26-тӥ куартолэзь — Григориан дырпусъя — арлэн 146-тӥ нуналыз (касьян аре — 147-тӥез). Ар пумозь 219 нунал кылемын.
☀️ Ижкарын Шунды 3 час 54 минутэ ӝужа, пуксе 21 час 0 минутэ. Югыт нуналлэн кыстӥськемез 🕒 17 час 5 минут.
🌓 Нырысетӥ ньыльмосэз (будэмез 9.43 нунал).
Нунал тодметъёс
- Чибинь вайись Лукерьялэн нуналыз (ӟуч: Лукерья Комарница). Туннэ нуналысен чибинь потэ, шуо. Туннэ мар ке вылез борды басьтӥськыны уг яра, пе.
- Туннэ чибинь трос ке ― емыш но губи удалтоз.
- Мушъёс зол гужетыса ужало ке ― емыш удалтоз, кутъёс ке трос ― сӥзьыл губи трос луоз.
- Ярдурпӧськыос но ваёбыжъёс вылэтӥ лобало ке ― куазь шулдырскоз.
Нимнуналзэс пусъё
- Александр, Василий, Георгий, Гликерия, Егор, Ефим, Ирина, Макар, Сергей, Юрий.
Праздникъёс но буре ваён нуналъёс
- Гордкысъемъёслэн дунневыл нуналзы ӟуч: Всемирный день рыжих.
- Кыктоослэн калыккуспо нуналзы ӟуч: Международный день близнецов
- Химиклэн нуналыз.
Йӧскалык праздникъёс
Тумошо праздникъёс
- Гольык пыдын ветлон нунал (ӟуч: День хождения босиком).
- Алтайысь снежной барслэн нуналыз (ӟуч: День снежного барса на Алтае).
- Вал вылын ожмаськисьлэн нуналыз (ӟуч: День конника).
- Дракулалэн дунневыл нуналыз (ӟуч: Всемирный день Дракулы).
Луэм учыръёс
Удмуртиын
- 1867 ― 26-28 куартолэзе Иж заводын улӥсьёс понна 2 волость кылдытэмын - Заречной но Нагорной. Быръемын волостной правлениос[1].
- 1899 ― Иж заводын нырысетӥез библиотека усьтэмын.
- 1918 ― Горд Армилэн Ижысь нырысетӥ батальонэзлы сӥё-дано знамя сётэмын.
- 1933 — Удмуртиысь гожъяськисьёслэн огазеяськонзылэн нырысетӥ конференциез ортчиз.
- 1938 — «Иж — Сарапул — Иж» маршрутъя автобусъёслэн мынон-ветлонзы кутскемын.
- 1953 — Удмурт АССР-ын Лулчеберетъя министерство кылдытэмын.
- 1998 — «Удмурт Кенеш» огазеяськон аслэсьтыз «Герд» газетэзлэсь нырысетӥ номерзэ поттӥз.
- 2012 — Куать удмурт песянайёс Бакуын «Party for Everybody» шулдыръяськон ӝыт ортчытӥзы.
Россиын но дуннеын
Остроленко котырын ожмаськон, 1831
- 1093 — ӟуч князь но половецъёс куспын ожмаськон[ru].
- 1583 — Стратфорд черкын пыртэмын 19 аресъем Вильям Шекспирлэн нырысетӥ нылпиез — Сюзанна нылыз. берло со тодмо кылбурчи но драматург луоз.
- 1648 — Богдан Хмельницкий полякъёсты Корсунь котырын пазьгиз[ru].
- 1799 — Суворовлэн итальян походэз: ӟуч войскоос Туринэ пыризы.
- 1805 — Карабахлэн кивалтӥсез Ибрагим-хан Россиен огъя луон сярысь кыл сётӥз.
- 1831 — Остроленкой котырын ӟуч гвардия поляк войскоез быдэсак пазьгиз[ru] но Варшава пала чигнатӥз.
- 1897 — Брэм Стокер «Дракула» романзэ поттӥз.
- 1905 — Канныын ассэ быдтӥз Россиысь тужгес узырез мурт, меценат Савва Морозов.
- 1908 — Англи бизнесмен Уильям Д’Арси Персиын Матысь Шундыӝужан палась нырысетӥзэ мувӧй поттонэз радъяз.
- 1910 — Петербургын Кирочной ульчаын Пётр I «от чинов л.-гв. Преображенского полка» синпелет усьтэмын.
