14-тӥ толсур — Григориан дырпусъя — арлэн 348-тӥ нуналыз (касьян аре — 349-тӥез). Ар пумозь 19 нунал кылемын.
☀️ Ижкарын Шунды 9 час 2 минутэ ӝужа, пуксе 15 час 51 минутэ. Югыт нуналлэн кыстӥськемез 🕒 6 час 49 минут.
🌒 Егит Толэзь (будэмез 4.71 нунал).
Нунал тодметъёс
- Наум нунал (ӟуч: Наумов день). Та нуналэз тодон-валанэн герӟало, малы ке шуоно, вашкала дыръя нылпиосты ӵемысь толсуре дышетыны кутскылӥзы. Наум вуоз но визьнодалоз, шуо калыкын. Вӧсьлыко Наум ― дышетскисьёслэн, дышетӥсьёслэн но тодосчиослэн утисьсы луэ[1].
- Туннэ куазь зол тӧло ке ― кезьытскоз.
- Куазь сайкыт пилемтэм ке ― тол кезьыт луоз.
- Тылобурдоос корка котыре люкасько ке ― куазь шуныт кариськоз.
Нимнуналзэс пусъё
- Наум, Филарет, Порфирий, Анания.
Праздникъёс но буре ваён нуналъёс
Йӧскалык праздникъёс
- Чернобыль АЭС-ысь авариез палэнтонэ пыриськемъёсты сӥлы карон нунал.
- Россия
Россия ― Вертолётчиклэн нуналыз (пусйиське арлы быдэ толсурлэн кыкетӥ кӧснуналаз).
- Башкортостан
Башкортостан — Башкир кыллэн нуналыз[2].
- Индия
Индия ― Электронергиез утён нунал.
Тумошо праздникъёс
- Маймылъёслэн нуналзы.
- Керттӥськон нунал.
- Синучкон азьын кильтыръяськон нунал.
Луэм учыръёс
Удмуртиын
Россиын но дуннеын
Географической Лымшор полюс
- 1893 — Москваысь Горд площадьын сӥё-дано усьтэмын Вылӥ вузкарон радъёс (ГУМ вузкарон комплекс).
- 1896 — Глазгоын дуннеысь куинетӥ музъемул метрополитен ужаны кутскиз.
- 1900 — квантовой теорилэн вордӥськонэз: Макс Планк аслаз нимыныз нимам формулаез кылдытӥз.
- 1911 — Руаль Амундсен историысь нырысетӥез, кин Лымшор полюсозь вуиз.
- 1913 — Греция Крит шормуӵез киултӥз.
- 1918
- Фридрих Карл Гессен-Кассельский финн короналэсь куштӥськиз.
- Украинаысь гетман П. П. Скоропадский ужоскетэзлэсь палэнтэмын.
- 1943 — Совето Союзлэн кун гимнэз юнматэмын.
- 1955 — Австрия, Албания, Болгария, Венгрия, Иордания, Ирландия, Испания, Италия, Камбоджа, Лаос, Ливия, Непал, Португалия, Румыния, Финляндия, Шри-Ланка ООН-э пыртэмын.
- 1995 — Дейтонысь огкылъёс Босниысь ожлы пум понӥзы.
- 2004 — усьтэмын Мийо виадук, дуннеысь тужгес но ӝужытэз транспортной выж.
- 2012 — Санди-Хукысь покчи ёзо школаын терракт ортчиз.
Нострадамус, Франциысь эмчи но астролог
Вордӥськизы
- Удмуртиысь тодмо муртъёс
- 1850 — Смагин Николай Васильевич — 1-тӥ гильдиысь купец (мукет ивортонъёсъя — 2-тӥ гильдиысь), ужбергатӥсь, коммерцияя советник, Сарапул карлэн йырыз, мерлыко ужась. «Н. В. Смагинлэн пиосыз» вузкарон юртлэн кузёез.
- 1997 — Адеев Денис Игоревич — росси уясь, усьтэм ву вылын уянъя Россиысь чемпион, Россиысь калыккуспо классъем спортъя мастер.
- 1925 — Лев Лещинский, Удмуртиысь эмчи но тодосчи, медицина наукаосъя доктор, академик.
- 1960 — Ольга Галиханова, Ижысь кырӟась.
- Россиысь но дуннеысь тодмо муртъёс
- 1503 — Нострадамус, Франциысь эмчи но астролог.
- 1546 — Тихо Браге, Даниысь астроном, астролог но алхимик.
- 1935 — Арво Валтон (зэмос фамилиез Валликиви), эстон гожъяськись, сценарист но мерлыко ужчи.
Алиса-Мод-Мэри, королева Викториялэн нылыз, Николай II вармумыез
Кулӥзы
- Удмуртиысь тодмо муртъёс
- 1937 — Павел Деськов, Удмуртиысь дышетӥсь, астрономиез яратӥсь, революцие но Граждан оже пыриськись.
- 1993 — Игнатий Захаров, эмчи, хирург, Ижысь медициная кун академилэн профессорез.
- 2007 — Антонина Лисина, удмурт дышетӥсь, кун но мерлыко ужась, УАССР-ысь дышетонъя министр (1986—1990).
- Россиысь но дуннеысь тодмо муртъёс
- 1799 — Джордж Вашингтон, Америкалэн нырысетӥ президентэз.
- 1878 — Алиса-Мод-Мэри (ворд. 1843), королева Викториялэн нылыз, Николай II вармумыез (Александра Фёдоровна императрицалэн анаез).
- 1989 — Андрей Сахаров, совето физик.
Валэктонъёс
