18-тӥ пӧсьтолэзе
|
|||||||||||||||||||||||||||||||||||||||||||
| 2025-тӥ ар | |||||||||||||||||||||||||||||||||||||||||||
18-тӥ пӧсьтолэзе — Григориан дырпусъя — арлэн 199-тӥ нуналыз (касьян аре — 200-тӥез). Ар пумозь 166 нунал кылемын.
Нунал тодметъёс
- офоньлэн нуналыз ӟуч: Афанасьев день, мукет нимыз ― Толэзь праздник ӟуч: Месяцев праздник. Та уе, пе, чаклало, кызьы «шудэ» Толэзь: интыысь интые тэтча, тус буёлзэ вошъя, пилемъёс сьӧры ватске но нош потэ ― озьы, пе, со шулдыръяське, праздниксэ пусъе. Толэзьлэн сыӵе шудэмез урожайлэсь ӟечлыксэ возьматэ. Уката ик толэзь яркыт адске ке, сӥзьыл кӧс но шуныт луоз, шуо[1].
- Туннэ пилемъёс ӵужпыръемесь ке — ӝоген зороз.
- Туннэ зориз ке ― матысь арняосы куазь шулдыр улоз.
Нимнуналзэс пусъё
- Анна, Арсений, Афанасий, Варвара, Василий, Елизавета, Кирилл, Сергей, Степан, Тихон.
Праздникъёс но буре ваён нуналъёс
ООН — Нельсон Манделалэн калыккуспо нуналыз, ӟуч: Международный день Нельсона Манделы
Йӧскалык праздникъёс
Россия — Тылпу потонэз чаклась кун ёзэсъёслэн кылдон нуналзы[2], ӟуч: День создания органов государственного пожарного надзора
Уругвай — Конституцилэн нуналыз, ӟуч: День Конституции
Франция — Вӧсьлыко Арнульфлэн нуналыз, ӟуч: День Святого Арнульфа (католич.)
Швейцария — Вербьеысь классической крезьгурлы сӥзем фестиваль[3], ӟуч: Фестиваль в Вербье
Тумошо праздникъёс
- Зор ултӥ поръян нунал, ӟуч: День гуляния под дождём
- «Тетрис» шудонлэн вордӥськон нуналыз, ӟуч: День рождения игры «Тетрис»
- Адӟем карымон семьялэн нуналыз, ӟуч: День идеальной семьи
Луэм учыръёс
Удмуртиын
2014 — Шаркан ёросысь Быгы гуртын нырысьсэ йӧскалык сиён-юонъя «Быг-Быг» калыккуспо фестиваль ортчиз. Табере со арлы быдэ радъяське, котыраз арысь аре уногес куноосты люка.
- 1951 — Пудэм черкогурт город типъем посёлоклы пӧрмытэмын.
Россиын но дуннеын
- 64 — Нерон император кузёяськон вакытэ Римын быдӟым тылпу потӥз, соин сэрен кар быдэсак сямен ӝуаса быриз (Великий пожар Рима).
- 1290 — Эдуард I еврейёсты Англиысь уллян сярысь косон поттӥз.
- 1325 — Тескоко ты шорын ацтек империлэн Теночтитлан шоркарез инъямын.
- 1770 — Ӟуч арми, Румянцев кивалтэм улсын, Ларге шур дурын турок армиез пазьгиз (Битва при Ларге).
- 1790 — Екатерина II А. Радищевез, «Путешествие из Петербурга в Москву» произведенилэсь авторзэ, Пугачёвлэсь но кышкытгес шуиз.
- 1792 — Ӟуч арми армии, генерал Каховский кивалтэм улсын Дубенкой котырын польско-литовской армиез (Костюшко) быдэсак пазьгиз (Битва под Дубенкой).
- 1878 — Адольф Норденшёльд нырысьсэ Уйпал зарезь сюресэтӥ Атлантикаысь Чус океанэ потӥз.
- 1898 — Пьер но Мария Кюри, уран сяна, мукет но радиоактивной элементъёс вань на шуыса, доклад лэсьтӥзы.
- 1925 — Адольф Гитлерлэн Mein Kampf книгаез поттэмын.
- 1945 — РСФСР-ын кылдытэмын Дарвин нимо кун инкуазь биосферной заповедникез.
- 1954 — СССР-ысь школаосын уртче дышетскон тупатэмын.
- 1958 — Печате сётэмын Анна Ахматовалэн кылбур бичетэз, кема аръёс ӵоже Ахматовалэн творчествоез алэмын вал.
- 1959 — Ереванын Климент Ворошилов Армян ССР-лы Ленин орден сётӥз.
- 1968 — «Intel» компания кылдытэмын.
- 1974 — Константинов поляк черкогуртын пуктэмын Музъемысь со вие тужгес но ӝужытэз сооружение ― Варшавской радиомачта.
- 1976 — нырысьсэ Олимпи шудонъёслэн историязы Надя Команечилы гимнасткалы дас балл пуктэмын.
- 1994 ― 63 аресъем кышномурт нылпи ваем, та рекорд 2005-тӥ арозь возиськиз.
- 2000 — Лондонын Джон Леннонлы синпелет усьтэмын.
Вордскизы
- 1946 — Светлана Калинина, удмурт эмтодосчи, кардиолог.
- 1821 — Полина Виардо-Гарсиа, Франциысь кырӟась (меццо-сопрано), романсъёслэн, комической операослэн авторзы.
- 1839 — Иван Куратов, коми литератураез инъясь, коми кылбурчи.
- 1853 — Хендрик Лоренц, Голландиысь физик, Нобель премилэн лауреатэз (1902).
- 1883 — Лев Каменев (зэмос фамилиез Розенфельд), совето партийной ужась.
- 1909 — Андрей Громыко, совето политик но кун ужась, СССР-ысь кунсьӧр ужъёсъя министр.
- 1918 — Нельсон Мандела, апартеидлы пумит нюръяськись, ЮАР-лэн президентэз (1994—1999 аръёсын).
- 1921 — Джон Гленн, США-ысь нырысетӥ астронавт.
- 1932 — Евгений Евтушенко, ӟуч совето кылбурчи, проза гожъясь, публицист, режиссёр, сценарист.
- 1956 — Любовь Казарновская, СССР-ысь но Россиысь оперной кырӟась (сопрано), педагог, профессор.
- 1967 — Вин Дизель, Америкаысь актёр, сценарист, режиссёр но продюсер.
- 1995 — Марина Бех-Романчук, украин легкоатлет.
Кулӥзы
- 1610 — Микеланджело Караваджо, Италиысь живописец.
- 1708 — Кондратий Булавин, Донысь казакъёслэн войсковой атаманзы, крестьян бугыръяськонлэн азьветлӥсез.
- 1817 — Джейн Остин, Англиысь гожъясьчи, шундыпуксёнпал литератураысь классик.
- 1927 — Василий Поленов, ӟуч художник-передвижник, РСФСР-ысь Калык художник.
- 1952 — Захар Дорофеев, мокша кылбурчи, кылысь кылэ берыктӥсь, фольклор люкась.
- 1978 — Евгений Кибрик, СССР-ысь Калык художник.
- 2005 — Анатолий Уваров, удмурт кылбурчи, литературатодосчи, кылысь кылэ берыктӥсь.