18-тӥ толшор — Григориан дырпусъя — арлэн 18-тӥ нуналыз. Выль арозь 347 нунал кылемын (касьян аре — 348 нунал).
☀️ Ижкарын Шунды 8 час 39 минутэ ӝужа, пуксе 16 час 14 минутэ. Югыт нуналлэн кыстӥськемез 🕒 7 час 34 минут.
🌘 Вуж Толэзь (будэмез 29.08 нунал).
Нунал тодметъёс
Удмурт калык дырпусъя туннэ Вожо уллян, Йӧ вылэ тылскон нунал. Православи черк та нуналэз Крещенский Сочельник шуыса нима. Туннэ корка котырын утялскыны, мисьтаськыны, ӝытпал ву дуре ветлыны дэмлало. Колодчаысь вуэз секыт малпанъёсын омыръяны уг яра шуо.
- Кыӵе туннэ куазь — сыӵе ик Масленча нуналэ но луоз.
- Та нуналэ пельскиз, лымыяз ке — ар емышо луоз.
- Туннэ тӧл лымшор палась ке пельтӥз — гужем ӵем гудыръялоз.
Нимнуналзэс пусъё
- Аполлинария, Григорий, Евгения, Иосиф, Лукиан, Матфей, Мина, Михей, Роман, Саис, Сергей, Симеон, Синесий, Синклитикия, Татьяна, Феоид, Феона, Феопемпт, Фома, Фостирий.
Праздникъёс но буре ваён нуналъёс
- Россия
Россия — нылпи телевиденилэн кылдон нуналыз.
- США
США — Мичиган штатлэн нуналыз.
Тунис — революцилэн нуналыз.- Лымыпоглэн нуналыз.
Луэм учыръёс
Удмуртиын
Россиын но дуннеын
- 1654 — Переяславская рада ортчиз. Татын Запорожье Войсколэсь интывылзэ Ӟуч царство борды юнматон сярысь кенешемын вал.
- 1778 — Джеймс Кук Гавай шормуӵъёсты усьтӥз но соосты Сандвич шормуӵъёс шуыса нимаз.
- 1825 — Бадӟым театрлэн выль юртэз усьтӥськиз.
- 1871 — Франко-прусской войнаын Пруссилэн француз армиез пазьгемез бере, Парижысь Версаль дворецын Герман империез кылдытон сярысь ялэмын вал.
- 1908 — В. К. Арсеньевлэн Сихотэ-Алиньской экспедициез йылпумъяськиз.
- 1925 — «Новый мир» журналлэн нырысетӥ номерез потӥз.
- 1926 — Совето Союзын экран вылэ поттэмын "Броненосец «Потёмкин» фильм.
- 1942 — Вяземской воздушно-десантной операци кутскиз.
- 1943 — Совето ожгарчиос Ленинград блокадаез поризы. Солы луыса, Ленинград фронтысь югдур кӧнялы ке капчияз. Быдэсак котрет 1944 арын 27 толшоре палэнтэмын вал.
- 1963 — Центральной телевидениын нылпи программаос дасянъя Валтӥсь редакци кылдытэмын. Та нунал Россиысь нылпи телевиденилэн вордӥськем нуналэныз лыдъяське.
- 1974 — СССР-ын Трудовой Слава орден но «Ветеран труда» медаль кылдытэмын.
- 2023 — Украинаысь Бровары кар котырын луэм авиакатастрофаын Украинаысь МВД-лэн кивалтэт ёзчиосыз бырыны шедизы: кунпуш ужъёсъя министр Денис Монастырский, солэн нырысетӥ воштӥсез Евгений Енин но министерстволэн кунссекретарез Юрий Лубкович.
Вордӥськизы
- Удмуртиысь тодмо муртъёс
- Россиысь но дуннеысь тодмо муртъёс
Кулӥзы
- Удмуртиысь тодмо муртъёс
- Россиысь но дуннеысь тодмо муртъёс
- 1936 — Редьярд Киплинг, Англиысь гожъясьчи, Нобель премилэн лауреатэз (1907).
- 1956 — Константин Пятс, Эстонилэн нырысетӥ президентэз.
- 2000 — Владимир Успенский, совето гожъясьчи.
