21-тӥ толшор — Григориан дырпусъя — арлэн 21-тӥ нуналыз. Выль арозь 344 нунал кылемын (касьян аре — 345 нунал).
☀️ Ижкарын Шунды 8 час 34 минутэ ӝужа, пуксе 16 час 19 минутэ. Югыт нуналлэн кыстӥськемез 🕒 7 час 45 минут.
🌒 Егит Толэзь (будэмез 2.55 нунал).
Нунал тодметъёс
- Калык дырпусъя туннэ Омельянлэн нуналыз. Та нуналэ кирос анай-атаез сӥлы каро, соосыз возем нылпиоссылы майтал но ӵушкон кузьмало. Та нуналысен нылкышноосты киуж борды басьтӥськыны лэзё. Удмурт калык оскемъя, туннэ Нюлэсмурт кужым кузьма, пе. Капкаетӥ потыку, пытьыез сурано шуо.
- Туннэ тӧл лымшор палась ке пельтӥз — гужем гудыриё луз. Ӟырт кезьыт но шундыё ке — гужем куазь пӧсь но кӧс возиськоз.
Нимнуналзэс пусъё
- Або, Анастасий, Антоний/Антон, Аттик, Василиса, Виктор, Владимир, Георгий, Григорий, Дмитрий, Домна, Евгений, Емельян/Эмиль, Зотик, Илья, Исидор, Картерий, Келсий/Кельсий, Кир, Марионилла, Михаил, Паисий, Феоктист, Феофил, Элладий/Елладий, Юлиан.
Праздникъёс но буре ваён нуналъёс
- Калыккуспо ӟыгыръяськон нунал
- Россия
Россия — Инженер войсколэн нуналыз
- Польша
Польша — Песянайлэн нуналыз.
Луэм учыръёс
Удмуртиын
1961 — Ижысь Удмурт кун театрын Г. А. Корепанов композиторлэн А. Н. Симоновлэн либреттоезлы Ф. Г. Кедровлэн «Катя» повестезъя гожтэм 3 действиен «Наталь» нырысетӥез удмурт опералэн премьяраез ортчиз.
- 1998 — Ижкарын етӥзъяськись нылпиосты но быдэ вуымтэосты дышетон-будэтонъя нимысьтыз кун ужъюрт кылдытэмын.
Россиын но дуннеын
- 1506 — Юлий II, римской папалэн косэмезъя, швейцар гвардия кылдытӥз.
- 1698 — Голландиысь Великой посольствоез кельтыса, Пётр I волонтёръёсын ӵош Лондонэ вуиз.
- 1775 — Мускоын Болотной площадьын Емельян Пугачёв кужмысь виемын.
- 1793 — Национальной конвентлэн пумкылызъя Францилэн королез Людовик XVI кужмысь виемын.
- 1854 — Ламбей шормуӵ котырын выйиз «Титаник» — сю мында пассажирен Tayleur клипер.
- 1945 — Мускоын СССР-ысь Наукаосъя академилэн Валтӥсь ботанической садэз кылдытэмын.
- 1948 — Квебек парламент юрт вылын нырысьсэ Квебеклэн кункышетэз ӝутскиз.
- 1968 — Гренландиын бомбардировщик B-52 усиз, солэн борт вылаз ньыль термоядерной бомбаез вал.
- 1976 — «Конкорд» сверхзвуковой самолёт Лондонысь Бахрейнэ вуттӥсь нырысетӥ коммерческой рейссэ быдэстӥз.
- 1977 — Италиын пинал куштон лэземын.
Вордӥськизы
- Удмуртиысь тодмо муртъёс
- 1915 — Левиатов, Юлий Георгиевич — совето промышленность удысысь ужась, производствоез радъясь. Сарапулысь электрогенератор поттон заводлэн (СЭГЗ) директорез (1959—1982).
- 1897 — Антонина Пальшина-Придатко, Удмуртиысь нылкышно-кавалерист, Нырысетӥ дунневыл но Граждан ожъёсы пыриськись.
- 1919 — Василий Самарин, Удмуртиысь живописец.
- 1928 — Борис Саушкин, удмурт актёр, режиссёр но радиожурналист.
- 1946
- 1949 — Зоя Степнова, трикотажной производствоя инженер-технолог, «Сактон» ЗАО-лэн генеральной директорез, Удмуртиысь Кун Кенешлэн депутатэз.
- 1955 — Галина Шушакова, удмурт фольклорист, литературовед но мерлыко ужась.
- 1957 — Ульфат Бадретдинов, удмурт прозаик.
- 1980 — Александр Сергеевич Валов, Удмурт Элькунысь Печатья но ивор вӧлмытонъя агентстволэн кивалтӥсез.
- Россиысь но дуннеысь тодмо муртъёс
- 1855 — Джон Браунинг, Америкаысь изобретатель, пыӵал тӥрлыкъя конструктор.
- 1869 — Григорий Распутин, Николай II-лэн семьяезлэн фаворитэз.
- 1877 — Нина Симонович-Ефимова, ӟуч суредась.
- 1903 — Игорь Курчатов, тодмо совето физик, академик, совето атомной бомбаез кылдытӥсь.
- 1905 — Кристиан Диор, Франциысь кутюрье.
- 1941 — Пласидо Доминго, Испаниысь кырӟась.
- 1949 — Александр Харчиков, ӟуч кырӟась бард.
- 1960 — Дмитрий Харатьян, Россиысь актёр.
- 1983 — Светлана Ходченкова, Россиысь актриса.
Кулӥзы
- Удмуртиысь тодмо муртъёс
- Россиысь но дуннеысь тодмо муртъёс
- 1775 — Емельян Пугачёв, Россиысь крестьян ожлэн азьветлӥсез.
- 1789 — Поль Анри Гольбах, Франциысь философ-материалист.
- 1793 — Людовик XVI, Францилэн королез (1774—1792).
- 1870 — Александр Герцен, ӟуч гожъясьчи, революционер, философ но публицист.
- 1880 — Илья Чайковский, горной инженер, Вотка заводлэн кивалтӥсез (1837—1848), П. И. Чайковскийлэн атаез.
- 1924 — Владимир Ильич Ленин, ӟуч совето политик, философ, публицист, революционер, большевикъёслэсь партизэс кылдытӥсь, Совето Союзэз инъясь, Быдӟым Октябрь социалистической революцилэн азьветлӥсез.
- 1950 — Джордж Оруэлл, Англиысь писатель но публицист, «1984» романлэн авторез.
- 1965 — Рейно Хелисмаа, финн кырӟась но кырӟанъёслэн авторзы.
