Фонарёв, Иван Петрович

Иван Петрович Фонарёв
Пичиятэм тусэз кылдытонын янгыш: Пичиятэм тусэз кулэ интые сакланы ӧз луы.
Вордӥськем дырыз	29-тӥ толсуре 1918(1918-12-29)
Вордӥськем интыез	Кварса, Сарапул утем, Ватка губерния, РСФСР, СССР
Кулэм дырыз	19-тӥ куарусёнэ 1973(1973-09-19) (54 арес)
Кулэм интыез	Минск, Белорус ССР, СССР
Кунмуртлыкез	СССР СССР
Кыӵе войскоез	авиация
Служить карон аръёсыз	1939—1958
Званиез	подполковник
Частез	74-тӥ гвардейской штурмовой авиацияя полк
Ожмаськонъёс/ожъёс	Быдӟым Атыкай ож
Данъетъёсыз
отставкаын	1958-тӥ арысен
Медиафайлъёс РувикиМедиа пушкын

Иван Петрович Фонарёв — Быдӟым Атыкай оже пыриськем мурт, 74-тӥ гвардейской штурмовой авиацияя полкысь авиацияя звенолэн командирез, гвардиысь старшой лейтенант (данъян вакытэ). Совето Союзысь Герой (1945).

Улон сюресэз

Вордӥськиз 1918-тӥ арын 29-тӥ толсуре Кварса гуртын (али Удмуртиысь Воткинск ёросэ пыре) ӟуч крестьян семьяын. Йылпумъяз ФЗУ школаез (завод-фабрика бордысь школа).

Горд армиын 1939-тӥ арысен. 1942-тӥ арын Молотов ожгар авиацияя школаез йылпумъяз. Быдӟым Атыкай ожын 1942-тӥ арын шуркынмонысен. 1943-тӥ арысен коммунистической партилэн ёзчиез.

3-тӥ Белорус фронтысь 74-тӥ гвардейской штурмовой авиацияя полклэн авиацияя частезлэн командирез, гвардиысь старшой лейтенант Иван Фонарёв 1945-тӥ арын куартолэзёзь «Ил-2» штурмовой самолётэн 346 ожгар заданиосы лобаз, тушмонлы бадӟым ыштонъёс вайыса.

Кылсярысь, «Багратион» операция дыръя (1944-тӥ арын 23-тӥ инвожоысен 29-тӥ гудырикошконозь) лётчик-штурмовик Иван Фонарёв Витебск улосысь Коханово посёлок дорын Оршица шур вамен потӥсь тушмон частьёсыз ыбылӥз.

СССР-ысь Вылӥ Кенешлэн президиумезлэн 1945-тӥ арын 29-тӥ инвожое поттэм косэтэзъя ожгар заданиосыз ӟечлыко быдэстэмез но ассэ сэзь но геройлыко воземез понна гвардиысь старшой лейтенант Иван Петрович Фонарёв Ленин орденэн, «Зарни Кизили» (№ 6334) медален но Совето Союзысь Герой нимын пусъемын.

Ож бере Иван Петрович Фонарёв омыр войскоосын службазэ азинтӥз. Ожгар омыр академиез йылпумъяз. 1958-тӥ арын подполковник И. П. Фонарёв запасэ потӥз.

Улӥз Белоруссилэн шоркараз, Минск герой карын. Ужаз Минскысь трактор поттон заводын. Улонысь кошкиз 1973-тӥ арын 19-тӥ куарусёнэ. Ватэмын Минскысь Восточной шайвылын (26 номеро участок).

Данъетъёсыз

Пусъемын орденъёсын: Ленин, кык Горд Знамя, Александр Невскойлэн, Отечественной ожлэн I но II степенё, Горд Кизили; медальёсын.

И. Фонарёвлэн нимыз Ижысь Ялан ӝуась тыл дорысь буре ваён стела вылэ пусъемын

Буре ваён

Иван Фонарёвлэсь нимзэ чакламын Кварсаысь огезлы урамлы сётыны. Озьы ик со гожтэмын Ижысь Ялан ӝуась тыл дорысь буре ваён стела вылэ.

Валэктонъёс

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
• Дриго С. В. За подвигом — подвиг. Калининградское кн. изд., 1984.
• Кулёмин И. Г. Героев наших имена. Ижевск, 1975.
• Кулёмин И. Г. и др. Герои Советского Союза — наши земляки. Устинов, 1985.

Чӧлсконъёс

• Иван Петрович Фонарёв [ӟуч] «Герои страны» сайт.