Байтеряков, Николай Семёнович

Николай Семёнович Байтеряков
Николай Семёнович Байтеряков
Вордӥськем нуналыз	9-тӥ гудырикошконэ 1923
Вордӥськем интыез	Ӟатча, Варзи-Ятчинская волость[d], Можгинский уезд[d], Удмурт автономной область, РСФСР[d];
Кулон нуналыз	1-тӥ оштолэзе 1997 (73 года)
Кулэм интыез	Можга, Удмурт Элькун, Россия;
Кун	СССР; Россия;
Ужудысэз	кылбурчи
Данъетъёсыз

Файл:Дом Н. Байтерякова.JPG

Н. С. Байтеряковлэн Ӟатчалась вордскем юртэз

Николай Семёнович Байтеряков (9-тӥ гудырикошконэ 1923-тӥ арын Алнаш ёрос Ӟатча — 1-тӥ оштолэзе 1997-тӥ арын Можга) — тодмо удмурт кылбурчи.

Улон сюресэз

Вордӥськиз 9-тӥ гудырикошконэ СССР-ысь Гожъяськисьёслэн Союззылэн вылӥ литературая курсъёсазы. 1974-тӥ арысен рос-прос кырмиське литература удыс борды.

Кылбур дуннее кыстӥськон мылкыдыз ӝутӥськиз, Можгаын дышетскыкуз. Нырысетӥ кылбурзэ — «Тямыс март» — печталаз «Дась лу!» газетын. Нош 1953-тӥ арын потӥз нырысетӥез книгаез — «Кылбуръёс», 1992-тӥ арын кыкетӥез — «Луысал ке ваньзэ вераме». Чуръёссэ ӟуч кылэ берыктыса, вордӥсько «Вдоль серебряной Варзи», «Черёмуха в цвету», «Над родником» книгаосыз. Автор улэп дыръя лыдӟисьёс кие вуиз солэн 11 кылбур бичетэз. В. Семакин, О. Поскрёбышев, В. Емельянов но мукетъёсыз. Пусъёно: кылбуръёсыз 25 пӧртэм кунсьӧр кылъёсы берыктэмын! Ужъёсыз печатласькизы литературалы сӥзем журналъёсын — «Нева», «Дружба народов», «Волга», «Урал», «Наш современник», «Полымя». «Эштэрек» поэмазэ лыдӟыны быгатӥзы Венгриын улӥсьёс но.

Николай Байтеряковлэн кылбуръёсаз историысь учыръёс выль сямен вордӥсько кадь, мур шӧдӥсько лирической геройлэн пуш малпанъёсыз, сюлмаськонъёсыз. Кылсярысь, «Солдатъёс ке кошко» поэмаяз котькудӥз сямен герой яркыт но син азе пуктымон возьматэмын. Автор ужъёсаз пыртэ вордскем палъёсызлы синмаськем мылкыдзэ но. Та сяна, «Азвесь лодка», «Вуюись», «Мӧзмон сярысь» кылбуръёссэ лыдӟыса, шӧдыны луэ Байтеряковлэсь мӧзмонзэ, лапкам мылкыдзэ.

1970-тӥ арын Байтеряков басьтӥське нылпиослы веросъёс гожъян борды. Куд-ог ужъёсыз печатласькизы «Марӟан», «Куинь кызьпуос улын», «Сьӧд валъёс» бичетъёсын. «Крезь бурд вылын» но «Кылбуръёс. Поэма» книгаосыз понна Николай Байтеряковлы сётэмын Удмурт АССР-ысь кун премия. Нош 1986-тӥ арын луиз Удмуртиысь калык кылбурчи.

Улонысь кошкиз нырысетӥ ожтолэзе 1997-тӥ арын Можга карын.