15-тӥ толшор — Григориан дырпусъя — арлэн 15-тӥ нуналыз. Выль арозь 350 нунал кылемын (касьян аре — 351 нунал).
☀️ Ижкарын Шунды 8 час 44 минутэ ӝужа, пуксе 16 час 9 минутэ. Югыт нуналлэн кыстӥськемез 🕒 7 час 25 минут.
🌘 Вуж Толэзь (будэмез 26.08 нунал).
Нунал тодметъёс
Калык дырпусъя туннэ Сильвестрлэн нуналыз яке Курег юмшан. Та нуналэ бадӟым саклык висъяське гурт тылобурдолы. Туннэ нылпиослы карамель петушки яке тылобурдо тусо сюй шудон кузьмало, озьы, пе, нылпи висёнъёслэсь утиськоз. Нош курег сӥль но мукет тылобурдо сӥльлэсь пӧрам сиён туннэ ӝӧк вылэ пуктыны уг лэзё. Туннэ воргоронъёслы пӧраськыны дэмлало. Нылкышно гур котырын бергаз ке, гурт тылобурдо, пе, висьыса быроз но ваньбур коркась кошкоз.
- Ӝытпал инмын пилемъёс адскизы ке — куазь воштӥськоз.
- Туннэ пелляськиз ке — ӝоген кезьытскоз.
Нимнуналзэс пусъё
- Аммон, Василий, Егор, Домн, Закхей, Зорсис, Кузьма, Марк, Модест, Пётр, Серафим, Сергей, Сидор, Сильвестр, Феоген, Феопемпт, Феопист, Ульяна, Федотья.
Праздникъёс но буре ваён нуналъёс
- Россия
Россия — Следственной комитетлэн кылдон нуналыз.
Египет, Иордания
Иордания — Писпу мерттон нунал.
Луэм учыръёс
Удмуртиын
- 1935 — Глазкарын технической инвентаризацияя бюро кылдытэмын.
- 1948 — Ижысь механической заводлэн «Металлист» нимо газетэзлэн нырысь номерез потӥз.
- 1964 — Камбаркаын шаертодонъя кар музей усьтэмын.
- 1971 — Можга карлэсь шорзэ тупатъянъя проект юнматэмын. Со «Ленгипрогор» проектной институтын дасямын вал.
- 1998 — Ижысь кар электротранспортын, куамын ар куспатыса, выльысь кондукторъёс ужаны кутскизы.
Россиын но дуннеын
- 730 — Византиын мудоръёслы йыбыртъян сьӧд уж шуыса ялэмын.
- 1582 — Россия но Речь Посполитая куспын Ям-Запольской тупанкыл юнматэмын.
- 1759 — Лондонын Британ музей усьтӥськиз.
- 1890 — Мариинской театрын нырысьсэ пуктэмын «Спящая красавица» балет.
- 1892 — Джеймс Нейсмит баскетболэн шудонъя 13 правило гожтыса печатлаз.
- 1919 — Америкаысь Бостон кар патокаен согемын вал.
- 1920 — арестовать каремын Россилэн Вылӥ Правителез — адмирал А. В. Колчак.
- 1936 — Испаниын Калык фронт кылдытэмын.
- 2001 — «Википеди» сайт ужаны кутскиз.
- 2006 — Музъем вылэ берытскиз «Стардаст» аппаратлэн инсьӧр тырметэн тырмытэм капсулаез.
Вордӥськизы
- Удмуртиысь тодмо муртъёс
- 1920 — Олег Севрюков, Ижысь шаерчи, историк, коллекционер, ожысь ветеран.
- 1925 — Василий Захаров, удмурт кылчи, Быдӟым Атыкай оже пыриськись, УАССР-ысь Верховной Советлэн тӧроез (1967—1971).
- 1937 — Мария Ишматова, Завьял ёросысь журналист но шаерчи.
- 1947 — Николай Кузнецов, удмурт журналист, гожъясьчи-документалист.
- Россиысь но дуннеысь тодмо муртъёс
- 1622 — Мольер (зэмос нимыз Жан Батист Поклен), Франциысь драматург, актёр.
- 1795 — Александр Грибоедов, ӟуч гожъсьчи.
- 1850 — Софья Ковалевская, ӟуч нылкышно математик.
- 1891 — Осип Мандельштам, ӟуч кылбурчи.
- 1918 — Гамаль Абдель Насер, Египетлэн кыкетӥ президентэз, Совето Союзлэн Героез.
- 1929 — Мартин Лютер Кинг, Америкаысь вӧсьчи, сьӧд куо американецъёслэн граждан правооссы понна нюръяськись.
- 1936 — Петер Домокош, венгер литературовед, удмурт но мукет финн-угор литератураосты эскерись, Будапешт университетысь профессорез.
- 1945 — Максим Дунаевский, Россиысь композитор.
- 1966 — Егор Кончаловский, Россиысь режиссёр, актёр, сценарист но продюсер.
Кулӥзы
- Удмуртиысь тодмо муртъёс
- 2009 — Вероника Дударова, Россиысь нырысетӥ нылкышно-дирижёр, УАССР-ысь калык артист.
- Россиысь но дуннеысь тодмо муртъёс
- 1762 — Граф Шувалов, Пётр Иванович (ворд. 1711-тӥ арын Санкт-Петербургын) — Елизавета Петровна императрицалэн кивалтонэзлэн пумаз ӟуч правительстволэн йырыз вал, Россиысь генерал-фельдмаршал, конференц-министр, камергер, сенатор, реформатор но изобретатель. Андрей Шувалов писательлэн атаез, ӵапак со мукет Шувалов графъёслы кутскон сётӥз.
- 1919 — виемын:
- Роза Люксембург, Германиысь коммунист, марксист теоретик, публицист.
- Карл Либкнехт, Германиысь коммунистической партиез кылдытӥсьёс пӧлысь одӥгез.
- 1958 — Евгений Шварц, ӟуч совето гожъясьчи.
- 2015 — Римма Маркова, СССР-ысь но Россиысь актриса, Россиысь калык артист.
- 2018 — Виктор Анпилов, Россиысь коммунист, «Трудовая Россия» мынэтэн кивалтӥсь.
