19-тӥ тулыспал — Григориан дырпусъя — арлэн 50-тӥ нуналыз. Ар пумозь 315 нунал кылемын (касьян аре — 316 нунал).
☀️ Ижкарын Шунды 7 час 32 минутэ ӝужа, пуксе 17 час 22 минутэ. Югыт нуналлэн кыстӥськемез 🕒 9 час 49 минут.
🌒 Егит Толэзь (будэмез 2.02 нунал).
Нунал тодметъёс
- Удмурт калык календаръя туннэ Туно-пеллё нунал. Ӟуч калыкын Вукола Телятник шуо. Таза луон понна туннэ йӧлын ӝук сиыны дэмлало.
- Вуколае куазь кезьыт ке — тулыс шулдыр луоз, гужем пӧсь но кезьыт возиськоз.
- Туннэ кезьыт ке — южтолэзь шуныт луоз.
Нимнуналзэс пусъё
- Александр, Анатолий, Варсонофий, Василий, Вукол, Дмитрий, Дорофея, Евиласий, Иван, Каллиста, Ликарион, Максим, Мария, Марфа, Севастьян, Силуан, Фавст, Фавста, Феофил, Фотий, Кристина, Юлиан.
Праздникъёс но буре ваён нуналъёс
― Китъёслэн но дельфинъёслэн дунне нуналзы.- Россия
Россия — Орнитологлэн нуналыз.
- Армения
Армения — Книга кузьман нунал.
Луэм учыръёс
Удмуртиын
- 1937 — УАССР-ысь Калык Комиссаръёслэн Кенешсы улсын Сиён-юон поттонъя управление кылдытэмын; куартолэзьысен — УАССР-ысь Сиён-юон поттонъя калык комиссариат, собере УАССР-ысь Сиён-юон поттонъя министерство шуыса нимаськиз.
- 1946 — Ижысь Карл Маркс урамын кар драмтеатрлэн (Удмурт Элькунысь драмая ӟуч кун театр) юртэз усьтэмын.
- 2008 ― удмурт шоркарын нырысьсэ усьтӥськиз цирк устолыкъя калыккуспо фестиваль.
Россиын но дуннеын
Вордскизы
Удмуртиысь тодмо муртъёс
Россиысь тодмо муртъёс
- 1473 — Николай Коперник, поляк астроном.
- 1859 — Сванте Август Аррениус, Швециысь физик но химик, Нобель премилэн лауреатэз (1903 ар).
- 1899 — Юрий Олеша, ӟуч совето гожъяськись, проза гожъясь, кылбурчи, драматург, сатирик.
- 1920 — Яан Кросс, эстон гожъяськись.
- 1937 — Борис Пуго, совето кун но политика удысысь ужчи.
- 1940 — Сапармурат Ниязов, Туркменилэн нырысетӥ президентэз.
- 1945 — Юрий Антонов, кырӟась но крезьгурчи, Россиысь Калык артист.
- 1956 — Олег Митяев, бард, Россиысь Калык артист.
- 1963 — Seal, Великобританиысь кырӟась.
- 1967 — Бенисио дель Торо, Голливудысь актёр, «Оскар» премилэн лауреатэз.
- 1979 — Витас, Россиысь кырӟась но крезьгурчи.
Кулӥзы
Удмуртиысь тодмо муртъёс
Россиысь тодмо муртъёс
- 1897 — Карл Теодор Вильгельм Вейерштрасс, Германиысь математик.
- 1920 — Пётр Кащенко, ӟуч психиатр.
- 1948 — Павел Рыбалко, совето ожйыр, Совето Союзлэн кык полэс Героез.
- 1997 — Дэн Сяопин, китай политик.
- 2000 — Анатолий Собчак, профессор, Санкт-Петербурглэн азьвыл йырыз.
- 2008 — Егор Летов, совето но ӟуч рок крезьгурчи, «Гражданская оборона» группалэн валтӥсез.
- 2016 — Умберто Эко, Италиысь тодосчи, философ, историк, литература дунъясь.
