысен 2016-тӥ арозь — Удмурт Элькунысь Общественной палаталэн ёзчиез;
• Удмурт Элькунысь Лулчеберетъя но туризмъя министерстволэн коллегиезлэн, Удмурт Элькунысь Правительство бордысь архив ужъёсъя комитетлэн коллегиезлэн ёзчиез;
• 2015-тӥ арын Удмурт Элькунлэн Тӧроез бордын ужась дышетонэз но наукаез азинтонъя мерлыко кенешлы секретаре но Россия Федерацилэн Президентэз бордын ужась йӧскалык кусыпъёсъя Кенешлэн Россиысь калыкъёслэсь лулчеберетсэс но кылзэс утёнъя но азинтонъя комиссилы ёзчие юнматэмын;
• Россиысь антропологъёслэн но этнологъёслэн ассоциацизылэн президентэз (2015—2017);
• «Удмуртиысь калыкъёслэн ассамблеязы» РОО-лэн тӧроез;
• Финн-угор конгрессъёсъя калыккуспо комитетлэн ёзчиез;
• Финн-угор обществолэн кунгож сьӧрысь дано ёзчиез (Финляндия);
• М. А. Кастрен нимо обществолэн кунгож сьӧрысь дано ёзчиез (Финляндия).

Валтӥсь ужъёсыз

Наукая, дышетонъя но методикая 200-лэсь ятыр публикациослэн авторзы, соос пӧлын: 2 монографиос, коллективен гожтэм 3 монографиос, дышетонъя но методикая 5 пособиос, Web of Science но Scopus сӧзнэтъёсын индекс сётэм наукая журналъёсын трос пумо статьяос.

Монографиосыз

• Загребин А. Е. Финны об удмуртах. Финские исследователи этнографии удмуртов XIX — первой половины XX в.. — Ижевск: УИИЯЛ УрО РАН, 1999. — 193 с.;
• Загребин А. Е. Финно-угорские этнографические исследования в России (XVIII — первая половина XIX в.). — Ижевск: УИИЯЛ УрО РАН, 2006. — 324 с.

