5-тӥ оштолэзь — Григориан дырпусъя — арлэн 95-тӥ нуналыз (касьян аре — 96-тӥез). Ар пумозь 270 нунал кылемын.
☀️ Ижкарын Шунды 5 час 43 минутэ ӝужа, пуксе 19 час 10 минутэ. Югыт нуналлэн кыстӥськемез 🕒 13 час 26 минут.
🌖 Синӥсь Толэзь (будэмез 17.49 нунал).
Нунал тодметъёс
- Калык чакланъёсъя, туннэ, пе, кенӟали сайка. Муш поттон нунал. Озьы ик та нуналысен куд-ог интыосын мерттӥськыны кутско.
- Туннэ гудыртӥз ке ― гужем кезьыт луоз.
- Коӵыш ассэ укылтэм возе ке ― куазь урод луоз, зороз.
- Ву шуръёсын ӧз на ке ӝутскы ― гужем пӧсь луоз.
Нимнуналзэс пусъё
- Алексей, Амфилохий, Анастасия, Боголеп, Варвара, Василий,Вассиан, Георгий, Евсевий, Илья, Кронид, Лидия, Лука, Макарий, Македон, Мария, Никон, Пелагея, Сергей, Стефан, Феодосия, Феопрепий, Филит.
Праздникъёс но буре ваён нуналъёс
Луэм учыръёс
Удмуртиын
- 1918 — Вотской облисполкомлэн Ижысь ужась, крестьян калыклэн но солдат депутатъёслэн Кенешсылэн Административной отделэз улсын вордӥськем, кузпалъяськем но кулэм сярысь тодэтъёсын вырись ёзэт кылдытэмын (али карысь ЗАГС).
Россиын но дуннеын
«АвтоВАЗ» — Волжской автомобильной завод (ВАЗ)
«Лукойллэн» Москваысь валтӥсь офисэз
- 1242 — Чудской ты вылын Йӧ ожмаськон.
- 1453 — Турциысь султан Мехмед II Константинополез котыртыны кутскиз.
- 1722 — Якоб Роггевен европеецъёс пӧлысь нырысетӥез Пасха шормуӵлэн ярдураз лёгиськиз.
- 1812 — Россия но Швеция Францилы пумит огазеяськон сярысь тупанкыл гожтӥзы.
- 1815 — Сумбава шормуӵысь Тамбора тылгурезьлэн туж зол кисьтӥськонэз арня пала кыстӥськиз. 92000 адями бырыны шедиз.
- 1896 — Афины карын нырысетӥ Олимпи шудонъёс кутскизы.
- 1899 — нырысьсэ поттэмын В. И. Ленинлэн «Развитие капитализма в России» нырысетӥ книгаез.
- 1918 — япон ожгарчиос Владивостоке пуксизы.
- 1930 — СССР-ысь ЦИК-лэн Пуктэмезъя Ленин но Горд Кизили орденъёс кылдытэмын.
- 1941
- Немец но итальян ожгарчиос Югославиез но Грециез киултӥзы.
- СССР но Югославия куспын эшъяськон сярысь тупанкыл гожтэмын.
- 1942
- Адольф Гитлер немец наступленилэн валтӥсь мугез — кавказ мувӧез киултон шуыса ялӥз.
- 1955 — 80 аресъем сэр Великобританилэн премьер-министрез Уинстон Черчилль отставкае потӥз.
- 1970 — СССР-ысь Кивалтэтлэн пуктэмезъя, Адольф Гитлерлэн но Ева Браунлэн шӧйёссы сюйысь поттыса сутэмын.
- 1977 — Волжской автозаводлэн конвейерысьтыз нырысетӥез ВАЗ-2121 «Нива» автомобиль потӥз.
- 1993 — РФ-ысь Кивалтэтлэн Пуктэмезъя, мувӧй поттӥсь «Лукойл» компани кылдытэмын.
- 1998 — Акаси-Кайкё — дуннеысь тужгес кузез ошкись выж усьтэмын.
- 2007 — Санторини ярдуръёс котырын «Sea Diamond» круизной лайнер выйиз.
Вордӥськизы
Удмуртиысь тодмо муртъёс
Россиысь но дуннеысь тодмо муртъёс
- 1588 — Томас Гоббс, Англиысь философ-материалист но математик.
- 1649 — Элайху Йель, вузкарись, Мадраслэн губернаторез, данлыко американ университетэз кылдытӥсь.
- 1893 — Клас Тунберг, Финляндиысь конькиен бызьылӥсь, вить полэс олимпи чемпион.
- 1903 — Вера Белицер, ӟуч этнограф, Волга-Урал котырысь калыкъёслэсь материальной культуразэс (уката ик дӥськутсэс) эскерись.
- 1920 — Артур Хейли, Америкаысь гожъяськись.
- 1937 — Колин Пауэлл, Америкаысь кун но ожгар ужась.
- 1942 — Питер Гринуэй, Великобританиысь кинорежиссёр, сценарист, гожъяськись, суредась.
- 1962 ― Кирсан Илюмжинов, Калмыкилэн президентэз (1995—2010), ФИДЕ-лэн президентэз (1995 арысен).
- 1969 — Эвелина Блёданс, Россиысь актриса, кырӟась, телепередачаосты нуись.
Кулӥзы
Удмуртиысь тодмо муртъёс
- 2014 — Воскресенский, Александр Васильевич (ворд. 1928-тӥ арын 29-тӥ толшоре Кострома губерниысь Чухломской уездысь Пуминово гуртын) — совето инженер, ракета техникалы тӥрлыкез промышленной производствое радъясь-поттӥсь, Ижысь электромеханикая «Купол» заводлэн директорез (1964—1988). Социалистической Ужысь Герой (1971), СССР-ысь Кун премилэн лауреатэз (1978).
- 2025 — Пантелей Николаевич Кузнецов (ворд. 1937-тӥ арын 24-тӥ шуркынмонэ Алнаш ёросысь Сизьгуртын), Удмуртиысь дано крезьгурчи, кылбурчи, инструменталист. 11 сюрслэсь трос кырӟанъёслэн авторзы. Удмурт Элькунысь но Росси Федерациысь лулчеберет удысысь дано ужась. Трокай Борисов нимо премилэн но Кузебай Герд нимо йӧскалык премилэн лауреатэз. Ува ёрослэн дано муртэз. Крезьгурчилэн нимыз «Удмурт Элькунлэн Энциклопедияз» пыртэмын.
Россиысь но дуннеысь тодмо муртъёс
- 1870 — Вера Лядова, опереттаын, драмаын но балетын шудӥсь-эктӥсь ӟуч артист.
- 1887 — Иван Крамской, ӟуч живописец но суредась.
- 1964 — Дуглас Макартур, Америкаысь ожйыр, США-ысь армилэн генералэз.
- 1975 — Чан Кайши, Китайысь ожгар ужась но политик.
- 1976 — Говард Хьюз, Америкаысь ужбергатӥсь, инженер, режиссёр, продюсер.
- 1977 — Юрий Завадский, Россиысь актёр но режиссёр, СССР-ысь калык артист, профессор.
- 1994 — Курт Кобейн, «Nirvana» рок-группаысь кырӟась.
— Шыдлымлэн дунневыл нуналыз.
Малайзия, 
Гонконг, 
Макао, 
Китай Республика — Цинмин (Кулэмъёсты буре ваён нунал).
Республика Корея — Писпу мерттон нунал.
США — Унябейлэн нуналыз.
Индия — Зарезь нунал.
