Усо

Усо
	Гурт
Усо
	56°02′40″ с. ш. 52°42′03″ в. д.GЯO
Кун	Россия;
Улӥсез
Улӥсез	▲722 мурт (2021);
Цифровой идентификаторъёс
Телефон кодэз	34150
Почта индекс	427887
Возьматоно/ватоно картаосты
	Усо

Усо — Удмурт Элькунысь Алнаш ёросысь гурт, пыре Усо интывыл ёзэтэ.

Интыяськемез

Интыяськемын 21 иськемын Алнашлэсь но 95 иськемын Ижкарлэсь, Усо шурлэн бур ярдураз.

Историез

1859-тӥ арын ортчем дасэтӥ ревизиялэн йылпумъянъёсызъя, Ватка губерниысь Алабго утемысь Усо-Омга казённой гуртын 7 азбарын 16 пиосмуртъёс но 17 нылкышноос улӥзы^[2].

1882-тӥ арын Голюшурма гуртысь Вознесенской черклэн приходэз усьтӥськиз, со борды гожтӥзы кӧня ке гуртъёсыз, соос пӧлын Усо-Омга (Муважи) но вал^[3].

1921-тӥ арын, Вотской автономной улос кылдэмен валче, гурт Можга утеме сётэмын. 1924-тӥ арын, сельсоветъёс бадӟымамен, Алнаш волостьысь Усо сельсоветэ 12 гурт пыриз. 1929-тӥ арын утемъёс но волостьёс быдтэмын, соин валче Усо гурт Алнаш ёросэ пыриз^[4].

1929-тӥ арын Совето Союзын коллективизация кутскиз. 1930-тӥ арын толсуре гуртын «Выль Кужым» сельхозартель (колхоз) кылдытэмын. 1950-тӥ арын сельхозартельёсты огазеялляло, кӧня ке бускель гуртъёсысь колхозъёс «Красный Октябрь» колхозэ пырыны кутскизы, кивалтонэз Усо гуртэ интыямын вал. 1963-тӥ арын колхозлэн нимыз «Кама» луиз.

1972-тӥ арын Усо сельсовет Кузёбай сельсовет нимаськыны кутскиз, кивалтонэз Кузёбай гуртэ выжтэмын^[4].

Усо сельсовет выльысь кылдытэмын Удмурт Элькунысь Кун Кенешлэн 2004-тӥ арын 26-тӥ оштолэзе кутэм пуктэтэзъя, Кузёбай сельсоветлэсь висъямын. 2004-тӥ арын 16-тӥ шуркынмонэ Усо сельсовет Усо муниципал кылдытэт луиз. 2025-тӥ арлы ивортодэтъя, муниципал кылдытэт Усо интывыл ёзэтлы пӧрмытэмын.

Улӥсьёс

2008-тӥ арын 1-тӥ толшоре гуртын 454 адями лыдъяськиз.

Мерлыко удыс

Усо шор ёзо школа — 2008-тӥ арын 129 дышетскисез вал.

Усо нылпи сад

Тодмо муртъёс

Николай Васильевич Васильев (1933—1983) — удмурт гожъяськись, журналист. Туала гурт улон сярысь кылбур бичетъёслэн, веросъёсын но повестьёсын бичетъёслэн авторзы.
Загуляева Валентина Александровна (1937—2025) — удмурт актриса. Удмурт АССР-ысь дано артистка (1970) но Удмурт АССР-ысь калык артистка (1987). Росси Федерациысь дано артистка (1997).
Сперанских Григорий Степанович — суредась.

Валэктонъёс

↑ https://rosstat.gov.ru/storage/mediabank/Tom1_tab-5_VPN-2020.xlsx
↑ Списки населенных мест Российской империи. Список населенных мест по сведениям 1859—1873 годов. — Т. X Вятская губерния. — С. 191.
↑ Составители: И. Н. Зайцева, Г. И. Самарцева. Православные храмы Удмуртии: Справочник-указатель / Науч. ред. А. А. Тронин. — Ижевск: Удмуртия, 2000. — С. 97-98, 324. — 480 с. — 1100 экз. — ISBN 5-7659-0011-9.
↑ ¹ ² Справочник по административно-территориальному делению Удмуртии. 1917—1991 гг. / Составители: О. М. Безносова, С. Т. Дерендяева, А. А. Королёва. — Ижевск: Удмуртия, 1995. — С. 119-120. — 744 с. — 2000 экз. — ISBN 5-7659-0425-4.

[_a52c0e625b0def47-1] ttps://rosstat.gov.ru/storage/mediabank/Tom1_tab-5_VPN-2020.xlsx

[2] Списки населенных мест Российской империи. Список населенных мест по сведениям 1859—1873 годов. — Т. X Вятская губерния. — С. 191.

[3] Составители: И. Н. Зайцева, Г. И. Самарцева. Православные храмы Удмуртии: Справочник-указатель / Науч. ред. А. А. Тронин. — Ижевск: Удмуртия, 2000. — С. 97-98, 324. — 480 с. — 1100 экз. — ISBN 5-7659-0011-9.

[:0-4] ¹ ² Справочник по административно-территориальному делению Удмуртии. 1917—1991 гг. / Составители: О. М. Безносова, С. Т. Дерендяева, А. А. Королёва. — Ижевск: Удмуртия, 1995. — С. 119-120. — 744 с. — 2000 экз. — ISBN 5-7659-0425-4.

[1]

[2]

[3]

[4]