17-тӥ толсур — Григориан дырпусъя — арлэн 351-тӥ нуналыз (касьян аре — 352-тӥез). Ар пумозь 14 нунал кылемын.
☀️ Ижкарын Шунды 9 час 3 минутэ ӝужа, пуксе 15 час 50 минутэ. Югыт нуналлэн кыстӥськемез 🕒 6 час 46 минут.
🌓 Нырысетӥ ньыльмосэз (будэмез 7.71 нунал).
Нунал тодметъёс
- Варалэн нуналыз (ӟуч: Варварин день). Варвара Илиопольская ― пияно нылкышноослэн утись-юрттӥсьсы. Та нуналэ киын вурем-керттэм арбериослэн утись кужымзы шӧдӥське, шуо. Киужен вырыны туж тупась нунал[1].
- Туннэ тӧл шундыӝужан палась пельтэ ке ― куазь кезьыт кариськоз.
Нимнуналзэс пусъё
- Александр, Алексей, Анастасия, Варвара, Василий, Геннадий, Дмитрий, Екатерина, Иван, Кира, Николай, Серафим, Христодул, Христодула, Юлиания.
Петербургысь Зимний дворец
Праздникъёс но буре ваён нуналъёс
Йӧскалык праздникъёс
- Россия
Россия —
- Стратегической назначениен ракетной войскоослэн нуналзы.
- Атом вуул флотлэн нуналыз.
- Фельдъегерской службалэн нуналыз.
- Белоруссия
Белоруссия — Беллорус кинолэн нуналыз[2].
Бутан — Йӧскалык нунал[3].- Куба
Куба — Вӧсьлыко Лазарьлэн нуналыз.
Тумошо праздникъёс
- Гондырлэн толлы умме усён нуналыз.
Луэм учыръёс
Удмуртиын
- 1827 — Глаз утемын кык аръем училище усьтӥськиз.
- 1863 — Глазкарын нылкышно приходской училище усьтэмын.
- 1948 — Балезиноын «Удмуртметаллпромсоюз» системалэн «Литейщик» артелез кылдытэмын, 2000-тӥ арысен — Балезиноысь литейно-механической завод.
- 1968 — Пичи Пурга ёросысь депутатъёслэн советсылэн исполком улсаз капитальной лэсьтӥськонъя хозрасчётной ёзэтэз кылдытэмын.
- 1981 — Сарапулысь 12-тӥ номеро школаын 10-тӥ классын дышетскисьёс заложник басьтэмын. Совето Союзлэн историяз со нырысетӥез сыӵе учыр вал.
- 1998 — кылдытэмын «Удмуртрегионгаз» ООО.
Россиын но дуннеын
Санкт-Петербургысь Егитъёслэн театрзы
- 1600 — кузпалъяськизы Генрих Великий но Мария Медичи.
- 1637 — Амакуса Сиро кивалтэм улсын япон христианъёс восстание ӝутӥзы.
- 1837 — Санкт-Петербургын Зимний дворец ӝуаса быриз.
- 1903 — Нырысьсэ омыре ӝутскиз Райт вынъёслэн кылдытэм самолётсы.
- 1918 — Латвиын Ригаын Совето власть ялэмын (Латви Социалистической Советской Республика).
- 1926 — Советской Союзын нырысьсэ ортчытэмын калыкез лыдъян-чотан.
- 1938 — Берлинысь химикъёс Отто Ган но Фриц Штрассман уранлэсь ядрозэ люконъя опыт ортчытӥзы.
- 1959 — СССР-ын Стратегической назначениен ракетной войскоос кылдытэмын.
- 1969 — США-лэн омыр ожгар кужымъёс НЛО-ез эскерон проектэз дугдытӥзы.
- 1974 — Санкт-Петербургын Егитъёслэн театрзы усьтӥськиз.
- 1989 — FOX телеканалын (США) «Симпсонъёс» мультсериаллэн нырысетӥ сериез возьматэмын.
- 1996 — террористъёс Лимаын япон посольстволэсь юртсэ киултӥзы.
- 2014 — ӝыны даур ӵоже висатэм бере США-лэн но Кубалэн дипломатической кусыпсы выльдӥськиз.
Вордӥськизы
- Удмуртиысь тодмо муртъёс
- Россиысь но дуннеысь тодмо муртъёс
- 1905 — Симо Хяюхя, финн снайпер.
- 1928 — Леонид Броневой, актёр, СССР-ысь калык артист.
- 1936 — Франциск (зэмос нимыз Хорхе Марио Бергольо), Римской Папа.
- 1975 — Милла Йовович, Америкаысь киноактриса но фотомодель.
- 1977 — Оксана Фёдорова, Россиысь фотомодель, кырӟась но телепередачаосты нуись.
Кулӥзы
- Удмуртиысь тодмо муртъёс
- 1981 — Олег Севрюков, Ижысь шаерчи, историк, коллекционер, ожысь ветеран.
- Россиысь но дуннеысь тодмо муртъёс
- 1830 — Симон Боливар, Лымшор Америкаысь испан колониослэн эриксы понна нюръяськонэн кивалтӥсь.
- 1857 — Фрэнсис Бофорт, Англиысь зарезьчи, тӧл кужымлы 12 баллъем шкалаез кылдытӥз.
- 1881 — Льюис Морган, Америкаысь этнолог но социолог.
- 1907 — Уильям Кельвин, Великобританиысь физик.
- 1987 — Аркадий Райкин, совето режиссёр, сценарист, актёр но юморист, СССР-ысь калык артист.
- 2011 — Ким Чен Ир, Корея Калык-Демократи Республикалэн тӧроез 1994-тӥ арысен.
Валэктонъёс