РФ-ысь ВАК-ен дэмлам рецензия пыр потэм наукая журналъёсын публикациосыз

• Загребин А. Е. А. Шёгрен: в поисках финно-угорского Севера// Вестник Поморского университета. Серия: Гуманитарные и социальные науки. — 2006. — С. 97—101.;
• Загребин А. Е. Ф. И. Страленберг и В. Н. Татищев у истоков этнографического изучения финно-угорских (уральских) народов // Уральский исторический вестник № 13. — 2006.;
• Загребин А. Е. К проблеме этнической идентификации народов Среднего Поволжья и Приуралья в трудах ученых XVIII—XIX вв. // Известия Самарского научного центра РАН. Спец. выпуск «Актуальные проблемы истории, археологии, этнографии». — Ижевск, 2006. — С. 27—31.;
• Загребин А. Е. И. Г. Георги и первая сводная монография по этнографии народов России // Вопросы истории.№ 6. — Ижевск, 2007. — С. 155—159.;
• Загребин А. Е. Финно-угорские народы России в историографии XVIII — первой половины XIX в. // Отечественная история. № 5. — 2007. — С. 169—175.;
• Загребин А. Е., Шарапов В. Э. К истории «Пермской экспедиции» У. Т. Сирелиуса // Этнографическое обозрение.№ 1. — Ижевск, 2008. — С. 110—117.;
• Загребин А. Е., Иванов А. А. Анкеты 1920-х гг.: из документального наследия Вятского института краеведения // Отечественные архивы. № 4. — 2008. — С. 76—83.;
• Загребин А. Е. Этнографические материалы 1920—1930-х гг.: к проблеме источников по истории и культуре финно-угорских народов Среднего Поволжья и Приуралья // Известия Самарского научного центра РАН. — Ижевск, 2009. — С. 254—260.;
• Загребин А. Е., Шарапов В. Э. Новые материалы об экспедиции В. П. Налимова в Удмуртию (1926 г.) // Вестник Поморского университета. Серия: Гуманитарные и социальные науки. № 6. — 2010. — С. 10—14.;
• Загребин А. Е., Куликов К. И., Никитина Г. А. «В душе человека черта национальности коренится глубже всех прочих» // Наука. Общество. Человек. Вестник Уральского отделения РАН.№ 1. — 2011. — С. 51—61.;
• Загребин А. Е.,Шарапов В. Э. У. Т. Сирелиус и проблемы изучения культуры жизнеобеспечения финно-угорских народов России // Вестник Поморского университета. Серия: Гуманитарные и социальные науки. № 6. — 2011. — С. 22—28.;
• Загребин А. Е., Юрпалов А. Ю. Из истории этнографического музееведения: Ижевский музей местного края (1920-е гг.) // Вестник Поморского университета. Серия: Гуманитарные и социальные науки. № 10.. — 2011. — С. 4—9.;
• Жеребцов И. Л., Загребин А. Е., Шарапов А. Ю., Юрпалов А. Ю. Этнографический музей и идентичность: к предыстории формирования музейных коллекций пермских народов (коми и удмуртов) // Известия Коми научного центра УрО РАН. Вып. 1 (9). — 2012. — С. 78—82.;
• Загребин А. Е. Казань: общественные инициативы и этнография удмуртов в первые советские десятилетия // Ученые записки Казанского университета.Т. 154. Кн. 3. Серия: Гуманитарные науки.. — 2012. — С. 69—75.;
• Загребин А. Е., Чураков В. С. Вклад М. Т. Маркелова в изучение этнографии удмуртов // Вестник НИИ гуманитарных наук при Правительстве Республики Мордовия. № 3.. — 2012. — С. 133—139.;
• Загребин А. Е. Гуманитарный институт в национальном регионе: между этносом и кратосом // Научный ежегодник Института философии и права УрО РАН.Вып. 12.. — 2012. — С. 398—402.;
• Загребин А. Е. История и историки в России: диалоги с прошлым и настоящим // Наука. Общество. Человек. Вестник Уральского отделения РАН.№ 1 (43). — 2013. — С. 19—23. ;
• Загребин А. Е. Уральское измерение финно-угорской этнографии // Уральский исторический вестник. № 2 (39). — 2013. — С. 16—24.;
• Загребин А. Е. У. Т. Сирелиус и финно-угорская этнография // Уральский исторический вестник. — 2013. — №  4 (41). — С. 145—153.;
• Загребин А. Е. Удмуртский институт истории, языка и литературы УрО РАН // // Вестник Пермского научного центра 11—12. — 2013. — №  4. — С. 85—96.

Россиысь рецензия пыр потэм мукет наукая журналъёсын публикациосыз

• Загребин А. Е. Интеллектуальные основы финно-угорских исследований в эпоху Просвещения // Вестник Удмуртского университета. Серия 5: История и филология. Вып. 7. — 2005. — С. 39—54.;
• Загребин А. Е. Просветительство и национальный романтизм как две модели развития финно-угорской этнографии в России // Вестник Санкт-Петербургского университета. Сер. 2. Вып. 4]. — 2007. — С. 231—239.;
• Загребин А. Е. Интеллектуальные основы финно-угорских исследований в эпоху Позитивизма // Вестник Удмуртского университета. Серия 5: История и филология. Вып. 2. — 2009. — С. 58—70.;
• Загребин А. Е., Иванов А. А. Штрихи к истории крестьянства Урало-Поволжья в первое пореволюционное десятилетие (По новым источникам из НОА УИИЯЛ УрО РАН) // Вестник Удмуртского университета. Серия 5: История и филология. Вып. 1. — 2010. — 46—56 с.;
• Загребин А. Е. Этнографический текст и просветительский проект: авторские интерпретации // Ежегодник финно-угорских исследований. № 3. — 2010. — С. 85—94.;
• Загребин А. Е. О языке этнографических текстов второй половины XVIII века (на примере описания финно-угорских народов России И. Г. Георги) // Ежегодник финно-угорских исследований. № 3. — 2011. — 62—75 с.;
• Загребин А. Е. Слово об учителе (К 70-летию Владимира Емельяновича Владыкина) // Ежегодник финно-угорских исследований. № 1. — 2013. — С. 7—8.

