Надежда Андреевна Дуроваез буре ваён нунал
| Надежда Андреевна Дуроваез буре ваён нунал |
|---|
Надежда Дуроваез буре ваён нунал ― ӟуч кавалерист-девицалэн, Ӟуч император армиысь офицерлэн, 1812-тӥ арысь Быдӟым Атыкай оже пыриськем муртлэн, Георгиевской кавалерлэн ― Надежда Андреевна Дуровалэн вордӥськем нуналыз, ӟуч: День рождения Надежды Андреевны Дуровой – 17 куарусёнэ. Удмуртиысь официально юнматэм буре ваён нуналъёс пӧлы пыртэмын[1]. 2020-тӥ арын Кун Кенешлэн кызь укмысэтӥ сессияз «Удмурт Элькунысь праздникъёс но буре ваён нуналъёс сярысь» кутэм Катэн юнматэмын.
Историез
Наполеонэн ожмаськонын Удмурт шаер аслэсьтыз шӧдскымон кулэлыксэ возьматӥз. Нырысь ик, историе пыраклы кылиз но быдэс дуннелы тодмо луиз Сарапул карын вордӥськем нырысетӥез кавалерист-девица Надежда Дурова. Сарапулысь городничейлэн секунд-майорлэн Андрей Дуровлэн нылыз армие, пияш кариськыса сюриз. Озьы ке но, пӧяськемез шараяськем бере но Надежда Андреевналы Александр Александров нимын армие кыльыны лэземын вал. Надежда Дурова Бородино оже но со вакытысь мукет валтӥсь ожъёсы пыриськиз, полуэскадронэн кивалтӥз[2]. Озьы ик, 1812-тӥ арын Англиен, отысь вылӥ дунлыко корт вайылон дугдытӥсьткиз. Со интые корт поттон удысэз Удмурт Элькунысь Вотка заводын Семен Бадаев радъяз. Отысь поттэм кортэз ог люкетсэ Ижысь пыӵал поттон заводэ келяллязы. Озьы 1812-тӥ арын Иж завод ӟуч армилы 5877 пыӵал но 860 артиллерийской тесакъёс (бадӟым боевой пурт) келяз[3].
Валтӥсь ужрадъёс
• Надежда Дуроваез буре ваён нуналлы сӥзыса, «Город НАДЕЖДЫ» фестиваль улсын, куарусён толэзе Сарапулын, геройлыко нылкышнолэн вордӥськем интыяз арлы быдэ ортчыло гражданско-патриотической пумиськонъёс но научно-практической конференциос.
• 2023-тӥ арын ортчем фестиваль сӥземын вал Надежда Дуровалэн 240 ар тырмонэзлы. Кыкетсэ ортчиз Сарапул но Елабуга вынлыко каръёсын валчеяськыса[4].
• «Образы и символы военной истории России как универсальный инструмент межпоколенческого диалога» форуме Сарапул, Елабуга, Кунгур, Ижевск, Санкт-Петербург, Москва, Уфа, Самара, Пенза, Донецк каръёсысь тӧрлык удысысь, тодос но музей ужъёсын вырись муртъёс, дышетӥсьёс , мерлыко огазеяськонъёслэн огмуртъёссы люкаськылӥзы.
• «Российской державы достойная дочь!» проект – со трос ӧръёсты огазеясь ужрад паськыт ужрад: передвижной выставочной но издательской проектъёс, «Тур памяти» экскурсионной маршрутъёс, нимазъям сувенирной линейка, иворлыко акциос, гражданско-патриотической форум но Приволжск федерал округысь егитъёслэн патриотическ отрядъёссылэн съездзы. Росси Федерациысь сизьым улосъёс – Удмуртия, Татарстан, Москва но Киров улосъёс, Перм шаер, Санкт-Петербург, Донецк Калык Элькун – огазеяськыса тодмато кунмылэн историеныз[5].
Валэктонъёс
- ↑ ЗАКОН УДМУРТСКОЙ РЕСПУБЛИКИ от 14 декабря 2020 года N 81-РЗ О праздничных днях и памятных датах Удмуртской Республики
- ↑ Чем отметилась Удмуртия в войне 1812 года?
- ↑ Чем отметилась Удмуртия в войне 1812 года?
- ↑ В Сарапуле начались основные торжества, посвященные 240-летию кавалерист-девицы Надежды Дуровой
- ↑ Сарапульский музей-заповедник объявляет о старте межрегионального патриотического проекта «Российской державы достойная дочь!».