Адеев, Денис Игоревич
| Денис Адеев | |
|---|---|
 | |
| Ачиз сярысь ивортон | |
| Пол | пиосмурт[d] |
| Быдэс нимыз | Денис Игоревич Адеев |
| Кун | |
| Удысэз | Вутымъёсын уян[d] |
| Клуб | «Спартак-Волгоград» ЦВВС |
| Вордӥськем дырыз | 14-тӥ толсуре 1997 (28 лет) |
| Вордӥськем интыез | |
| Тренеръёсыз | Елена Нургалеева |
| Спортын данъетэз |
 |
Денис Игоревич Адеев (ворд. 14-тӥ толсуре 1997, Волгоград) — росси уясь. Инкуазь вутымъёсын (усьтэм ву вылын) уянъя Россиысь чемпион. Россиысь калыккуспо классъем спортъя мастер[1][2].
Улон сюресэз
Денис Адеев 1997-тӥ арын 14-тӥ толсуре Волгоградын вордӥськиз. Владимир Захаров кивалтэм-чаклам улсын уяны кутскиз. Бератаз ӵошатсконъёсын Удмуртилэсь данзэ утьыны ӧдъяз.
Спортын ӝутскемез
Россиысь сборное Адеев 2016-тӥ арын сюриз. Со сезонэ ик дуннеысь Кубокын ассэ нырысьсэ эскериз: ОАЭ-ын усьтэм ву вылын 10 иськеме уянын 59-тӥ инты басьтӥз.
2018-тӥ арын Адеев нырысьсэ зарни медаль утӥз, соку со 5 иськеме уянын Россиысь чемпион луиз. Та вормонэзлы луыса, Денис Европаын ву амалъёсъя ӵошатсконъёсын чемпионатэ пыриськон понна кунмылэн сборнояз шедиз. 5 иськеме уянъя со тямысэтӥ инты басьтӥз, нош эстафетаын Россилэн командаеныз ӵош куатетӥ луиз.
2019-тӥ арын Россиысь уясь Дуннеысь пляж шудонъёсын вить иськемын азьвесь медаль утӥз. Та сезонын ик Адеев нырысьсэ дуннеысь чемпионатэ пыриськиз, но медальтэк кылиз. Солэн устоез вормонэз 5 метре уянын 25-тӥ интые потэмез луиз.
2022-тӥ арын Адеев 400 метре эркын амалэн уянъя Россиысь чемпионатын бронза утӥз.
2025-тӥ арын Денис усьтэм ву вылын уянъя Россиысь чемпионатын кык азвесь медаль утӥз: 5 но 10 иськемъёсын[3]. Адеев Сингапурын ву амалъёсъя ӵошатсконъёсын чемпионатэ пыриськон понна Россилэн сборнояз шедиз. 10 иськем уянын россиянин дистанцилэсь бадӟым люкетсэ группаын азьпал радын возиськиз, но берпуметӥ иськемъёсаз кыльыны ӧдъяз, финише со куатетӥ вуиз. Берло 10 ар ӵоже та дистанциын росси спортсменъёслэн со устоез вормонзы луиз[4].
Спортысь вормонъёсыз
| Ар | Турнир | Дисциплина | Инты |
|---|---|---|---|
| 2017 | Усьтэм ву вылын уянъя Россиысь чемпионат | 5 км | 
|
| 2022 | Вакчи ву вылын уянъя Россиысь чемпионат | 400 м в/с | 
|
| 2023 | Усьтэм ву вылын уянъя Россиысь чемпионат | 5 км | 
|
| 2024 | Усьтэм ву вылын уянъя Россиысь чемпионат | 5 км |
|
| 2025 | Усьтэм ву вылын уянъя Россиысь чемпионат | 5 км |
|
| 10 км |
|
Валэктонъёс
- ↑ Адеев Денис Игоревич | Российские спортсмены | Спортивная Россия [ӟуч], infosport.ru. Эскеремын: 16 пӧсьтолэзе 2025 арын.
- ↑ Denis Adeev | Results | World Aquatics Official [англи]
- ↑ «Сусанин», ИА. Спортсмен из Удмуртии завоевал две медали на чемпионате России по плаванию на открытой воде // ИА Сусанин - проверенные новости Ижевска и Удмуртии, факты и описания событий., ИА Сусанин (10 инвожое 2025). Эскеремын: 16 пӧсьтолэзе 2025 арын.
- ↑ Адеев стал шестым в заплыве на 10 км на открытой воде на ЧМ по водным видам спорта, TACC (16 пӧсьтолэзе 2025). Эскеремын: 16 пӧсьтолэзе 2025 арын.
 |
|---|
