Палладин, Николай Иванович
| Николай Иванович Палладин | |
|---|---|
 | |
| Вордӥськемын |
23-тӥ гудырикошконэ 1908 Муско улос |
| Кулэмын |
2-тӥ оштолэзе 1992 (83 арес) Иж |
| Данъетъёсыз |
   |
Никола́й Ива́нович Палла́дин (1908—1992) — кун но политика удысын ужась. Социалистической Ужысь Герой. Ужъя Горд Знамя орденлэн трос полэс лауреатэз, СССР-ысь Кун премилэн лауреатэз.
Улон сюресэз
Вордӥськиз 1908-тӥ арын 23-тӥ гудырикошконэ Москва улосысь Дютьково черкогуртын дышетӥсьлэн семьяяз. 16 аресысен ужаз Подольскысь механикая заводын, отын вуриськон машинаос но обороналы тӥрлык поттӥзы. Нырысь слесарь бордын дышетскись вал, собере слесарь, технолог, технологической бюролэн кивалтӥсез, нош бӧрысь сое юнматӥзы цехен кивалтӥсе[1].
1937-тӥ арын, ужаз вис карытэк, йылпумъяз Ленинградысь нюлэс хозяйствоя академиысь механикая факультетэз «Технология деревообработки» ӧнеръя[2][3].
Быдӟым Атыкай ож кутскыку, заводэз Иже эвакуировать каризы. Палладин азьланяз но 74 номеро заводын (бӧрысь — «Ижмаш») цехен кивалтӥз[1].
1943-тӥ арысен — КПСС-лэн ёзчиез.
1943-тӥ арысен 1946-тӥ арозь кивалтӥз пу вандон цехен. 1946-тӥ арын 28-тӥ толшоре Николай Палладинэз юнматӥзы 622 номеро заводлы (бӧрысь — Ижысь механикая завод) директоре. Та интыын со 1973-тӥ арын пенсие потытозяз ужаз[3]. Солэн кивалтэмез улсын завод кутскиз выль изделиосты поттыны, нош 1958-тӥ арысен — ракетной техника[1].
Бырйиськылӥз депутатэ Ижысь кар кенеше, Удмурт АССР-ысь Вылӥ Кенеше, заводысь парткомлэн, Ижысь горкомлэн но КПСС-лэн Удмурт обкомезлэн ёзчиез вал[2].
Улонысь кошкиз 1992-тӥ арын 2-тӥ оштолэзе[3]. Ватэмын Ижысь Хохряки шайвылын[2].
Данъетъёсыз но дано нимъёсыз
- Социалистической Ужысь Герой (1966)
- кык пол Ленин орденэн (05.01.1944; 1966)[4]
- «Молот и серп» зарни медаль (1966)
- Октябрь Революцилэн орденэз
- Ужъя Горд Знамя куинь орденэн
- Кун (Сталин) премия (1946) — технологиосты выльдэмез но стрелковой ож тӥрлык поттонэз радъямез понна, солы луыса продукцилэн лыдыз будӥз, нош поттон дуныз но ужасьёслэн лыдзы кулэсмиз[5]
Буре ваён
2022-тӥ арын пӧсьтолэзе М. Т. Калашников нимо улоскуспо мер фонд Ижын, Палладинлы сӥзьыса, буре ваён пул усьтӥз[6][7].
Валэктонъёс
- ↑ 1 2 3 Герои из Ижевска - города трудовой доблести. Часть 1 [рус.] Деловой квадрат.
- ↑ 1 2 3 Палладин Николай Иванович warheroes.ru.
- ↑ 1 2 3 Мемориальную доску в честь директора Ижевского мехзавода Николая Палладина открыли на улице Советской, Рамблер/новости (28.07.2022). Эскеремын: 22 гудырикошконэ 2024 арын.
- ↑ Указ Президиума Верховного Совета СССР «О награждении орденами и медалями работников ордена Ленина завода № 74 Народного комиссариата вооружения» // Ведомости Верховного Совета Союза Советских Социалистических Республик : газета. — 1944. — 23 толшоре (№ 4 (264)). — С. 4.
- ↑ Мемориальную доску в честь директора Ижевского мехзавода Николая Палладина открыли на улице Советской, Рамблер/новости (28.07.2022). Эскеремын: 22 гудырикошконэ 2024 арын.
- ↑ Открыта мемориальная доска легендарному директору ИМЗ Василию Чугуевскому Концерн «Калашников».
- ↑ В Ижевске открыли мемориальную доску оружейнику Николаю Палладину Официальный сайт Администрации города Ижевска.