Герд (мерлыко огазеяськон)
| Герд | |
|---|---|
| "Герд" мерлыко улос огазеяськон ӟуч: Региональная общественная организация | |
 | |
| Кылдытэмын | 2-тӥ инвожое 1991 |
| Типез | общественная организация[d] |
| Лидер | Маргарита Родионовна Сельченкова |
| Центр | Москва кар, Октябрьской пер., 9 номеро юрт |
Герд — удмурт лулчеберетэз утёнъя но азинтонъя Мускоысь мерлыко улос огазеяськон (ӟуч: региональная общественная организация - РОО). Кылдытэмын 2016-тӥ арын.
Историез
1922-тӥ арын Мускоын «Бӧляк» нимо нырысетӥ удмурт йӧскалык-лулчеберето огазеяськон кылдытэмын вал. Сое кылдытон бордын ужаз тодмо удмурт югдытӥсь Кузебай Герд. Огазеяськонлэн ёзэтъёсыз Кузонын, Глазовын, Ижкарын, Можгалан, Ваткаын, Пермын но Дебесын усьтэмын вал. Мускоысь огазеяськонэ 48 мурт гожтӥськиз, Кузонын — 30. Тросэз соос пӧлысь студентъёс но дышетӥсьёс вал. Огазеяськонлэн азьветлӥсьёсыз азьын историез, экономикаез, лулчеберетэз дышетон, мерлыко движениез, мер юанъёсты сэрттон-перчон, удмурт калыклэн улэм-вылэменыз рос-прос тодматскон но книга поттон ужпумъёс пуктэмын вал. Тросэз со ужпумъёс быдэсмытэк кылизы, малы ке шуоно, 1928-тӥ арын «Бӧляк» огазеяськон быдтэмын вал[1][2].
Кыкетсэ удмурт огазеяськон Мускоын 1991-тӥ арын 2-тӥ инвожое кылдытэмын вал, шоркарын улӥсь удмуртъёсты огазеян понна. Огазеяськонэз сӥё-дано усьтон ужрад «Останкино» концерт залын ортчиз. Мускоысь удмуртъёс сяна, люкаськемъёс пӧлын вал Удмурт АССР-лэн культурая министрез А. П. Сидорова, УдГУ-ысь дышетӥсь, истори наукаосъя доктор, профессор К. А. Пономарёв, удмурт кырӟанъя но эктонъя «Италмас» ансам бльлэн кивалтӥсез А. В. Мамонтов но мукет тодмо муртъёс. Та огазеяськонэз улӟытонлэн кичӧлтӥсез но солэн нырысетӥ тӧроез вал педагоги наукаосъя доктор, профессор но Удмурт АССР-ысь наука удысысь дано ужась Глафира Николаевна Никольская[3].
2016-тӥ арын «Герд» удмурт лулчеберетэз утёнъя но азинтонъя Мускоысь мерлыко огазеяськон шуыса пусъемын вал. 2018-тӥ арысен соин кивалтыны кутскиз Маргарита Родионовна Сельченкова[2][4].
Кулэлыкез
«Герд» мерлыко улос огазеяськон лулчеберето, дышетон, иворлыко, патриотической, спортэн герӟаськем но мукет пӧртэм ужрадъёс радъя. Озьы ик татын ортчыло этнографилы сӥзем ӝытъёс, йӧскалык шулдыръяськонъёс, адӟытонъёс, мастер-классъёс, презентациос, лекциос но огазеськонлэн нимпусо ужрадъёсыз: «День бабушки» семьялы сӥзем фестиваль, «Кытын? Ку? Мар?» йырвизез сынан шудон (ӟуч: Что? Где? Когда?)[5][6].
Та огазеяськон Мускоысь но Удмуртиысь мукет йӧскалык огазеяськонъёсын ваче уж нуэ[5][6].
Огазеяськонлэн азьветлӥсьёсыз мыло-кыдо пырисько пӧртэм огъякар но огъяросси ужрадъёсы, кылсярысь, Йӧскалык искусствоослы сӥзем «Мой дом — Москва» нылпи фестивале, модалы сӥзем «Этно-Эрато» Евразийской ӵошатсконэ но асьме культураез но калыкез возьматӥсь мукет ужрадъёсы[5][6].
Валэктонъёс
- ↑ Боляк [удм.] Энциклопедия "Удмурт Элькун".
- ↑ 1 2 Землячество Официальный сайт Постоянного представителя Главы Удмуртской Республики при Президенте Российской Федерации.
- ↑ Удмуртское НКО Москвы «Герд» отмечает годовщину создания (Новости от 02.06.2020), Дом Дружбы народов УР (2 инвожое 2020). Эскеремын: 7 шуркынмонэ 2024 арын.
- ↑ Лариса Марданова Осконо ке - нылкышнолы Удмурт дунне.
- ↑ 1 2 3 Организация: РОО "Герд" [ӟуч] dobro.ru.
- ↑ 1 2 3 РОО "Герд", Москва, презентационный ролик. РОО Герд.
Чӧлсконъёс
- Официальная группа в ВКонтакте
- Краткая информация о РОО «Герд» (презентация)
- День бабушки 2023. РОО Герд. Концерт в Московском доме национальностей (видео)
Литература
- Куликов К. И. Удмуртская автономия: этапы борьбы, свершений и потерь. — Ижевск, 1990.
- Первое удмуртское научное общество «Боляк» и археологические исследования в Удмуртии в период его деятельности // Исследования по средневековой археологии лесной полосы Восточной Европы / Л. С. Христолюбова. - Ижевск, 1991.