23-тӥ инвожо — Григориан дырпусъя — арлэн 174-тӥ нуналыз (касьян аре — 175-тӥез). Ар пумозь 191 нунал кылемын
☀️ Ижкарын Шунды 3 час 31 минутэ ӝужа, пуксе 21 час 22 минутэ. Югыт нуналлэн кыстӥськемез 🕒 17 час 50 минут.
🌓 Нырысетӥ ньыльмосэз (будэмез 7.90 нунал).
Нунал тодметъёс
- Тимофей нунал (ӟуч: Тимофеев день) яке Ишан нунал (ӟуч: День призраков). Та нуналэ, пе, пӧртэм паймымон пусъёс син азе йӧто, тросэз соос пӧлысь ишан, уродзэ шӧдтытӥсь пусъёс луо[1]. Соин ик та нуналэ огнын улэмлэсь ало.
- Шулдыр куазен кузьылиос вадскемын ке — ӝоген куазь воштӥськоз, зороз.
Нимнуналзэс пусъё
- Александр, Антонина, Василий, Иван, Тимофей, Феофан.
Праздникъёс но буре ваён нуналъёс
— Калыккуспо Олимпи нунал;- ООН
ООН — ООН-лэн нуналыз;
— Пал кышноослэн калыккуспо нуналзы (International Widows Day);- Нылкышно-инженеръёслэн нуналзы (International Women in Engineering Dаy).
Йӧскалык праздникъёс
Тумошо праздникъёс
- Печатлан машинкалэн кылдон нуналыз.
Луэм учыръёс
Удмуртиын
- 1929 — Ижкарын инъямын водопровод.
- 1941 — Сарапулысь 3-тӥ номеро шоръёзо школаын 6-тӥ классын дышетскись Нелли Замятина Удмуртиысь нырысетӥзэ тимур командаез кылдытӥз.
- 1988 — Россиысь сӧсыръёслэн дэменлыксылэн Удмурт Элькун ёзэтэз кылдытэмын.
Россиын но дуннеын
- 1710 — кык толэзь ӵоже ожмаськемез бере, ӟуч армия Выборгез басьтӥз.
- 1724 — Росси империя но Турция Константинопольын тупанкыл гожтӥзы, кудӥзъя, Россилы кылиз Каспи ярдур, Турцилы — Тифлис но Эривань.
- 1771 — Испаниын коррида дыръя бырыны шедиз нырысетӥез матадор — Хосе Кандидо Экспозито (José Cándido Expósito).
- 1803 — Роберт Фултон Сена шурын нырысетӥ паровой судноез возьматӥз.
- 1846 — Адольф Сакс саксофонлы патент басьтӥз.
- 1868 — Висконсинысь Кристофер Лэтем Шоулз печатлан машинка кылдытӥз. Нырысь-валысь со ӝӧк быдӟа вылэм, клавиатураез — рояль выллем, печатлаз бадӟым букваосын гинэ, нош печатлаку текстэз адӟыны уг луы вал, малы ке шуоно, кагазъёсыз планшет улын кыллизы.
- 1894 — Парижын, Пьер де Кубертен кичӧлтэмъя, Калыккуспо олимпи комитет кылдытэмын.
- 1925 — СССР-ынЛенинской премиос кылдытэмын.
- 1934 — Кремльын данъязы Совето Союзлэсь нырысетӥ геройёссэ. Ленин нимо Орденэз но Совето Союзысь Герой нырысетӥ грамотаез басьтӥз лётчик Анатолий Ляпидевский. Со сяна, таӵе ик данъетъёсын пусъемын Василий Молоков, Николай Каманин, Сигизмунд Леваневский, Михаил Водопьянов но мукетъёс.
- 1941 — СССР-ысь Ожтӥрлыко Кужымъёсын Валтӥсь Командованилэн Ставкаез кылдытэмын.
- 1944 — Быдӟым Атыкай ож: кутскемын "Багратион" нимо операция. Соин валче мозмытэмын Белоруссия, Литвалэн бадӟым люкетэз но шундыӝужанпал Польша.
- 1956 — Египетлы президентэ быръемын Гамаль Абдель Насер.
- 1957 — Петропавловской крепостьын выльысь тупатэмын нуназе шорез ыбыса пусъён сям.
- 1993 — Лозаннаын МОК-лэн тӧроезлэн Хуан Антонио Самаранчлэн кичӧлтэмезъя Олимпийской музей кылдытэмын.
- 1994 — США-ысь экранъёс вылэ потӥз «Форрест Гамп» фильм.
- 2006 — Австралиысь зоопаркын кулӥз 175 аресъем Гариетта нимо избака, кудзэ чакласа возиз на вал ачиз Чарлз Дарвин.
- 2016 — Brexit кутскиз: Великобританиын улӥсьёс референдумын шаерзылэн Европа союзысь потэмез понна куаразэс сётӥзы.
Вордскизы
Удмуртиысь тодмо муртъёс
Россиысь но дуннеысь тодмо муртъёс
Кулӥзы
Удмуртиысь тодмо муртъёс
Россиысь но дуннеысь тодмо муртъёс
- 1852 — Карл Брюллов, ӟуч суредась, живописец, монументалист, акварелист, суредась.
- 1891 — Вильгельм Вебер, немец физик, нырысетӥ телеграфез кылдытӥсь.
- 1926 — Виктор Васнецов, ӟуч суредась, Аполлинарий Васнецовлэн агаез.
- 1995 — Анатолий Тарасов, совето хоккеист но футболист, тренер.
- 2011 — Питер Фальк, Америкаысь актёр («Коломбо» телесериалысь Коломбо лейтенант).
Валэктонъёс
Россия — Балалайкалэн нуналыз[2];
Казахстан — Полицилэн нуналыз;
Молдавия — Суверенитет басьтон нунал[3].
Эстония — Вормон нунал.
.jpg)
