29-тӥ тулыспалэ

29-тӥ тулыспалэ — Григориан дырпусъя — касьян арлэн 60-тӥ нуналыз. Ар пумозь 306 нунал кылемын. 29-тӥ тулыспал ньыль арлы одӥг пол усе.

← → Тулыспал
Вн Пкс Вирн Па УдмА Кӧсн Ан             1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28
2026-тӥ ар

Нунал тодметъёс

• Касьян нунал (Κacьян Βиcοкοc) шуо та нуналэз. Кытчы гинэ, пе, уг учкы Касьян, ваньмыз шуяса быре. Та нуналэ уг лэзё кузпалъяськыны но улон интыез воштыны. Та уе вӧтам вӧтъёс зэмало шуо.

• Туннэ бус вӧлскиз яке лымы усиз ке — ар емышо но ю-нянё луоз.

Нимнуналзэс пусъё

• Иван, Касьян.

Праздникъёс но буре ваён нуналъёс

• Шер висёнъёсын черламъёслэн калыккуспо нуналзы.
• Европаын кузпалъяськымтэослэсь нуналзэс пусъё.

Луэм учыръёс

Удмуртиын

• 1964 — УАССР-ысь Вылӥ Кенешлэн Президиумезлэн пуктэмезъя выльысь кылдытэмын Яр ёрос.

Россиын но дуннеын

• 1288 — Шотландиын нылкышнолэн воргоронлы кузпалъяськон сярысь мылкыдзэ вераны луонлыкез кылдӥз.
• 1696 — Пётр I Азов походэ мыныны чаклам нырысетӥ корабльёсты лэсьтонэн кивалтон понна Воронеже вуиз.
• 1720 — швед королева Ульрика Элеонора престолэзлэсь куштӥськиз, кузпалызлы — Фридрих Гессен-Кассельский ландграфлы сётон понна.
• 1836 — Гранд-операын нырысьсэ пуктэмын Мейерберлэн «Гугеноты» операез.
• 1880 — Альпы гурезь пыр потӥсь Готард чугун сюрес тоннелез лэсьтон йылпумъямын. Со Италиез Швейцариен герӟа.
• 1888 — американ инженер Герман Холлерит табулятор — нырысетӥ лыдъяськон машинкаез кылдытӥз.
• 1932 — усьтэмын Би-би-си — Великобританилэн калыккуспо вераськон службаез.
• 1940 — Хэтти Макдэниел сьӧд куо калык пӧлысь нырысетӥез «Оскар» кинопремиез басьтӥз.
• 1952 — фигурист Дик Баттон витетсэ дуннелэн чемпионэз луиз.
• 1960 — Агадирын луэм музъем зурканын 12 сюрслэсь трос Мароккоын улӥсьёс бырыны шедизы.
• 1988 — Лымшор Африкаын апартеидлы пумит вить нуналъем демонстрация мыныку ӝегатэмын архиепископ Десмонд Туту.
• 1996 — Сараевоез 1395 нунал ӵоже котыртыса возён йылпумъяськиз, XX даурысь тужгес но кема кыстӥськисез осада.
• 2020 — Москваын усьтӥськиз Европаысь тужгес бадӟымез липет улын интыяськем шулдыръяськон парк — «Остров мечты».

Вордскизы

• 1792 — Джоаккино Россини, тодмо итальян крезьгурчи.
• 1924 — Владимир Крючков, генерал, СССР-ысь КГБ-лэн кивалтӥсез (1988—1991), ГКЧП-лэн ёзчиез.
• 1944 — Александр Мороз, украин политик, Украинаысь социалистической партилэн дано тӧроез.

Кулӥзы

• 1944 — Пер Эвинд Свинхувуд, Финляндилэн президентэз (1931—1937).
• 2008 — Виталий Федорчук, СССР-ысь КГБ-лэн тӧроез (1982), СССР-ысь кунпуш ужъёсъя министр (1982—1986), генерал.
• 2020 — Андре́й Гео́ргиевич Веде́рников, Ижысь велогонщик; велоспортъя дуннелэн нырысетӥ советской чемпионэз, (1981), СССР-ысь Спортъя Сӥё-дано мастер.