11-тӥ инвожо — Григориан дырпусъя — арлэн 162-тӥ нуналыз (касьян аре — 163-тӥез). Ар пумозь 203 нунал кылемын.
☀️ Ижкарын Шунды 3 час 35 минутэ ӝужа, пуксе 21 час 18 минутэ. Югыт нуналлэн кыстӥськемез 🕒 17 час 43 минут.
🌘 Вуж Толэзь (будэмез 25.43 нунал).
Нунал тодметъёс
- Та нуналъёсы эмезьпу сяськаяське, шуо. Ӟуч дырпусъя Феодосья Ӟегез шепаськытӥсь (ӟуч: Феодосья Колосятница). Туннэ юнме сяська-турын ишкыны уг лэзё. Озьы ик вутымъёсын пыласькемез уг ярато, вукузёез, пе сайкатод.
- Та нуналлы ӟег шепаськыны кутскиз ке — губи удалтоз.
- Кӧс бус вӧлске ке — емыш уз удалты.
- Чонариос трос ке адско — куазь шулдырскоз.
- Ӝытпал кужмо тӧл ӝутскиз ке — зор-кот усёз.
Нимнуналзэс пусъё
- Александра, Андрей, Иван, Лука, Мария, Федот.
Буэнос-Айрес 1536-тӥ арын, инъям бере
Праздникъёс но буре ваён нуналъёс
- Мотоциклистлэн дунневыл нуналыз.
Йӧскалык праздникъёс
- Россия
Россия — Йырсазь лябомонэн нюръяськон нунал (ӟуч: Общероссийский день рассеянного склероза , Всероссийский День борьбы с рассеянным склерозом (2009)[1].
- США
США, Гавайи — Гавайиысь нырысетӥ корольлы сӥзем нунал.
- Европа
Европа — Льӧль виналэн нуналыз (ӟуч: День розового вина)[2]
Тумошо праздникъёс
- Выль кизили утчан нунал.
- Ягуарлэн дунневыл нуналыз.
Луэм учыръёс
Удмуртиын
- 1938 — Ижын симфонической оркестр кылдытэмын.
- 1959 — Воткалан Партизанской площаде тӧдьы террорлэсь быремъёсты буре ваён обелиск пуктэмын.
Россиын но дуннеын
- 1496 — Христофор Колумб кыкетӥ путешествизэ йылпумъяз. Озьы ке но,Китае сюрес шедьтымтэез понна со испан королевалы синазькыль луиз.
- 1580 — испан конкистадоръёс Буэнос-Айрес карез инъязы.
- 1770 — Джеймс Кук Австралилэн ярдур вӧзаз Бадӟым Барьер рифез шараяз.
- 1826 — Москваын нырысетӥез син эмъян юрт усьтӥськиз.
- 1842 — Потӥз Николай Гогольлэн «Мёртвые души» поэмаез.
- 1858 — Санкт-Петербургын Исаакиевской собор вӧсямын.
- 1889 — Вашингтонысь американецъёс Джон Перди но Джеймс Садгвар складной пукон кылдытӥзы[3].
- 1917 — Балти зарезьын, Готланд шормуӵ котырын Росси ВМФ-лэн «Львица» вуул пыжез пуштыса выйиз[4].
- 1930 — американ зоолог Уильям Биб (Charles William Beebe) но инженер Отис Бартон (Otis Barton) ас киынызы лэсьтэм батисфераын 400 метр мурдалае ву улэ васькизы[5].
- 1938 — Япон но Китай куспын ожмаськон: Ухань котырын ожмаськон кутскиз.
- 1934 — Мускоысь тӧрлык Сухарев башняез тӥяны косӥз.
- 1965 — королева Елизавета II The Beatles группаысь музыкантъёсты Британ империлэн орденэныз пусйиз.
- 1975 — Грециын Конституция кутэмын[6].
- 1980 — Ленинград улосын Нижнесвирской заповедник усьтэмын.
- 1992 — Россиысь Вылӥ Кенеш ваучеръёсын приватизацияя программаез кутскон сярысь Пуктэт кутӥз.
- 1996 — Москваын «Тульская» станциысь метро вагонын терракт луиз.
- 2007 — Бангладешын лек зоръёс дыръя гурезьысь ӝог бызись изъёсын кырсь ву кошкемен, 130 мурт бырыны шедиз.
- 2008 — орбитае лэземын Fermi космический гамма-телескоп.
Виссарион Григорьевич Белинский
Вордскизы
Удмуртиысь тодмо муртъёс
- 1960 — Александр Александрович Ушаков — «Ижкар» муниципал кылдытэтлэн йырыз (2010—2015).
- 1926 — Ливий Ураков, удмурт журналист, публицист, дышетӥсь.
- 1928 — Борис Меркушев, Удмуртиысь тодосчи, педагог.
- 1947 — Клара Серебренникова, Удмуртиысь акушер-гинеколог, Ижысь медициная кун академилэн профессорез.
- 1980 — Ишматова, Татьяна Витальевна, Удмурт Элькунысь Кун Кенешлэн Тӧроезлэн воштӥсез, Россиысь финн-угор калыкъёслэн ассоциациенызы кивалтӥсьлэн воштӥсез, "Удмурт Кенеш" огазеяськонлэн азьвыл тӧроез.
Россиысь но дуннеысь тодмо муртъёс
- 1811 — Виссарион Белинский, ӟуч литературной критик, публицист, философ но демократ.
- 1864 — Рихард Штраус, немец крезьгурчи но дирижёр.
- 1895 — Николай Булганин, совето политик но ожгар ужась.
- 1910 — Жак Ив Кусто, Франциысь океанограф, аквалангез кылдытӥсь.
- 1959 — Хью Лори, Великобританиысь актёр, «Зарни глобус» премилэн куинь полэс лауреатэз.
- 1975 — Денис Мацуев, Россиысь пианиноен шудӥсь виртуоз, Россиысь калык артист.
- 1985 — Дмитрий Колдун, Беларусьысь кырӟась, крезьгурчи, «Евровидение-2007» вожвылъяськонэ пыриськись.
Александр Фёдорович Керенский
Кулӥзы
Удмуртиысь тодмо муртъёс
Россиысь но дуннеысь тодмо муртъёс
- 1859 — Клеменс фон Меттерних, Австриысь кун ужчи.
- 1937 — Мате Залка (зэмос нимыз Бела Франкль), венгер гожъяськись коммунист, Испаниысь Граждан ожысь генерал.
- 1970 — Александр Керенский, Россиысь политик, Огдырлыко кивалтэтлэн тӧроез.
Валэктонъёс
.JPG)
