Вечтомов, Иван Дмитриевич

Иван Дмитриевич Вечтомов
Иван Дмитриевич Вечтомов
Вордӥськем дырыз	1-тӥ толшоре 1919
Вордӥськем интыез	Усть-Сарапулка, Сарапул утем, Ватка губерния, РСФСР[d];
Кулэм дырыз	3-тӥ коньывуонэ 1944 (25 лет)
Кулэм интыез	Синмартин черкогурт котырын, жудец Бихор, Румыниын
Кунмуртлыкез	СССР
Кыӵе войскоез	пехота
Служить карон аръёсыз	1940—1944
Званиез
Ожмаськонъёс/ожъёс	Быдӟым Атыкай ож Ясско-Кишинёвской операция;

Ива́н Дми́триевич Вечто́мов (1-тӥ толшоре 1919, Усть-Сарапулка, Ватка губерния — 3-тӥ коньывуонэ 1944, Румыния) — Быдӟым Атыкай оже пыриськем мурт, Совето Союзлэн Героез.

Улон сюресэз

Вордӥськиз Удмурт Элькунысь Сарапул ёросысь Усть-Сарапулка гуртын крестьян семьяын. Школаез йылпумъямез бере Сарапулысь лесомеханической техникумын дышетскиз. 1938-тӥ арысен ВЛКСМ-лэн ёзчиез луэ. 1940-тӥ арын 7-тӥ южтолэзе армие басьтӥзы. 1941-тӥ арын Сухумской пехотной училищеез йылпумъяса, Кавказын служить кариз.

1944-тӥ арысен 2-тӥ Украин фронтысь 337-тӥ стрелковой дивизилэн 1131-тӥ стрелковой полклэн стрелковой ротаезлэн командирез вал. Румыниен кунгож котырын ожмаськонъёсын сэзь луэменыз висъяськиз: 2-тӥ гудырикошконэ Вечтомовлэн ротаез Круча черкогуртэз мозмытӥз, соин валче 80 пала тушмон ожгарчиез быдтӥз, 56-сэ пленэ басьтӥз.

Бузэу гурт понна ожмаськонъёсын солэн подразделениез 14 час ӵоже тушмон наступлениез ӝегатыса возьыны быгатӥз. Вечтомов ачиз тушмонлэсь крупнокалиберной пулемётсэ гранатаен пушкытӥз. 27-тӥ куарусёнэ Орадя кар котырын куинь пол тушмон урдскемез пезьгытӥз. 2-тӥ коньывуонэ Кордеу черкогурт дорын ожмаськыку, противотанковой гранатаен тушмон бронетранспортёрез пушкытӥз.

1944-тӥ арын 3-тӥ коньывуонэ огаз ожмаськонын бырыны шедиз. Нырысь Апатеу черкогурт дорын ватэмын вал. Берлогес лысьӧмыз Орадя карысь Руликовски шайвылэ выжтэмын.

Данъетъёсыз

«Зарни Кизили» медаль (1945-тӥ арын 24-тӥ южтолэзе гоэтэм косэт, кулэмез бере);
Ленин орден.

Буре ваён

Вечтомовлэн нимыз Сарапулысь одӥгезлы урамлы сётэмын. Механикая техникумлэн юртаз буре ваён пул юнматэмын^[1].

Валэктонъёс

↑ Вечтомов Иван Дмитриевич Сарапульская агломерация. Эскеремын 2012-11-20 арын

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.

Чӧлсконъёс

Иван Дмитриевич Вечтомов [ӟуч] «Герои страны» сайт.

[1] Вечтомов Иван Дмитриевич Сарапульская агломерация. Эскеремын 2012-11-20 арын

[1]