7-тӥ коньывуон — Григориан дырпусъя — арлэн 280-тӥ нуналыз (касьян аре — 281-тӥез). Ар пумозь 85 нунал кылемын.
☀️ Ижкарын Шунды 6 час 54 минутэ ӝужа, пуксе 17 час 59 минутэ. Югыт нуналлэн кыстӥськемез 🕒 11 час 5 минут.
🌘 Вуж Толэзь (будэмез 25.31 нунал).
Нунал тодметъёс
- Феклалэн нуналыз (ӟуч: День Фёклы Заревницы). Вазенгес та нуналысен обиньёсын культо куасьтон понна, ӵукнаысен ӝытозь гур эстыло вылэм. Корка пушез шунтон понна, коркан но гур эстылыны кутско ини. Туннэ керттэмзэ-герӟамзэ пертчыны уг ни луы, шуо. Соин ик та нуналэ сюан шудыны дэмллало.
- Туннэ тӧл лымшор но шундыӝужан палась пельтэ ке ― сизьым нунал зорытэк улоз на.
Нимнуналзэс пусъё
- Влaдиcлaв, Гaлaктиoн, Aндpeй, Пaвел, Мapия, Cepгeй.
Лепанто котырын ожмаськон
Праздникъёс но буре ваён нуналъёс
- Эмчилэн калыккуспо нуналыз (ӟуч: Международный день врача).
- Архитектуралэн дунневыл нуналыз.
Йӧскалык праздникъёс
Тумошо праздникъёс
- Лякыт сямо адямиослэн нуналзы.
- Шуныт дӥськут сярысь тодэ ваён нунал.
Луэм учыръёс
Удмуртиын
- 1918 — Горд армилэн Ватка дивизиез Шаркан черкогуртэз тӧдьыослэсь мозмытӥз.
- 1922 — Эграысь химической завод ужаны ӧдъяз.
- 1958 ― Удмурт геофизической экспедиция кылдытэмын, 1995-тӥ арысен — «Удмуртгеофизика».
- 1998 — Дэри ёрослэн администрациезлэн Калыкез утёнъя управлениез кылдытэмын.
Россиын но дуннеын
- 1506 — папа Юлий II Болонья карез Папской улос борды огазеяз.
- 1571 — Лепанто дорын ожмаськон: христианъёс нырысьсэ Осман империез вормизы.
- 1826 — Массачусетсын США-ысь нырысетӥез чугун сюрес усьтэмын.
- 1897 — Вильнюсын «Бунд» — быдэс Россиысь еврейёслэн рабочей союззы инъямын.
- 1905 — Быдэс Россиысь политической стачка кутскиз.
- 1909 — Зиминлэн оперной театраз «Золотой петушок» опералэн премьераез ортчиз.
- 1949 — Германиысь Демократи Республика (ГДР) кылдытэмын. Та нуналэ ГДР-ын йӧскалык праздник — Республикалэн нуналыз ялэмын.
- 1975 — СССР но ГДР куспын эшласькон, огкылысь ужан но пунэмен юрттон сярысь тупанкыл гожтэмын.
- 1977 — СССР-лэн куинетӥ Конституциез кутэмын.
- 1993 ― Ленин мавзолей бордысь 1-тӥ номеро пост Тодмотэм солдатлы синпелет доры выжтэмын.
- 2001 — США калыккуспо коалицилэн юрттэтэныз Афганистанын ожгар операциез кутскиз.
Григорий Елисеев, Россиысь нырысетӥ акционер банкез кылдытӥсь(1864)
Вордӥськизы
Удмуртиысь тодмо муртъёс
Россиысь но дуннеысь тодмо муртъёс
- 1804 — Григорий Елисеев (кул. 1892), 1-й гильдиысь купец, Россиысь нырысетӥ акционер банкез кылдытӥсь(1864).
- 1885 — Нильс Бор, Даниысь физик, Нобель премилэн лауреатэз (1922).
- 1900 — Генрих Гиммлер, Куинетӥ рейхлэн валтӥсь ожгар но политика удысын ужасьёс пӧлысь одӥгез.
- 1934 — Ульрика Майнхоф, Шундыпуксёнпал Германиысь террорист, журналист, педагог, социолог но теледокументалист, мерлыко ужчи, «Горд Армилэн Фракциезлэн» (RAF) кивалтӥсьёсыз но теоретикъёсыз пӧлысь одӥгез.
- 1952 — Владимир Путин, Россилэн президентэз.
- 1982 — Анастасия Стоцкая, ӟуч кырӟась, актриса.
Джон Даун, Даун синдромез шараям тодосчи
Кулӥзы
Удмуртиысь тодмо муртъёс
Россиысь но дуннеысь тодмо муртъёс
- 1849 — Эдгар Аллан По, Америкаысь гожъяськись, кылбурчи но литература дунъясь.
- 1896 — Джон Даун, Великобританиысь тодосчи, кудӥз Даун синдромез шараяз.
- 2006 — виемын Анна Политковская, Россиысь журналист.
Удмуртия — Михаил Федотовез буре ваён нунал.
Россия — МВД-лэсь штабной подразделениоссэ кылдытон нунал.
СССР — Конституцилэн нуналыз.
ГДР — Кунлэн кылдон нуналыз (1949).
_by_Sydney_Hodges.jpg)