2-тӥ оштолэзь — Григориан дырпусъя — арлэн 92-тӥ нуналыз (касьян аре — 93-тӥез). Ар пумозь 273 нунал кылемын.
☀️ Ижкарын Шунды 5 час 51 минутэ ӝужа, пуксе 19 час 3 минутэ. Югыт нуналлэн кыстӥськемез 🕒 13 час 12 минут.
🌕 Тыр толэзь (будэмез 14.49 нунал).
Нунал тодметъёс
- Фотиньялэн (Светланалэн) нуналыз. Дэра гужатон нунал. Туннэ дэра дӥсь нуллыны дэмлало, озьы синусёнлэсь утиськыны луоз, шуо.
- Туннэ зориз ке — губи удалтоз.
- Туннэ лымыяз ке — гужемозь кӧс улоз.
- Туннэ колодча ву тазалыкез юнматыны юрттэ, шуо.
Нимнуналзэс пусъё
- Александра, Анатолия, Василий, Виктор, Домнина, Евфимия, Евфрасия, Евфросин, Иван, Иосия, Клавдия, Матрона, Никита, Параскева, Патрикий, Светлана, Севастьян, Сергей, Феодора, Феодосия, Фотида, Фотин, Фотина, Юлиания.
Праздникъёс но буре ваён нуналъёс
- ООН
ООН — Аутизмен курадӟон сярысь ивор вӧлмытонлэн калыккуспо нуналыз.
— Нылпи кни галэн калыккуспо нуналыз.- Белоруссия
Белоруссия, Россия
Россия — калыкъёслэн огазеяськон нуналзы.
- Аргентина
Аргентина — Мальвинской ожын быремъёсты буре ваён нунал.
- Иран
Иран — Инкуазьлэн нуналыз.
Петропавловской крепость. Татын интяськемын вал Лушкем канцелярия
Емельян Пугачёв, 1773-тӥ ар
Луэм учыръёс
Удмуртиын
Наполеон Бонапарт но Мария-Луиза кузпалъясько
«Титаник» трагической рейсэ потэ
Россиын но дуннеын
- 1718 — Пётр I Ӟуч царствоын, тужгес секыт кун йыружъёсты сэрттон понна, Лушкем канцелярия кылдытӥз.
- 1769 — Русско-турецкой ожын ӟуч ожгарчиос Турцилэсь Таганрог карзэ талазы.
- 1774 — Татищевой котырын ожмаськонын Емельян Пугачёвлэн войскоезлэн бадӟым люкетэз пазьгемын вал.
- 1801 — Нельсон адмирал Копенгаген бухтаын уйпал державаослэсь флотсэс куашкатӥз.
- 1810 — Наполеон Бонапарт Австриысь Мария-Луизаен кузпалъяськиз.
- 1860 — огазеяськем Италилэн Туринын нырысетӥ парламентэз люкаськиз.
- 1879 — Александр Соловьёв Александр II револьверысь 5 пол ыбыса ӧз йӧтты.
- 1912 — эскерон вылысь, нырысьсэ ву вылэ васькытэмын «Титаник» лайнер.
- 1918 — Граждан ожын Медведевской станци котырын (Краснодар шаер) ожмаськонын Тӧдьы арми вормиз.
- 1950 — Михаил Михайлович Сомов кивалтэм улсын «Уйпал полюс-2» научно-исследовательской станция ужаны кутскиз.
- 1966 — «Луна-10» совето спутник нырысьсэ Толэзез котыртӥз.
- 1968 — Стэнли Кубриклэн «2001: A Space Odyssey» научно-фантастической блокбастерезлэн премьераез ортчиз.
- 1978 — Америкаысь CBS телеканалын «Даллас» сериалэз адӟытыны кутскизы.
- 1979 — Свердловскысь военно-медицинской лабораториысь вакцина лэсьтон сурет кисьтӥськемен сэрен, сибирской язва вӧлмиз, ог 100 мурт черласа бырыны шедиз.
- 1982 — Великобритания но Аргентина куспын Фолкленд шормуӵъёс понна ожмаськон кутскиз.
- 1996 — Борис Ельцин но Александр Лукашенко Россилэн но Белоруссилэн дэменлыксы (берло — Белоруссилэн но Россилэн Союззы) кылдытон сярысь Косэт гожтӥзы.
- 2002 — нНырысетӥ каналын Валдис Пельшлэн «Русская рулетка» передачаез потӥз.
Вордӥськизы
Удмуртиысь тодмо муртъёс
- 1933 — Рем (Рим) Тагиров, Удмуртиысь суредась.
- 1947
- Евгений Валов, Удмуртиысь концертмейстер.
- Евгений Дёмин, Удмуртиысь пианиноен шудӥсь, концертмейстер.
Россиысь но дуннеысь тодмо муртъёс
- 747 — Карл Великий, 768-тӥ арысен франкъёслэн корользы луиз.
- 1725 — Джакомо Казанова, Италиысь авантюрист но гожъясьчи.
- 1805 — Ханс Кристиан Андерсен, Даниысь гожъясьчи, кылбурчи но выжыкылчи.
- 1840 — Эмиль Золя, Франциысь гожъясьчи.
- 1865 — Павел Штернберг, астроном но политик, Мускоысь обсерваторилэн директорез.
- 1927 — Ференц Пушкаш, Венгриысь футболэн шудӥсь, венгер «Зарни командае» пыриськись.
- 1949 — Борис Плотников, театрын но киноын шудӥсь актёр, Россиысь Калык артист (1998).
- 1969 — Иосиф Пригожин, Россиысь крезьгуро продюсер.
- 1977 — Майкл Фассбендер, актёр.
Кулӥзы
Удмуртиысь тодмо муртъёс
- 1866 — Надежда Дурова, 1812-тӥ арын Атыкай оже пыриськем мурт, ӟуч нылкышно-офицер, гожъяськись.
- 1970 — Арсений Караваев, удмурт кун ужась, УАССР-ысь Вылӥ Кенешлэн тӧроез (1941—1952), УАССР-ысь Вылӥ Кенешлэн Президиумезлэн тӧроез (1952—1959).
- 1983 — Вера Белицер, ӟуч этнограф, Волга-Урал котырысь калыкъёслэсь материальной культуразэс (уката ик дӥськутсэс) эскерись.
- 1992 — Николай Палладин, совето инженер-технолог, Ижысь механикая заводлэн директорез 1946-тӥ арысен 1973-тӥ арозь.
- 2011 — Римма Чуракова, удмурт крезьгуртодосчи, фольклор люкась.
Россиысь но дуннеысь тодмо муртъёс
- 1872 — Сэмюэл Морзе, Америкаысь изобретатель, суредась.
- 1974 — Жорж Помпиду, Францилэн премьер-министрез (1962—1968) но азьмуртэз (1969—1974).
- 1979 — Отто Бадер, совето археолог, Кам, Вотка но Нижнекамск археологической экспедициосын кивалтӥсь.
- 1997 — Жольт Дурко, венгер крезьгурчи.
- 1999 — Феликс Чуев, кылбурчи, Социалистической Ужысь Герой.
- 2005 — Иоанн Павел II (зэмос нимыз Кароль Йозеф Войтыла), Римской папа.
.jpg)
