31-тӥ южтолэзь — Григориан дырпусъя — арлэн 90-тӥ нуналыз (касьян аре — 91-тӥез). Ар пумозь 275 нунал кылемын.
☀️ Ижкарын Шунды 5 час 55 минутэ ӝужа, пуксе 18 час 58 минутэ. Югыт нуналлэн кыстӥськемез 🕒 13 час 2 минут.
🌔 Йылӥсь Толэзь (будэмез 12.49 нунал).
Нунал тодметъёс
- Тэлетӥ кошкись тудвуэз юоно, шуо калыкын. Туннэ бакча котырын ужаны тупась нунал. Туннэ куное ветлыны уг лэзё, шуддэ мурт корка кельтод, шуо.
- Вукуарсяська усьтӥськиз ке ― оштолэзь шуныт луоз.
- Туннэ лымы усиз ке ― гужем кезьыт луоз.
- Тылобурдоос пукись вуын пыласько ке ― шуныт кариськоз.
Нимнуналзэс пусъё
- Анин, Дмитрий, Евкарпий, Кирилл, Наталия, Трофим.
Праздникъёс но буре ваён нуналъёс
— Резервной копированилэн калыккуспо нуналыз (бэкaп).- Сям-йылолъёслы сӥзем калыккуспо нунал.
Мальта — Эриклык басьтон нунал.- Австралия
Австралия — Бускельлэн нуналыз.
- Эйфелевой башнялэн нуналыз.
Луэм учыръёс
Удмуртиын
- 1910 — Сарапул карысь Дума Ву кыскон станциез уже кутонъя постановление юнматӥз. Сое пуктон понна Сарапул карлэн йырыз Павел Башенин Пётр Столыпин премьер-министрен пумиськиз но выль водопроводлы но электростанцилы 27 арлы 5 процентэн гинэ 380 сюрс манет тыр куриз. Архитекторез — Павел Трубников.
- 1945 — Кузон чугун сюреслэн кивалтӥсезлэн косэмезъя Ижевск станциын Горьковской чугун сюреслэн ёзэтэз кылдытэмын.
- 1949 — Ижысь ипподром усьтэмын.
- 1965 — Ижкарын Удмурт Элькунысь йӧскалык банк усьтэмын.
- 1994 — Удмурт кун университетын Вылӥ нылкышно курсъёслэн инъет вылазы Социальной коммуникациосъя институт кылдытэмын.
- 2009 — Удмуртиысь егитъёслэн парламентсылэн нырысетӥ составез люкамын.
Ӟуч армия Париже пыре, 1814-тӥ ар
Россиын но дуннеын
- 1492 — Испаниын шараямын Альгамбрской эдикт — кунысь еврейёсты уллян сярысь косэт.
- 1814 — 2 часэ ӵукна Лавилет улон интыын Парижлэн капитуляциез сярысь ялэмын. Француз шоркаре Александр I кивалтэм улсын ӟуч войско пыриз.
- 1856 — Еврейёс Росси империлэн флотаз службазэз нуонлэсь алэмын.
- 1889 — Парижын сӥё-дано усьтэмын Эйфель башня. Солэн конструкторез Гюстав Эйфель башнялэн йылаз Францилэсь флагзэ юнматӥз. Со вакытэ отчы тубатъёс кузя гинэ тубыны луэ вал.
- 1893 — Американец Уиткомб Джадсон выль бирдыяськон амал ― «молния» кылдытӥз.
- 1901 — нырысетӥез «Mercedes-Benz» автомобиль поттэмын.
- 1909 — калыкез нуон-ваён лайнер «Титаник» инъямын.
- 1917 — США 25 млн долларен Данилэсь Вест-Индиысь музъемъёсты басьтӥз.
- 1923 — Нью-Йоркын нырысьсэ эктон марафон ортчиз. Вормисе потӥз Алма Каммингс, 27 час пыд вылаз сылыны чидаз.
- 1936 — Мюнхенын дегенеративной искусствоез (сюрреализм, импрессионизм, абстракционизм но мукет) адӟытон усьтӥськиз.
- 1940 — Карело-Финн ССР Совето Союзлэн дас кыкетӥ кунэз луиз.
- 1943
- 1954 — СССР-лэсь НАТО-е пырыны мылкыд каремезлы Североатлантической альянс пумит луиз.
- 1965 — СССР-ын лэземын нырысетӥез экспериментальной геотермальной электростанция (Камчатка).
- 1966 — Байконур космодромысь«Молния» ракета-носитель лэземын , кудӥз Луна-10 советоавтоматической межпланетной станциез Толэзе лобон траекторие поттӥз.
- 1967 — Францилэн НАТО-ысь потэмез бере, военной организацилэн штаб-квартираез Париж-ысь Бельгилэн шоркараз Брюсселе выжтэмын.
- 1992 — Башкир АССР Башкортостан Республика нимамын.
- 2005 — Майкл Браун профессорлэн кивалтэмез улсын шедьтэмын туж пичи инсьӧрму Макемаке.
Вордскизы
Удмуртиысь тодмо муртъёс
- 1946 — Валерий Митрофанов, удмурт хормейстер, дышетӥсь но мерлыко ужчи.
Россиысь но дуннеысь тодмо муртъёс
- 1596 — Рене Декарт, Франциысь философ, математик, физик.
- 1685 — Иоганн Себастьян Бах, быдӟым немец крезьгурчи но органэн шудӥсь.
- 1732 — Франц Йозеф Гайдн, Австриысь крезьгурчи.
- 1872
- Сергей Дягилев, ӟуч меценат, продюсер.
- Александра Коллонтай, революционер, совето политик, дуннеысь нырысетӥез нылкышно-посол.
- 1882 — Корней Чуковский (зэмос нимыз Николай Васильевич Корнейчуков), нылпиослы гожъясьчи, критик, литературатодосчи, кылысь кылэ берыктӥсь.
- 1939 — Звиад Гамсахурдия, Грузилэн 1-тӥ Президентэз.
- 1948
- Ал (Альберт) Гор, США-ысь кунужчи, вице-президент.
- Владимир Винокур, эстрадаысь артист, РСФСР-ысь Калык артист.
- 1954 — Лайма Вайкуле, эстрадаысь латви кырӟась, актриса.
- 1964 — Александр Турчинов, Украинаысь политик но кунужчи.
- 1971
- 1974 — Натали, Россиысь кырӟась.
- 1981 — Юхо Вехманен, бас-гитараен финн шудӥсь, PMMP группае пыриськись.
Кулӥзы
Удмуртиысь тодмо муртъёс
Россиысь но дуннеысь тодмо муртъёс
- 1727 — Исаак Ньютон, Англиысь быдӟым физик, математик но астроном.
- 1907 — Лео Таксиль, Франциысь гожъясьчи-атеист, журналист но мерлыко ужчи.
- 1943 — Павел Милюков, ӟуч политик, историк но публицист, Временной правительстволэн кунгожсьӧр ужъёсъя министрез.
- 1967
- Александр Бакулев, совето эмтодосчи-хирург, академик.
- Родион Малиновский, совето ожйыр, Совето Союзлэн Маршалэз, СССР-ысь утиськонъя министр, Совето Союзлэн кык пол Героез.
- 1970 — Семён Тимошенко, совето ожйыр, Совето Союзлэн Маршалэз, Совето Союзлэн кык полэс Героез.
- 1983 — Карандаш (зэмос нимыз Михаил Румянцев), клоун, СССР-ысь Калык артист, Социалистической Ужысь Герой.
