Ковальчук, Дмитрий Андреевич

Дмитрий Андреевич Ковальчук
Вордӥськем дырыз	1-тӥ инвожое 1919(1919-06-01)
Вордӥськем интыез	Кидрасовка черкогурт, Бершадь ёрос, Винница улос
Кулэм дырыз	30-тӥ оштолэзе 1958(1958-04-30) (38 арес)
Кулэм интыез	Норильск
Кунмуртлыкез	СССР СССР
Кыӵе войскоез	пехота
Служить карон аръёсыз	1940—1946
Званиез
Ожмаськонъёс/ожъёс	Быдӟым Атыкай ож
Данъетъёсыз

Дмитрий Андреевич Ковальчук (1-тӥ инвожое 1919 — 30-тӥ оштолэзе 1958) — Совето Армиысь капитан, Быдӟым Атыкай оже пыриськем мурт, Совето Союзлэн Героез (1945).

Улон сюресэз

Дмитрий Ковальчук вордӥськиз 1919-тӥ арын 1-тӥ инвожое Кидрасовка черкуртын (Украинаысь Винница улос Бершад ёрос). Школаын сизьым класс дышетскемез бере колхозын ужаз. 1939-тӥ арысен Ижкарын улӥз,«Ижсталь» заводын грузчик луыса ужаз. 1940-тӥ арын Ковальчукез Горд Армие басьтӥзы. 1941-тӥ арын шуркынмон толэзьысен Быдӟым тыложлэн фронтъёсаз шедиз. Калинин, Уйпал Кавказ, 1-тӥ но 2-тӥ Украин фронтъёсын ожъёсы пыриськиз, куинь пол сӧсырмыны шедиз.

1944-тӥ арын толсурозь капитан Дмитрий Ковальчук 2-тӥ Украин фронтысь 46-тӥ армилэн 316-тӥ стрелковой дивизилэн 2077-тӥ стрелковой полклэн батальонэзлэн строевой люкетъя командирлэн воштӥсез вал ини. Венгриез мозмытыку, сэзь ожмаськеменыз висъяськиз. 1944-тӥ арын 4-тӥысь 5-тӥ толсуре выжон уе Ковальчук азьмынӥсь отрядэн ӵош Будапештлэсь 12 иськеме лымшор пала интыяськем Тёкёль улон инты котырын Дунай шурез выжиз но плацдармез киултон оже пыриськиз. Уй-нунал ӵоже Ковальчук, ручной пулемётысь ыбылыса, 16 тушмон контратакосты пазьгиз. Мукет нуналаз секыт сӧсырмыны шедиз.

СССР-ысь Вылӥ Кенешлэн Президиумезлэн 1945-тӥ арын 24-тӥ южтолэзе гожтэм Косэтэзъя «командованилэсь боевой заданиоссэ ӟеч быдэсъямез но геройлыко ожмаськемез понна» капитан Дмитрий Ковальчук Совето Союзлэн Героез дано нимын пусъемын, соин валче, солы Ленин орден но «Зарни Кизили» (4878-тӥ номер) медаль сётэмын.

1946-тӥ арын Ковальчук запасэ лэземын. Улӥз но ужаз Норильскын. Дырызлэсь вазь улонысь кошкиз 1958-тӥ арын 30-тӥ оштолэзе, ватэмын Норильскысь Голиково шайвылын.

Озьы ик пусъемын Александр Невскийлэн но Горд Кизилилэн орденъёсыныз но мукет медальёсын.

Ковальчуклэн нимыныз сётэмын вордӥськем черкогуртысьтыз одӥгезлы ульчалы.

Валэктонъёс

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• ГСС, ГРФ, ПКОС — наши земляки. — Ижевск, 1995.
• Кулемин И. Г. Героев наших имена. Ижевск, 1975.