Ульяненко, Нина Захаровна

Эскерем гожтос

Нина Захаровна Ульяненко
Вордӥськем дырыз	17-тӥ толсуре 1923({{padleft:1923|4|0}}-{{padleft:12|2|0}}-{{padleft:17|2|0}})
Вордӥськем интыез	Вотка, Урал область (РСФСР), РСФСР, СССР
Кулэм дырыз	31-тӥ гудырикошконэ 2005({{padleft:2005|4|0}}-{{padleft:8|2|0}}-{{padleft:31|2|0}}) (81 год)
Кулэм интыез	Иж, Россия
Кунмуртлыкез	СССР СССР
Кыӵе войскоез	ВВС
Служить карон аръёсыз	1942—1945
Званиез
Интыужез	46-тӥ гвардейской Таманской нылкышно авиаполклэн звеноезлэн командирез
Ожмаськонъёс/ожъёс	Быдӟым Атыкай ож
Данъетъёсыз
Медиафайлъёс РувикиМедиа пушкын

Удмурт Кун университетлэн 2-тӥ корпусэ пыронысьтыз буре ваён пул

Ни́на Заха́ровна Улья́ненко (17-тӥ толсуре 1923, Вотка, Урал область (РСФСР) — 31-тӥ гудырикошконэ 2005, Иж) — 2-тӥ Белорус фронтысь 4-тӥ армилэн 325-тӥ уйин лобась бомбардировочной авиационной дивизиезлэн 46-тӥ гвардейской уйин лобась бомбардировочной авиационной полкезлэн звеноезлэн командирез, гвардилэн лейтенантэз. Совето Союзлэн Героез.

Улон сюресэз

Вордӥськиз 1923-тӥ арын 17-тӥ толсуре  Ватка губерниысь Вотка каргуртын (али Удмурт Элькун) ужасьёслэн семьяязы. Дышетскиз Саратовысь авиационной техникумын.

1939-тӥ—1940-тӥ аръёсы ДОСААФ улсын кылдытэм аэроклубын дышетскиз. 1940-тӥ арын 11-тӥ оштолэзе  Нина Ульяненко нырысьсэ омыре ӝутскиз. 1942-тӥ арын толшорысен куартолэзёзь Энгельсысь военной авиационной школаын штурманской курсъёсын дышетскиз.

1942-тӥ арын куартолэзе фронтэ вуиз. 1942-тӥ арын 27-тӥ куартолэзьысен — уйин лобась бомбардировочной авиаполкысь эскадрильялэн звеноезлэн экипажезлэн штурманэз, 1943-тӥ арын толсурысен 1944-тӥ арын оштолэзёзь — уйин лобась бомбардировочной полклэн 46-тӥ гвардейской Таманской полклэн лётчикез, 1944-тӥ арын толсур толэзьысен — со полкын ик звенолы командире юнматӥзы.

Ожмаськиз Сталинград вадьсысь инмын, Волга шур дурын, Уйпал Кавказэз, Крымез, Белоруссиез, Польшаез но Шундыӝужанпал Пруссиез мозмытонэ пыриськиз. Вуиз Берлинозь . 1944-тӥ арысен ВКП(б)/КПСС-лэн ёзчиез.

1945-тӥ арын тулыспал толэзьлэн шорозяз Нина Ульяненко, штурман чотын 388 пол ожгар лобанъёсы потаз, лётчик чотын — 530 пол.

СССР-лэн Вылӥ Кенешезлэн Президиумезлэн 1945-тӥ арын 18-тӥ гудырикошконэ гожтэм Косэтэныз кивалтэтлэсь боевой заданиоссэ ӟеч быдэсъямез но фашистъёсын сэзь ожмаськемез понна гвардилэн лейтенантэзлы Ульяненко Нина Захаровналы Совето Союзлэн Героез дано ним, Ленин орден но «Зарни Кизили» медаль (№ 8671) сётэмын.

1945-тӥ арысен гвардилэн лейтенантэз Ульяненко — запасэ кельтэмын собере отставкае лэземын. 1945-тӥ арын шуркынмонэ Нина Ульяненко Москваысь Кунсьӧр кылъёсъя Военной институтэ дышетскыны пыриз. 1946-тӥ арын кузпалыныз Николай Минаковен Курске кошкиз, отын ик кык аръем улос партийной школаез йылпумъяз, «Курская правда» газетын ужаз.

1948-тӥ арын коньывуон толэзе  Ижкаре берытскиз, «Удмуртская правда» газетын ужаз но огвакыт ик партийной ужез быдэсъяз.

1947-тӥ арысен 1951-тӥ арозь  РСФСР-ысь Вылӥ Кенешлэн депутатэз вал, 1953-тӥ арысен 1955-тӥ арозь ― Ижкар Кенешлэн депутатэз.

1955-тӥ арын Ульяненко Педагогикая удмурт кун университетысь истори факультетэ дышескыны пыриз, 1957-тӥ арын сое йылпумъяз. 1957-тӥ арысен Вотка ёросын но Вотка карын воспитатель, дышетӥсь но школалэн директорез луыса ужаз. ДОСААФ-ысь кун аэроклублэн дышетон ёзэтэныз кивалтӥз.

Война бере трос аръёс ӵоже егит калык пӧлын патриотической уж нуиз. Пенсие потэмез бере Ижкарын улӥз.

1996-тӥ арын 24-тӥ коньывуонэ «Удмурт Элькунлэн дано муртэз» нимын пусъемын.

2005-тӥ арын 31-тӥ гудырикошконэ 82-тӥ араз улонысь кошкиз. Ватэмын Ижысь Хохряки шайвылын.

Пусъемын Ленин орденэн, кык пол Горд Знамя орденэн, Быдӟым Атыкай ожлэн 1-тӥ но 2-тӥ степенё орденъёсын, Горд Кизили орденэн; «Кавказэз мозмытон понна», «1941-тӥ—1945-тӥ аръёсы Быдӟым Атыкай ожын вормем понна» но мукет медальёсын.

Гожъямъёсыз

• Ульяненко, Нина Захаровна. Незабываемое : воспоминания Героя Советcкого Союза, летчицы первого в мире авиационного женского полка ночных бомбардировщиков / Н. З. Ульяненко. - Ижевск : Удмуртия, 2005. - 93, [2] с., [8] л. ил. ; 21 см. - 1000 экз. - ISBN 5-7659-0176-Х (в пер.)
• Незабываемое // Героев наших имена / И. Г. Кулемин. — Ижевск, 1975. — С. 189—192.

Литература

• Ульяненко Нина Захаровна // Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — С. 623. — 863 с. — 100 000 экз. — ISBN 5-203-00536-2.
• Смолин В. Верный курс // Героини: очерки о женщинах — Героях Советского Союза / ред.-сост. Л. Ф. Торопов; предисл. Е. Кононенко. — Вып. 2. — М.: Политиздат, 1969. — 463 с.
• Чечнева М. 900 боевых вылетов Нины Ульяненко // Авиация и космонавтика — 1967. — № 3. — С. 88-89.

Чӧлсконъёс

• Биография и фотодокументы Ульяненко Нины Захаровны.
• Крылатая гвардия — галерея изображений Эскеремын 2011-12-18 арын

.