Кунгож сьӧрысь журналъёсын но статьяосын бичетъёсын публикациосыз

• Zagrebin A. Reason against feelings, or the first pages in the history of Udmurt studies // Urálisztikai Tanulmányok. Vol. 14. — 2004. — С. 458—463.;
• Загребин А. Е. Г. Ф. Миллер и его «Описание трех языческих народов в Казанской губернии» // Hamburger Sibirische und Finno-Ugrische Materialien. Bd. 3. — 2005. — С. 92—104. ;
• Zagrebin A. Die Position des Autors in der «Nachricht von den Tscheremisien, Tschuwaschen und Wotiacken» // Hamburger Sibirische und Finno-Ugrische Materialien. Bd. 3. — 2005. — С. 105—110. ;
• Zagrebin A. Казань как центр финно-угорской этнографии // Studia Slavica Finlandensia. Tom. 22. — 2005. — С. 96—117. ;
• Zagrebin A. Some aspects of modernization in Udmurt rural society // Journal de la Société Finno-Ougrienne. Vol. 91.. — 2006. — С. 139—146.;
• Zagrebin A. The Scientist and Authority in the History of Finno-Ugric Research in Russia // Journal of Ethnology and Folkloristic. Vol. 1. № 1.. — 2007. — С. 63—73. ;
• Zagrebin A. Вклад иностранных ученых в изучение пермских народов // Nyelvtudományi közlemények. Kt. 106. Ol.. — 2009. — С. 352—361.;
• Zagrebin A. Some aspects of modernization in Finno-Ugric local societies in Russia // Congressus XI Internationalis Fenno-Ugristaum. Pars IX. Opening and Closing of the Congress Comments on Plenary Papers. Piliscsaba. — 2011. — С. 92—95.;
• Загребин А. Е., Куликов К. И. Советское финно-угроведение 1920-х — начала 1930-х гг.: первые действия и противодействия // Проникновение и применение дискурса национального в России и СССР в конце XVIII — первой половине XX вв. / Ред. И. Яатс, Э. Таммиксаар. — Тарту, 2011. — С. 149—163.;
• Zagrebin A. The Ethnography of Udmurts and Finno-Ugric Ethnology // Obi-ugor és szamojéd kutátasok, magyar őstörténet. Hajdú Péter és Schmidt Éva emlékkonferecia.. — Pécs, 2013. — С. 272—281.;

Ужкагазъёсъя бичетъёсыз

• Загребин А. Е. Революция для всех. Анкеты Вятского научно-исследовательского института краеведения «Влияние революции на быт нацмен» (1924—1927 гг.) / А. Е. Загребина, А. А. Иванова. — Ижевск-Йошкар-Ола: УИИЯЛ УрО РАН; МарГУ, 2008. — 500 с.

Дышетонъя но методикая пособиосыз

• Загребин А. Е. Полевая этнография: история — теория — практика. — Ижевск: УдГУ, 2003. — 105 с.;
• Загребин А. Е., Черниенко Д. А. Ученые-краеведы Удмуртии. Историко-биографические очерки. — Ижевск: ИПК и ПРО УР, 2007. — 138 с.

Данъетъёсыз

• Удмурт Элькунысь Кун Кенешлэн грамотаез;
• Удмурт Элькунлэн Тӧроезлэн Таукаронэз;
• РАН-лэн Урал ёзэзлэн Данъян грамотаез;
• Удмурт Элькунысь Кун Премилэн лауреатэз;
• «РАН-ысь профессор» дано ним;
• Венгрилэн данъянъя зарни киросэз.

Валэктонъёс

Чӧлсконъёс

• Загребин Алексей Егорович [рус.], udnii.ru. Эскеремын: 24 пӧсьтолэзе 2025 арын.
• Загребин Алексей Егорович [рус.], udmurt.er.ru. Эскеремын: 24 пӧсьтолэзе 2025 арын.
• Загребин Алексей Егорович [рус.], elibrary.ru. Эскеремын: 24 пӧсьтолэзе 2025 арын.