- 1913 — Петербургын, быдэс историын нырысьсэ, инме ӝутскиз «Русский витязь» трос моторъем самолёт, сое кылдытӥз инженер Игорь Сикорский.
- 1917 — Чита Кенеш Нерчинской каторгаез[ru] быдтон сярысь Пуктэт кутӥз.
- 1918 — Кавказссьӧр Федераци куинь асэриклыко кунъёслы висъяськиз: Грузия, Армения но Азербайджан.
- 1931 — Харбинын ӟуч эмигрантъёс Росси фашист партия[ru] кылдытӥзы.
- 1938 — Вольфсбургын Адольф Гитлер «Фольксваген» заводэз лэсьтонлэсь нырысетӥ иззэ инъяз.
- 1947 — СССР-ын кужмысь виён палэнтэмын, (выльысь берентэмын 1950-тӥ арын).
- 1948 — ЮАР-ын апартеижд политикалэн кутсконэз сярысь ялэмын.
- 1972
- Москваын СССР-лэн США-ен кусыпъяськемез сярысь инъет гожтэмын, со пӧлын противоракетной оборонаез сюбегатон сярысь тупанкыл.
- Берлинын ГДР но ФРГ куспын транспортной тупанкыл юнматэмын — та кунъёс куспын нырысетӥез кун тупанкыл.
- 1980 — Венгрилэн нырысетӥ космонавтэныз Берталан Фаркашен Союз-36 лэземын.
- 1988 — кутэмын кооперативъёс сярысь Кат, кудӥз нимазъям ужудыслы азинскыны луонлык сётӥз.
- 1990 — Россиысь Демократической партилэн (ДПР) учредительной конференциез ортчиз; партилэн кылдытӥсез но нырысетӥ азьветлӥсез Н. И. Травкин вал.
- 1991 — нырысетӥ президент быръёнъёсын Грузиын вормисе потӥз Звиад Гамсахурдия.
- 2004
- Киевын, Украиналэн пограничной кун службаезлэн юртэз азьын «Защитникам границ Отечества всех поколений» синпелет усьтэмын.
- тодмо ӟуч символистлэн Михаил Нестеровлэн «Покой на земле» суредэз «Сотбис» лондон аукционын 500 сюрс фунт стерлинген вузамын.
- 2008 — Мокша но Эрзя Википедиос усьтӥськизы.
Михаил Фёдорович Соймонов
Вордӥськизы
Удмуртиысь тодмо муртъёс
- 1927 — Владимир Осинцев, Удмуртиысь куасэн ветлӥсь спортсмен, СССР-ысь спортъя мастер.
Россиысь но дуннеысь тодмо муртъёс
- 1265 — Данте Алигьери, Флоренциысь кылбурчи, литературной итальян кыллэз инъясьёсыз пӧлысь одӥгез.
- 1667 — Абрахам Де Муавр, Франциысь математик.
- 1730 — Михаил Соймонов (кул. 1804), Россиын горной ужез но вылӥ образованиез кылдытӥсьёс пӧлысь одӥгез, сенатор.
- 1907 — Георгий Байдуков, лётчик, Совето Союзлэн Героез.
- 1912 — Янош Кадар, Венгриысь политик-коммунист.
- 1935 — Аллан Чумак, телевизор пыр йӧнатӥсь.
- 1969 — Анжелика Варум, Россиысь эстрада кырӟась.
- 1971 — Мэтт Стоун, Америкаысь киноактёр, «South Park» мультсериал кылдытӥсьёс пӧлысь одӥгез.
Кулӥзы
Удмуртиысь тодмо муртъёс
Россиысь но дуннеысь тодмо муртъёс
- 1818 — Михаил Барклай-де-Толли, ӟуч полководец, 1812-тӥ арын Атыкай ожысь герой, генерал-фельдмаршал.
- 1905 — Савва Морозов, ӟуч промышленник но меценат.
- 1927 — Борис Кустодиев, Россиысь суредась.
- 2017 — Збигнев Бжезинский, Америкаысь политолог.
Валэктонъёс
Удмуртия — Песянайлэн нуналыз
Россия — Росси ужбергатӥсьёслэн нуналзы.
Армения — Сардарапат ожмаськонын вормон нунал.
Гайана — Асэриклык басьтон нунал.
Грузия — Асэриклык басьтон нунал.
Дания — Кронпринц Фредериклэн вордӥськон нуналыз.
Польша — Анайлэн нуналыз.
.jpg)
