11-тӥ толсуре
11-тӥ толсур — Григориан дырпусъя — арлэн 345-тӥ нуналыз (касьян аре — 346-тӥез). Ар пумозь 20 нунал кылемын.
☀️ Ижкарын Шунды 9 час 0 минутэ ӝужа, пуксе 15 час 53 минутэ. Югыт нуналлэн кыстӥськемез 🕒 6 час 53 минут.
🌑 Выль толэзь (будэмез 1.71 нунал).
|
|||||||||||||||||||||||||||||||||||||||||||
| 2026-тӥ ар | |||||||||||||||||||||||||||||||||||||||||||
| Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур |
Нунал тодметъёс
Ӝакылэн нуналыз (ӟуч: Сойкин день). Та нуналэ ӝакыез адӟид ке, яке укнояд кокаськиз ке — удалтоз, шуо[1]. Нош куаразэ кылыса, сьӧраз вамыштӥд ке, ӝакы шудэд доры сюрес возьматоз, шуо. Вашкалаос солэн бурдъёсыз вылын синучконъёсыз вань шуыса оскылӥзы, отчы учкыса, пе, вуонозэ адӟод шуылӥзы. Озьы ик та нуналэ уксёен тунаськылӥзы: векчи уксёез кырымен лымы букосэ куштыса, одӥген-одӥген поттылӥзы. Нырысь ик бадӟым лыдпусэн шедиз ке — вуоно арын узыр улод, пе[2].
- Туннэ куазь ӟырт кезьыт ке — гужем пӧсь луоз.
- Туннэ трос лымы усиз ке — вуоно гужем урожай удалтоз.
Нимнуналзэс пусъё
- Василий, Григорий, Анна, Николай, Андрей.
Праздникъёс но буре ваён нуналъёс
— Гурезьёслэн калыккуспо нуналзы[3].- Танголэн калыккуспо нуналыз.
- Бронхиальной астмаен нюръяськонлы сӥзем дунневыл нунал.
Йӧскалык праздникъёс
Тумошо праздникъёс
- Калейдоскоплэн нуналыз.
Луэм учыръёс
Удмуртиын
- 1967 — «Удмуртмежколхозлес» кун производственной огазеяськон кылдытэмын.
- 1978 — ужась калыклэн революциын но ужын басьтэм вормонъёссы, фашист Германиез пазьгонэ, ваньбур но чеберет лэсьтӥськонын азинсконъёссы понна Ижкар Октябрь революцилэн орденэныз пусъемын[5].
- 2025 — 12-тӥ шуркынмонысен 11-тӥ толсурозь кыстӥськиз Удмурт Элькунын сӧсыр муртъёслы сӥзем «Согреем мир в лучах добра!» нимо фестиваль[6].
Россиын но дуннеын
- 1618 — Ӟуч эксэйлык но Речь Посполитой куспын Деулинской перемирие ялэмын.
- 1659 — Курляндия голландецъёслы Тобаго шормуӵез сётӥз.
- 1816 — Индиана США-лэн дас укмысэтӥ штатэз луиз.
- 1868 — Петербургын разрывной пуляосыз уже кутонлэсь куштӥськон сярысь декларация кылдытэмын.
- 1927 — Китайысь коммунистъёс Гуанчжоу карез киултӥзы.
- 1931 — Великобритания аслаз доминионъёсызлэсь суверенитетсэс юнматӥз.
- 1941 — Германия но Италия США-лы ож ялӥзы.
- 1946 — ООН улсын ЮНИСЕФ нылпи фонд кылдытэмын.
- 1994 — Нырысетӥ чечен ож кутскиз.
- 2009 — Украинаын Джалыргачской йӧскалык инкуазь парк кылдытэмын.
Вордӥськизы
- Удмуртиысь тодмо муртъёс
- 1953 — Олег Четкарёв, удмурт гожъяськись.
- Россиысь но дуннеысь тодмо муртъёс
- 1843 — Роберт Кох, Германиысь микробиолог, Нобель премилэн физиологияя но медициная лауреатэз.
- 1856 — Георгий Плеханов, марксизмлэн теоретикез но пропагандистэз.
- 1913 — Жан Маре, Франциысь актёр, гожъяськись, суредась, скульптор.
- 1918 — Александр Солженицын, ӟуч гожъяськись.
- 1922 — Николай Озеров, спортсмен, спортивной комментатор, актёр.
- 1949 — Борис Щербаков, актёр.
Кулӥзы
- Удмуртиысь тодмо муртъёс
- 2015 — Фома Ермаков, удмурт литературатодосчи, профессор, академик.
- Россиысь но дуннеысь тодмо муртъёс
- 1718 — Карл XII, Швециысь король (1697—1718), полководец.
- 2012 — Галина Вишневская, СССР-ысь но Россиысь опера кырӟась (сопрано) но театральной режиссёр, СССР-ысь калык артист.
Валэктонъёс
- ↑ 11 декабря: какой праздник сегодня отмечают в России и мире [ӟуч] lenta.ru (11-12-2024). Эскеремын 25-11-2025 арын
- ↑ 11 декабря: какой сегодня праздник, что отмечают в России и мире? [ӟуч] РИА Новости (11-12-2024). Эскеремын 25-11-2025 арын
- ↑ [https://www.un.org/ru/observances/mountain-day Международный день гор 11 декабря] [ӟуч] ООН. Эскеремын 25-11-2025 арын
- ↑ Ирина Макеева (11-12-2024) День 11 декабря в истории [ӟуч] Парламентская газета. Эскеремын 25-11-2025 арын
- ↑ Знаменательные даты в истории города [ӟуч] izh.ru. Эскеремын 25-11-2025 арын
- ↑ С 12 ноября по 11 декабря 2025 года в Удмуртии проходит республиканский фестиваль «Согреем мир в лучах добра!» [ӟуч] Официальный сайт Министерства социальной политики и труда Удмуртской Республики. Эскеремын 25-11-2025 арын