4-тӥ инвожо — Григориан дырпусъя — арлэн 155-тӥ нуналыз (касьян аре — 156-тӥез). Ар пумозь 210 нунал кылемын.
☀️ Ижкарын Шунды 3 час 41 минутэ ӝужа, пуксе 21 час 12 минутэ. Югыт нуналлэн кыстӥськемез 🕒 17 час 30 минут.
🌖 Синӥсь Толэзь (будэмез 18.43 нунал).
Нунал тодметъёс
- Василисклэн нуналыз яке Уӵы нунал (ӟуч: День Василиска) Туннэ, пе, номыр кизьыны-мерттыны уг яра, емыш интые зангари сяська гинэ потоз, шуо.
- Туннэ бус вӧлскемын ке ― емыш удалтоз.
- Тылобурдоослэн чирдэмзы кылӥське ке ― куазь шулдыр улоз.
- Лузьёс трос ке ― огреч удалтоз.
Нимнуналзэс пусъё
- Василиск, Владимир, Данила, Иван, Макар, Михаил, Павел, София, Любовь.
Петр I-лэн юртэз, Санкт-Петербург
Детройтысь Фордлэн машина лэсьтон заводаз. Сборочной конвейер, 1923-тӥ ар
Праздникъёс но буре ваён нуналъёс
Йӧскалык праздникъёс
Тумошо праздникъёс
- Гужемез яратӥсьёслэн нуналзы (ӟуч: День любителей лета);
- "Крокодил" журналлэн вордӥськон нуналыз (ӟуч: Дeнь poждeния жуpнaлa «Кpoкoдил»).
Луэм учыръёс
Удмуртиын
Россиын но дуннеын
"Рабочая газеталэн" приложениосыз
Магас ― Ингушетилэн шоркарез
- 1703 — Пётр I корка пуктыны кутскемын (Санкт-Петербургысь тужгес вужез юрт)[2].
- 1878 — Осман империя Великобританилы Кипр шормуӵен кивалтонэз сётӥз.
- 1893 — Петербургын бумагопрядильняын бугыръяськонъёс кутскизы (али «Веретено» фабрика). Со Петербургысь «Промышленной войналэн» кутсконэз луиз (Ленин)[2].
- 1896 — Фордлэсь нырысетӥ кылдытэм машиназэ эскерон ужрад чаклам дырлэсь кык часлы беромиз, малы ке шуоно, кылдытэм машиналэн пасьталаез заводысь цех ӧсъёслэсь паськытгес луэм.
- 1908 — Эмиль Золя гожъяськисьлэн лы-сьӧмыз Пантеонэ выжтэмын.
- 1916 — Нырысетӥ дунне ож: Галициын ӟуч арми наступление потӥз ― Брусиловской прорыв[ru].
- 1922 — потыны кутскиз «Крокодил» журнал. «Рабочая газета» издательствоын потӥз нырысетӥез «Рабочий» (берло «Рабочая газета») газетлэн 16 бамъем буёло, арнялы быдэ потӥсь сатирической приложениез. Нырысь-валысь со газетлэн нимыныз потаз, 13-тӥ номерысеныз "Крокодил" ним басьтӥз.
- 1925 — инъямын «Крайслер» автомобиль поттӥсь концерн.
- 1934 — Булгаков Совето гожъяськисьёслэн союзазы пыртэмын[3]
- 1940 — Кыкетӥ дунневыл ож: Великобританилэсь войскооссэ Дюнкеркысь поттон йылпумъямын.
- 1942 — Кыкетӥ дунневыл ож: Мидуэй атолл дорын ожмаськонлэн кутсконэз.
- 1965 — Москваысь Горд Ӟезьы азьын Михаил Лермонтовлы синпелет усьтэмын. Скульпторез Исаак Давидович Бродский. Та синпелет «Джентльмены удачи» фильмысь «пиджакен воргорон» — со синпелет ик вань.
- 1972 — кылбурчи Иосиф Бродский эмиграцие келямын.Брежневлы сӥзем гожтэтаз со тазьы гожтэм: «Мыным туж секыт Россиысь кошкыны. Мон оскисько, берытско шуыса. Кылбурчиос котьку берытско — улэпкын, яке бумага вылын».
- 1989
- Пекинысь Тяньаньмэнь площадьын студенческой демонстрация зӥбемын.
- Уфа дорын чугун сюрес катастрофа, Россилэн но СССР-лэн историысьтызы тужгес бадӟымез.
- 1999
- Малайзилэн выль шокарез Путраджая шуыса ялэмын.
- Ингушетиын администрацилэн выль шоркаре — Магас каре выжонэзлы сӥзем ужрадъёс кутскизы.
- 2000
- Шри-Ланкалэн кивалтэтэз кунын демонстрациос ортчытъянлэсь алӥз.
- США-лэн кунсекретарез Мадлен Олбрайт Москваын американ посольстволэсь выль корпуссэ усьтӥз.
Вордӥськизы
Удмуртиысь тодмо муртъёс
- 1946 — Рафхат Каримов, культура удысысь ужась, Удмурт Элькунысь чеберлыко киужъёсъя но ӧнеръёсъя йӧскалык центрлэн директорез (1996-тӥ ― 2013-тӥ аръёсы).
- 1959 — Сергей Бармин, Удмуртиысь пуляосын ыбылӥськонъя спортсмен, спортъя мастер.
Россиысь но дуннеысь тодмо муртъёс
- 1777 — Алексей Ермолов, ӟуч ожйыр но кун ужась.
- 1867 — Густав Маннергейм, финн кун ужась, маршал, Финляндилэн президентэз (1944—1946).
- 1975 — Анджелина Джоли, Америкаысь актриса.
Кулӥзы
Удмуртиысь тодмо муртъёс
Россиысь но дуннеысь тодмо муртъёс
- 1798 — Джованни Джакомо Казанова, Италиысь авантюрист, гожъяськись но мемуарист.
- 1941 — Вильгельм II, Пруссилэн королез но Германилэн берпуметӥ императорез (1888—1918).
- 1971 — Дьёрдь Лукач, венгер философ-неомарксист, литература дунъясь.
- 1976 — Золтан Латинович, Венгриысь киноактёр.
- 2012 — Эдуард Хиль, эстрадной кырӟась, РСФСР-ысь калык артист.
Валэктонъёс
ООН — Кужмысь карем сьӧлыктэм пиналъёслэн[1] нуналзы.
Россия — Крановщиклэн нуналыз (2014-тӥ арысен);
Казахстан — Кун пусъёслэн нуналзы (1992-тӥ арысен);
Молдавия — Банкын ужасьлэн нуналыз (1991-тӥ арысен);
Финляндия — Утись кужымъёслэн знамязылэн нуналыз (1942);
Эстония — Флаглэн нуналыз;
Ингушетия — Элькунлэн нуналыз.
.jpg)
