Волков, Макар Иосифович

Рувикиын таӵе фамилиен мукет муртъёс сярысь гожтосъёс вань. Учке: Волков.

Волков Макар Иосифович
Вордӥськем нуналыз	13-тӥ южтолэзе 1903({{padleft:1903|4|0}}-{{padleft:3|2|0}}-{{padleft:13|2|0}})
Вордӥськем интыез	Ватка губерниысь Балезино ёросысь Саламатово гурт
Кулон нуналыз	16-тӥ пӧсьтолэзе 1990({{padleft:1990|4|0}}-{{padleft:7|2|0}}-{{padleft:16|2|0}}) (87 лет)
Кулэм интыез	Удмуртиысь Камбарка ёросысь Кам каргурт
Кунмуртлыкез	СССР СССР
Ужудысэз	журналист, прозаик, редактор, директор
Данъетъёсыз

Волков Макар Иосифович (13-тӥ южтолэзе 1903, Балезино ёрос — 16-тӥ пӧсьтолэзе 1990, Кама (Удмуртия)) — совето но удмурт гожъяськись, журналист, редактор. «Удмуртия» книгапоттонилэн директорез (1930—1934, мукет ивортонъёсъя — 1932—1937). 1937-тӥ арын репрессия улэ шедиз. 1956-тӥ арын 16-тӥ куартолэзе реабилитировать каремын вал. СССР-ысь гожъяськисьёслэн огазеяськонзылэн ёзчиез.

Улон сюресэз

М. И. Волков вордӥськиз 1903-тӥ арын 13-тӥ южтолэзе Балезино ёросысь Саламатово гуртысь музъем пайтэк кылем крестьян-батраклэн семьяяз. Выжыезъя — удмурт.

1916-тӥ арын Котеговоысь калык покчи училищеез йылпумъяз. 1918-тӥ арын — 2 классъем Ягошур училищеез. Дышетскон висказ гужем кулакъёс дорын тыршиз. 1919-тӥ арын нырысьсэ уже интыяськиз — Ягошурысь ёрос милицие, делопроизводитель вал. 1920-тӥ арын 2-тӥ тулыспалэ ВКСМ-е пыриз. Волков ёзлэн тӧроез, отӥяз волостьысь комитетлэн тӧроез луиз. 1920-тӥ арын тулыс РКСМ-лэн Глазов Укомаз выжтэмын но экономикая но правоя ёзэн кивалтӥсе юнматэмын вал, со дыре ик Ватка губерниысь 2-тӥ участокысь утись инспекторлэсь ужзэ быдэсъяз.

1921-тӥ арын Удмуртиысь РКСМ-лэн нырысетӥ областной ӧтчамаз делегатэ быръемын вал. 1923-тӥ—1927-тӥ аръёсы — Ижысь индустри ӝыт рабфакысь студент. 1923-тӥ арын южтолэзе Коммунистической партие ёзчие кутэмын вал. 1923-тӥ—1924-тӥ аръёсы Вотской областьысь профсоюзъёслэн кенешысьтызы ивор вӧлмытонъя партийной ёзэн кивалтӥз. 1924-тӥ—1926-тӥ аръёсы «Гудыри» газетысь партийной улонъя ёзэзлэн кивалтӥсезлэсь ужзэ быдэсъяз. Ижкаре Союзысь староста Калинин вуэмен, Волков репортёр сямен Удмуртиетӥ сьӧраз ветлӥз. 1926-тӥ арын толсуре Волковез юнматӥзы Вотской областьысь печатья но адӟытонъёсъя улосвыл инспекторе (Облитэн кивалтӥсе). Та дыре книгаосты но канцелярияя арбериосты вузанъя киоскъёсты кылдытон ужен выриз.

1927-тӥ—1930-тӥ аръёсы — Мускоысь журналистикая кун институтысь студент. Журналистикая кун институтэз йылпумъяз (1927—1930).

1930-тӥ—1934-тӥ аръёсы Удмурт областной «Удкнига» кун книгапоттониен кивалтӥз, «Удмурт Коммуна» газетлэн редакторез вал. 1932-тӥ арын Макар Волков быръемын вал Удмуртиысь пролетариат писательёслэн конференциязы делегатэ, отын доклад лэсьтӥз. 1934-тӥ арын Волков Совпартшколаысь ёрос газетъёсысь редакторъёслэсь тодон-валанзэс будэтонъя улос курсъёслэн кивалтӥсез но дышетӥсез вал. Ар ортчыса, Горький областьысь Бор ёросысь «Красный Ремень» заводэн кивалтӥсезлэн воштӥсезлэсь ужзэ быдэсъяз (1935).

