Батуев, Эрик

Эрик Батуев
Эрик Батуев
Вордӥськем нуналыз	23-тӥ куарусёнэ 1969
Вордӥськем интыез	Дэри ёрос, Удмурт Автономной Совет Социалист Республика, РСФСР, СССР;
Кулон нуналыз	31-тӥ южтолэзе 2002 (32 года)
Кулэм интыез	Муско, Россия;
Кун	СССР; Россия;
Ужудысэз	гожъяськись, журналист, кылбурчи

Эрик Батуев (зэмос нимыз Валерий Николаевич Батуев; вордиськиз Куштошур) гуртын, Дэри ёросын, Удмурт АССР — кулӥз 31 южтолэзе 2002, Муско) — удмурт кылбурчи, гожъяськись, журналист (дуннелы тодмо луиз «ӟырдыт точкаосысь» репортажъёсыныз).

1975 — дышетскиз Пуро-Можгалась Пичи Пурга ёросысь начальной школаын.

1976—1983 — дышетскиз санаторной школаын Сарапулын (3—4 кл.) Брангуртысь шор ёзо школына (5—6 кл.), собере нош Сарапулын (7—8 кл.)

1980-тӥ аръёслэн кутсконысеныз печатлаз нырысь кылбуръёссэ, веросъёссэ, новеллаоссэ «Дась лу!» газетын.

1984—1987 — дышетскиз Можгаысь ветеринарной техникумын, Можга педучилищеысь литературной кружоке ветлӥз.

1987—1988 — ветеринар луыса ужаз Выль Казьмас гуртын (Дэри ёрос).

1988—1990 — армиын Хабаровской улосвылын.

1991—1996 — дышетскиз МГУ-лэн журналистика факультетаз, 1996—2001 г. — аспирант. Ужаз «Аргументы и факты» газетын. Быръемын вал парламентской корреспондентэ.

1994 — Валерий Батуевез Россиысь писательёслэн Союзззылэн ёзчиез луиз.

1995 — нырысети кылбуръёсын бичетэз потӥз — «Гольык» (Обнаженность). Ветлӥз стажировкае Италие. Командировкаосы сое лэзьязы Югославияе (Косово), Палестинае, Израиле.

1996 — потӥз кылбур бичетэз «Тень моей жизни».

2000 — потӥз кылбур бичетэз «И по венам из сердца уходит любовь…»

2001, 2002 — «Поэты Москвы» антологие (сост. Альмира Уральская) пыризы Валерийлэн кылбуръёсыз

2002 — «Лучшая статья» номинациын Валералэсь Палестина сярысь «Война обетованная» статьязэ журналисткой премииен пусъё.

31 южтолэзе уйин Эрик Батуев виемын вал Мускоын аслаз квартираяз. Соку со «Московские новости» газетын спец-корреспондент луыса ужа вал.

Май 2003 г. — "таланто кылбуръёсыз но яркыт публицистикаез понна, дӥсьтись журналист но поэт луэмез но геройлыкез понна Валерий Батуев (кулэмез бере ини) пусъемын Мускоысь писательёслэн Союззылэн «Венец» премиеныз.

2004 — Удмуртиын Эрик Батуевлэн произведениосыз школьной программае пыртэмын.

2005 — Дэри ёрослэн администрациез котькуд ар сётиськись Эрик Батуевлэн нимо премия сётонэз радъяз.

Кулэмез бере 2 сборникъёсыз поттэмын вал: «Уйшор вуюись» — 2005 арын но «Сюлэмлэн сэрего яръёсыз» — 2009 арын.

Кылбуръёсыз но веросъёсыз печатламын вал таче журналъёсын но газетъёсын: «Книжное обозрение», «Луч», «Смена», «МК-Воскресенье», интернет-изданиосын.

Журналист луыса ужаз «Аргументы и факты», «МК», «Время МН» газетъёсын.

Эрик Батуев сярысь тунсыко фактъёс

Эрик Батуев психоделик пуштросъем рок-музыка бордын ужаз, альбомзэ но поттӥз.
Эрик Батуевлэн удысбураз портэм ӧръёслэн-тулкымъёслэн тодметъёссы огазеяськизы: сюрреализм, постмодернизм, этнофутуризм, реализм но мукет.
МГУ-ысь журналистика факультетэ пырыкуз, со экзаменъёссэ экстернэн сётиз, 4 экзамен одӥг нунал куспын.
Армиын дыръяз со, ветеринар луыса, кунгож дурысь пуныос сярысь сюлмаськоно луылиз.

Чӧлсконъёс