8-тӥ пӧсьтолэзь — Григориан дырпусъя — арлэн 189-тӥ нуналыз (касьян аре — 190-тӥез). Ар пумозь 176 нунал кылемын.
☀️ Ижкарын Шунды 3 час 41 минутэ ӝужа, пуксе 21 час 13 минутэ. Югыт нуналлэн кыстӥськемез 🕒 17 час 32 минут.
🌗 Берпуметӥ ньыльмосэз (будэмез 22.90 нунал).
Нунал тодметъёс
- Пётрлэн но Феврониялэн нуналзы (ӟуч: День Петра и Февронии). Та нунал сӥземын кузпалъёслы, семьялы. Кузпалъёс ог-огзылы тӧдьысяська кузьмало, сое быдэс нунал бордазы нулло, нош ӝыт соин чай парыса юо[1].
- Туннэ зориз ке ― чечы трос люкаськоз.
- Шундыӝужан палась пельтӥсь тӧл зор-кот вае.
Нимнуналзэс пусъё
- Константин, Леонид, Пётр, Фёдор, Давид.
Ижысь аэропортлэн регистраци залэз
Париж Монпарнас башня йылысен
Праздникъёс но буре ваён нуналъёс
— Аллергиен нюръяськонлы сӥзем дунневыл нунал (ӟуч: Всемирный день борьбы с аллергией)[2].
Йӧскалык праздникъёс
Тумошо праздникъёс
- Инсьӧрулосэн вераськон нунал.
- Ватос шедьтон нунал.
Луэм учыръёс
Удмуртиын
Россиын но дуннеын
Петербургысь Исаакиевской собор
- 52-тӥ ар асьме вапумозь — Парижез инъян нунал (Лютеция).
- 1659 — Крым бигеръёс но Польша пала кариськем казакъёс ӟуч конницаез пазьгизы.
- 1709 — Полтавской ож [ӟуч] (удм.: Уйпал войналэн тужгес валтӥсез ожез ортчиз.
- 1819 — Петербургын архитектор Огюст Монферранлэн проектэзъя пуктыны кутскемын Исаакиевской собор.
- 1901 — Франциысь каръёсын автомобильёслэн ветлон ӝоглыксылы часкын 10 иськемлэсь трос лэземын ӧвӧл.
- 1920 — Англилэн колониез, Шундыӝужанпал Африка, Кения шуыса нимамын.
- 1944
- Миасс каре эвауировать карем ЗИС [ӟуч] (удм. заводын поттэмын нырысетӥез автомобиль.
- СССР-ысь Вылӥ Кенешлэн Президиумезлэн Косэтэзъя, «Мать-героиня [ӟуч] (удм.» дано ним но «Материнская слава» орден но «Медаль материнства» юнматэмын.
- 1945 — Быдӟым Атыкай ож бере Крымысь астрофизикая обсерватория тупатэмын.
- 1969 — Вьетнам ож: американ войскоос Лымшор Вьетнамысь поттыны кутскемын.
- 1974 — ЦК КПСС Байкал-Амур магистральлы (БАМ-лы) лэсьтӥськон проект юнматӥз.
- 1981 — «Юнона и Авось» мюзикллэн «Ленкомын» премьераез ортчиз.
- 1998 — Ларри Пейдж «to google» глаголэз калык пӧлы лэзиз.
- 2003 — Ужаны кутскиз Венгер Википедия.
Вордӥськизы
Удмуртиысь тодмо муртъёс
Россиысь но дуннеысь тодмо муртъёс
- 1621 — Жан де Лафонтен, Франциысь кылбурчи, басня гожъясь.
- 1838 — Фердинанд фон Цеппелин, Германиысь дирижабльёс кылдытӥсь, граф.
- 1839 — Джон Рокфеллер, Америкаысь промышленник.
- 1894 — Пётр Капица, совето физик, академик, Нобель премилэн лауреатэз (1978).
- 1926 — Александр Матвеев, Россиысь кылчи, финн-угор кылтодонъя тодмо ӧнерчи.
- 1938 — Андрей Мягков, театрын но киноын шудӥсь актёр, РСФСР-ысь калык артист.
- 1950 — Константин Райкин, театрын но киноын шудӥсь актёр, «Сатирикон» театрлэн чеберлыкъя кивалтӥсез.
- 1952 — Карен Шахназаров, Россиысь кинорежиссёр, сценарий гожъясь но продюсер.
- 1963 — Дмитрий Певцов, Россиысь актёр.
- 1974
- Жанна Фриске, Росси эстрадаысь кырӟась, телепередачаосты нуись, актриса.
- Диана Арбенина, кырӟась, музыкант, «Ночные снайперы» группалэн азьветлӥсез.
Кулӥзы
Удмуртиысь тодо муртъёс
Россиысь но дуннеысь одмо муртъёс
- 1695 — Христиан Гюйгенс, Нидерландысь математик, физик, механик но астроном.
- 1721 — Элайху Йель, Великобританиысь вузкарись, Мадраслэн губернаторез, Йель университетэз кылдытӥсь.
- 1932 — Александр Грин, ӟуч гожъяськись.
- 1946 — Александр Александров, крезьгурчи, СССР-лэн гимнэзлы крезьгур гожтӥсь.
- 1994 — Ким Ир Сен, Кореяысь кун ужчи, Кореяысь трудовой партилэн генеральной секретарез (1946-тӥ арысен).
Валэктонъёс
