13-тӥ южтолэзь — Григориан дырпусъя — арлэн 72-тӥ нуналыз (касьян аре — 73-тӥез). Ар пумозь 293 нунал кылемын.
☀️ Ижкарын Шунды 6 час 39 минутэ ӝужа, пуксе 18 час 14 минутэ. Югыт нуналлэн кыстӥськемез 🕒 11 час 35 минут.
🌘 Вуж Толэзь (будэмез 24.02 нунал).
Нунал тодметъёс
- Василий Капельник. Тунаськыны тупась нунал. Туннэ лысо писпулэсь вайзэ корка пыртыны дэмлало, со, пе, тазалыкез юнматыны юрттоз, кужым сётоз.
- Та нуналозь липет вылысь лымы шунаса быремын ни ке ― тулысь вазь луоз.
- Йӧ ӟузыриос кузесь ке ― тулыс кема кыстӥськоз.
Нимнуналзэс пусъё
- Авив, Джеральд, Евпраксия/Евфрасия, Леандр, Летиция, Никифор, Родерик.
Праздникъёс но буре ваён нуналъёс
- США
США — Нугылиен но курег сӥльын шыдлэн но кокосовой тортлэн нуналзы.
Люксембург — Тыл фестиваль.- Калмык поэзилэн нуналыз, тужгес яркытэзлэн калмык кылбурчилэн Давид Кугультиновлэн вордӥськем нуналыз.
Гренада — Революци нунал.- США США, Иллинойс — Плутонлэн нуналыз.
Таиланд — Слонлэн нуналыз.
Луэм учыръёс
Удмуртиын
- 1899 — уйпал Удмуртия пыртӥ Пермьысен Ваткаозь но Котласозь поездъёслэн мынон-ветлонзы усьтэмын.
- 1944 — командованилэсь косэтъёссэ быдэсъякуз, кышкасьтэм но геройлыко луэмез понна, гвардиысь майорлы Василий Михайлович Обуховлы Совето Союзлэн Героез ним сётэмын но Ленин нимо орденэн но «Зарни Кизили» медален пусъемын.
- 1947 — Воткаысь машина лэсьтон заводын сюбег чугун сюрес вылэ нырысетӥез паровоз пуктэмын.
- 1973 — Удмурт АССР-ысь Крезьгурчиослэн союззы кылдытэмын.
Александр II вылэ урдӥськон
CCCH-ысь КГБ-лэн Шор аппарат юртэз
Ӵошатсконэ пыриськем роботъёс пӧлысь одӥгез, 2007-тӥ ар
Россиын но дуннеын
- 1656 — Выль Амстердамын (али Нью-Йорк) еврейёслы синагогаос пуктылыны лэзьымтэ.
- 1781 — Уильям Гершель ас киыныз лэсьтэм телескопез пыр Шунды сӧзнэтысь Уран инсьӧрмуэз (азьло тодмотэм планетаез) шедьтӥз но сое быжо кизили шуыса гожтӥз.
- 1845 — Фердинанд Давид нырысьсэ шудӥз Феликс Мендельсонлэсь скрипкалы но оркестрлы гожтэм концертсэ.
- 1881 — Народоволецъёс пуштытыса Александр II ӟуч эксэез виизы.
- 1917 — Петроградын «Известия» газетлэн нырысетӥ номерез потӥз.
- 1920 — Горд Армиысь ожгарчиос Мурманскез тӧдьыослэсь но американо-английской интервентъёслэсь мозмытӥзы.
- 1930 — Мускоысь уже интыяськонъя биржа ворсаськиз. Берпуметӥзэ уже ыстон слесарьлы Михаил Шкуновлы сётэмын вал. Озьы, Совето Союз луиз дуннеысь нырысетӥез кун, кудаз ужлы ёрмон быдтэмын вал.
- 1938 ― СССР-ысь вань школаосын ӟуч кылэз дышетон предмет пыртэмын.
- 1943 — Гитлеровецъёс Краковысь геттоез быдтон борды басьтӥськизы.
- 1944 — В. Ф. Маргеловлэн 49-тӥ гвардейской стрелковой дивизиез но В. П. Дорофеев полковниклэн 295-тӥ стрелковой дивизиез немец оккупацилэсь Херсон карез мозмытӥзы.
- 1954 — СССР-лэн Кышкыттэмлыкъя кун комитетэз кылдытэмын.
- 1961 ― 79 аресъем Пабло Пикассо 37 аресъем Жаклин Рокез кышно басьтӥз.
- 1970 — КГБ-ен кивалтӥсь Юрий Андропов Гитлерлэсь но Геббельслэсь Магдебурге лушкем ватэм лысьӧмъёссэс быдтон сярысь Косэт гожтӥз.
- 1974 — Парижын Шарль де Голль нимо аэропорт усьтэмын.
- 1979 — ужаны кутске Европейской валютной система.
- 1988 ― дуннеысь тужгес кузез Сэйкан ― вуул тоннель усьтэмын (53,85 км, Хонсю — Хоккайдо).
- 2004 ― роботъёслэн нырысетӥез ӵошатсконзы ортчиз (DARPA Grand Challenge).
- 2008 — Зарнилэн унциез понна дунъёс историын нырысьсэ 1000 долларлэсь трос йылӥзы.
Вордскизы
Удмуртиысь тодмо муртъёс
Россиысь но дуннеысь тодмо муртъёс
- 1888 — Антон Макаренко, совето гожъяськись, дышетӥсь.
- 1911 — Л. Рон (Лафайет Рональд) Хаббард, Америкаысь гожъяськись-фантаст, дианетикаез но саентологиез кылдытӥсь.
- 1913 — Сергей Михалков, совето гожъяськись, СССР-лэн но Россилэн гимнъёссылэсь кылъёссэ гожтӥсь.
- 1951 — Ирина Алфёрова, театрын но киноын шудӥсь актриса, Россиысь Калык артист.
- 1955 — Зинэтула Билялетдинов, хоккеен шудӥсь но хоккейя тренер, олимпи чемпион, дуннелэн 6 полэс чемпионэз.
Кулӥзы
Удмуртиысь тодмо муртъёс
- 1970 — Борис Чичкин, совето архитектор, Ижкарлэн валтӥсь архитекторез (1954-1956-тӥ аръёсы).
Россиысь но дуннеысь тодмо муртъёс
- 1881 — Александр II, Россиысь император.
- 1915 — Сергей Витте, граф, Россиысь кун ужась.
- 2011 — Виталий Вульф, искусствовед, театровед, литературовед, теле- но радиопередачаосты нуись.
.jpg)
