Аветисян, Владимир Арташесович

Владимир Арташесович Аветисян
Владимир Арташесович Аветисян
Вордӥськем дырыз	5-тӥ толсуре 1946 (79 арес)
Вордӥськем интыез	Саратов, СССР
Кун	СССР; Россия
Тодос удысэз	литературоведение
Учёной степенез	филологи тодосъёсъя доктор
Учёной званиез	профессор
Тодмо луэ	Гётелэн творчествоезъя ӧнерчи

Владимир Арташесович Аветисян (ворд. 5-тӥ толсуре 1946) — совето вакытысь но Россиысь тодосчи-литературовед, педагог. Кылосбур тодосъёсъя доктор (1987), профессор (1989). Удмурт Элькунысь тодос удысысь дано ужась (2003), Росси Федерациысь вылӥ тодон-валан сётон удысысь дано ужась (2007)^[1]. Иоганн Гётелэн творчествоезъя одӥгез тужгес бадӟымез ӧнерчи ^[2].

Улон сюресэз

Вордӥськиз 1946-тӥ арын 5-тӥ толсуре Саратовын огшоры ужась семьяын. 1970-тӥ арын Москваысь М. В. Ломоносов нимо кун университетысь романо-германской ёзэтсэ йылпумъяз. Собере армие мынӥз; службзэ ГДР-ын ортчытӥз, Совето Войскоослэн Группаязы^[ru] военной переводчик вал^[3].

1974-тӥ арын Удмурт кун университетын кунгожсьӧр литературая кафедраын ассистент луыса ужаны кутскиз. 1975-тӥ арын МГУ-ысь целевой аспирантураын тодон-валанзэ муромытӥз, 1978-тӥ арын сое азинлыко йылпумъяз, «Поздняя лирика Гёте» темая кандидатской диссертацизэ утиз. 1979-тӥ арысен Удмурт кун университетысь кунгожсьӧр литературая кафедраын старшой преподаватель луыса тыршиз, 1980-тӥ арын оштолэзьысен — кафедраен кивалтӥсьлэсь ужзэ быдэсъяз, 1981-тӥ арын коньывуон толэзе кафедраен кивалтӥсе юнматэмын . 1987-тӥ арын, филологи тодосъёсъя доктор луон вылысь, «Гёте и проблема мировой литературы» темая диссертацизэ утиз. 1989-тӥ арын профессор ним басьтӥз^[4].

УдГУ-ысь кунгожсьӧр литературая кафедраен 23 ар ӵоже кивалтӥз, со вакыт тодос эскеронъёслэн ӧрзы шӧдскымон паськытаз, мыло-кыдо азинскыны кутскиз одӥгез тужгес перспективной удыс — «Дуннеысь литературалэн азинскон радлыкез»; кафедра Гётелэсь ужъёссэ эскеронъя калыккуспо тодос центрлы пӧрмиз^[5]

Кык диссертаци кенешлэн ёзчиез — УдГУ-ысь филологияя ёзэтлэн но Россиысь Тодосъёсъя академилэн Урал ёзэтысьтыз Историяя, кылъя но литературая Удмурт институтлэн^[ru] ёзчиез, озьы ик кӧня ке кунгожсьӧр но калыккуспо тодос огазеяськонъёслэн ёзчизы луэ:

Россиысь но калыккуспо Гётелы сӥзем дэменлык,
Россиысь XVIII даурысь лулчеберетэз эскеронъя дэменлык,
XVIII даурысь лулчеберетэз эскеронъя калыккуспо дэменлык,
Германистъёслэн калыккуспо огазеяськонзы,
Сравнительной литературая калыккуспо федерация,
Гердер нимо калыккуспо дэменлык .

Удмурт Элькунысь Гётелы сӥзем дэменлыклэн кылдытӥсез но вошъясьскисьтэм кивалтӥсез но Веймар карысь Гёте нимо калыккуспо дэменлыклэн кема аръёс ӵоже ужась ёзчиез луэ.

Быръем ужъёсыз

Гёте и проблема мировой литературы. / В. А. Аветисян. — Саратов : Издательство Саратовского университета, 1988.
Гёте и Данте : учебное пособие. / В. А. Аветисян ; Удмуртский государственный университет. — Ижевск : Издательство Удмуртского университета, 1998.
Последние литературные собеседники Пушкина (еще раз о проблеме «Пушкин-Гёте»). / В. А. Аветисян. — Москва ; Ижевск : Регулярная и хаотическая динамика, 2009.

Литература

Аветисян Владимир Арташесович // Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — С. 168. — 768 с. — 2200 экз. — ISBN 978-5-7659-0486-2.
Аветисян Владимир Арташесович // Удмуртская Республика : Культура и искусство : Энциклопедия / гл. ред. А. Е. Загребин. — Ижевск : Удмуртский институт истории, языка и литературы УрО РАН, 2012. — С. 10. — 540 с. — 300 экз. — ISBN 978-5-901304-62-4.
Аветисян Владимир Арташесович : к 60-летию со дня рождения : биобиблиогр. указ. / сост.: С. Л. Попова, И. В. Никитина ; Удмурт. гос. ун-т, Науч. б-ка ; комп. верстка И. В. Никитиной. — Ижевск, 2006. — 24 с. — (Сер. Биобиблиография ученых УдГУ).

[_7ddfbb14c8e3a3e3-1] Загребин, 2012, с. 10.

[_378d95d8b99cd655-2] Туганаев, 2008, с. 168.

[_55bbd22285cc807d-3] Попова, Никитина, 2006, с. 3.

[_4bbebc3920cf110f-4] Попова, Никитина, 2006, с. 3—4.

[_55bbd22285cc807a-5] Попова, Никитина, 2006, с. 4.

[1]

[2]

[3]

[4]

[5]