Йӧскалык печатьлэн нуналыз
| Йӧскалык печатьлэн нуналыз | |
|---|---|
 | |
| Типез | Удмуртиысь праздник |
| Мукет сямен | Удмурт йӧскалык печатьлэн нуналыз, йӧскалык прессалэн нуналыз |
| Юнматэмын | нырысетӥ удмурт газетлэн потон нуналызлы сӥзьыса |
| Пусъё |
 Удмуртия |
| Ортче | 2021-тӥ арысен |
| Дырыз | 4 тулыспалэ |
| Сям-йылолъёс | тужгес устооссэ изданиосты но журналистъёсты сӥлы карон ужрадъёс |
Йӧскалык печатьлэн нуналыз ӟуч: День национальной печати - Удмуртиысь печатьлы сӥзем йӧскалык праздник. Пусйиське арлы быдэ 4-тӥ тулыспалэ. Герӟаськемын нырысетӥ удмурт газетлэн потэменыз. Юнматэмын 2020-тӥ арын 14-тӥ толсуре кутэм «Удмурт Элькунысь праздникъёс но буре ваён нуналъёс сярысь» 81-РЗ номеро Катэн[1].
Историез
1915-тӥ арын 4-тӥ тулыспалэ «Войнаысь ивор» («Вести с войны») удмурт кылын печатласькись нырысетӥ удмурт газетлэн нырысетӥ номерез потӥз. Али дыре со газет «Удмурт дунне» («Удмуртский мир») нимын потэ[2]. Та нунал ик быръемын вал Удмуртиын Йӧскалык печатьлэн нуналызлы[3]. Йӧскалык печатьлэн нуналыз Удмуртиын нырысьсэ пусйиськиз 2021-тӥ арын.
Удмурт Элькунысь Кун Кенешлэн Тӧроезлэн воштӥсез, наукая, дышетонъя но граждан мерлыклэн азинсконэзъя ялан ужась ӧрилэн тӧроез Татьяна Ишматова пусйиз, Йӧскалык печатьлэн нуналыз со ― элькунлэн огазеясь кужымез, кудӥз йӧскалык литературалы, кылбуретлы, журналистикалы но быдэсак творчество удыслы азинскыны юрттэ но йӧскалык лулчеберетэз но кылэз вӧлмытыны луонлык сётэ[4]:
«Я испытываю чувство величайшего счастья, что у нас есть такие люди, чьи сердца горят общим делом, благодаря которым хочется стремиться дальше, решать даже самые сложные вопросы, и понимать, что сообща мы всё делаем не напрасно и что мы делаем одно великое дело. Наша большая общая задача, чтобы эта праздничная дата, которая утверждена законом Удмуртской Республики в региональном праздничном календаре, всегда оставалась праздничным, радостным днём, когда мы поздравляем друг друга, радуемся тому, что пополняется сообщество национальных талантов, звучат новые имена, выходят новые книги, что все наши издания находят своего читателя»
.
Али дыре «Йӧскалык прессалэн юртэз» ӟуч: АУ УР «Издательский дом национальной прессы» удмурт кылын печатласькись 7 газет-журнал поттэ: «Удмурт дунне» но «Иднакар» (мерлыкен но политикаен герӟаськем газетъёс), нылпиослы но егитъёслы сӥзем «Ӟечбур!» газет, дышетӥсьёс но нылпи садъёсын ужасьёс понна «Вордскем кыл» тодослыко журнал, нылпиослы чаклам «Кизили» журнал но художестенно-литературной но литературной «Инвожо» но «Кенеш» журналъёс. Йӧскалык прессалэн юртэныз кивалтэ Зинаида Рябинина.
Озьы ик учке
Валэктонъёс
- ↑ ЗАКОН УДМУРТСКОЙ РЕСПУБЛИКИ от 14 декабря 2020 года N 81-РЗ О праздничных днях и памятных датах Удмуртской Республики (с изменениями на 11 октября 2023 года)
- ↑ Республика отмечает День национальной печати!
- ↑ В Удмуртии утвердили дату праздования дня национальной печати
- ↑ В Госсовете прошло торжественное мероприятие, посвящённое Дню национальной печати Удмуртской Республики