1935-тӥ арын 10-тӥ коньывуонэ Волков М. И. компартиысь поттэмын вал. 1936-тӥ арын шуркынмонысен Борысь «Сталинец» газетлэн редакцияз выжтэмын вал, татын промышленностья ёзэн кивалтӥз. 1937-тӥ арын репрессие шедиз, суд пыр поттэмын но ссылкае Новосибирьской областьысь лагерьёсы келямын (Орлово-3уево гурт), татын нюлэс дасянын нормаос тупатъясь луыса тыршиз (1937—1942).

1956-тӥ арын 16-тӥ куартолэзе Макар Волков реабилитировать каремын.

Ижевск-Балезино чугун сюресэз лэсьтэмъёслы сӥзем мемориал

1942-тӥ—1943-тӥ аръёсы Ижевск-Балезино чугун сюресэз лэсьтонын норма тупатъясь луыса ужаз.

1943-тӥ арын оштолэзьысен Макар Волков Камбарка портэз лэсьтонэ пыриськиз, отӥяз Бутыш каргуртэ улыны кылиз но портын 1959-тӥ арозь инженер-экономист луыса ужаз. 1959-тӥ арын 24-тӥ куартолэзьысен М. И. Волковлы интыысь инлыкен нимысьтыз пенсия тупатэмын вал, нош 1984-тӥ арысен — улос инлыкен нимысьтыз пенсия.

1990-тӥ арын 16-тӥ пӧсьтолэзе Камбарка ёросысь Кама каргуртын Макар Волков улонысь кошкиз.

Творчествоез

Макар Волков — «Парсь Петя» (ӟуч: Петя-свинтус, 1927), «3абойщик Петров» веросъёслэн, «Kpистос Батуев» пьесалэн, «Тулкым вылтӥ» (ӟуч: По волнам, 1931) очеркъёсын бичетлэн авторез. 1930-тӥ арын «Сылалкож» (ӟуч: Соляной поворот) йылпумъямтэ повестьлэсь люкетъёссэ печатлаз. Творчествоя практикаяз ЛЕФ-ъя «фактысь литература» теорияя вылэ пыкиськылӥз, очеркысь но репортажысь «мобильной» жанръёсты пумит пуктылӥз сяме пырем художественной литератураысь формаослы, соосты вужмемен лыдъялляз. Веросъёсыз наивной но реалистической литература шӧмо гожтэмын, атеизм, лулчеберет, дышетон мылкыдын полэстӥськемын. Озьы ик Мак. Осипов кушем нимын печатласькылӥз.

Библиография

Быръемъёсыз:

• М. И. Волков. Парсь Петя. — Ижевск: Удкнига, 1927. — 38 с.
• М. И. Волков. Кристос Батуев. — Ижевск: Удкнига, 1927. — 93 с.
• М. И. Волков. Коминтернлэн куатетӥ конгрессэз. — Ижевск: Удкнига, 1929. — 28 с.
• М. И. Волков. Удмуртия к 15 годовщине Октября: справочник по строительству УАО. — Ижевск: Удгиз, 1932. — 31 с. — 3000 экз.
• М. И. Волков. Удмурт печать. — Ижевск: Удгиз, 1932. — 56 с.

Данъетъёсыз

• «1941-тӥ—1945-тӥ аръёсысь Быдӟым Атыкай ож вакытэ ӟеч тыршемез понна» медаль;
• «Знак Почёта» орден;
• «КПСС-сэ 50 ар ӵоже пыриськемез понна» гадьпус;
• Октябрьлы 70 ар тырмонэн валче КПСС-лэн ЦК-езлэсь, СССР-ысь Вылӥ Кенешлэн Президиумезлэсь, СССР-ысь Министръёслэн Кенешсылэсь ӟечкылан гожтэтъёссэс басьтӥз (1987).

Валэктонъёс

Чӧлсконъёс

• Волков Макар Иосифович — один из первых журналистов Удмуртии [ӟуч]

• Жанрово-стилистическая специфика произведений удмуртского писателя М. И. Волкова [ӟуч]

• Писатели Удмуртии — члены творческих союзов [ӟуч]

• Писатели и литературоведы Удмуртии [ӟуч]